الموضوع: الله يخربيت الدائرى ومشاكلة اللى مش بتخلص

اذيكوا ياهونداوية عاملين اية

بجد انا قرفت من الدائرى وقرفة اللى مابيخلصش الموضوع ومافية

انى طالع طلعة الدائرى عادى وماشى على 120 وفجأءة وبدون سابق انذار الاقى عربية نص نقل عايز تروح تركن وطبعا قاطع الطريق كالعادة والاقى دة فوشى الحمد لله غرزة على نفس السرعة وعديت الموقف قولت عادى ربنا يسترها وماشى مشغل اذعة القران الكريم كالعادة صباحا وسرعتى تجاوزت ال140 كم ومافيش اى حاجة حاسس بيها, وانا ماشى لقيت بتاع ثلاثة كدة راكنين بيغيروا الكاوتش وبدون سابق انذار سمعت صوت حشرجة وبدوس فرامل عادى الفرامل شغالة ومافيش اى مشاكل قولت اما اركن على جنب نزلت اشوف فية اية الاقى اية..... الكاوتش على الارض بس انا تقريبا ماسمعتش اى صوت لانى كنت مشغل التكييف ومعلى صوت الراديو شوية

وبدأت المعاناة خدوا بقى عندكوا ( الاستبن بتاعى بقالى اكتر من 5 سنين مانزلتوش على الارض - ماعيش صليبة افك بيها العجل ودة بسبب ان الصليبة اللى كانت معايا مابتفكش المسامير بتاعة الجنط بتاعى وانا مكسل انزل اجيب واحدة لان مافيش حاجة نظيفة وكلهم مرة والتانية وبيفوتوا )

المصيبة الكبيرة بقى اللى فرقعت دية العجلة بتاعتى والدائرى فية ميل محترم

طيب اعمل اية دلوقتى لقيت طبعا عربيات ورايا اشكال والوان عطلانة واللى مستنى واحد المهم سألتهم كلهم محدش معاة ملف عجل الاجابة ( nooooooooo ) قولت فى سرى البلد مافيهاش مسمار مرمى على الارض امال اللى جالى دة من اية ؟؟؟؟؟؟؟؟؟!!!!!!

قولت فى بالى لو قعدت من هنا لبكرة مش هلاقى حد يقفلى , روحت بدأت اتحرك بالعربية ياواش ياواش كدة , لقيت واحد ربنا يباركلة بيشاورلى بيقولى اقف روحت واقف قالى انا معايا كمبروسير قولتلة يبقى كتر الف خيرك , ووصلنا الكمبروسير فى الولاعة بتاعة عربيتى وان الكاوتش يتنفخ مافيش روحت مطلع الاستبن وقولتلة احنا ننفخة ونجرب ونشوف والحمد لله ركبنا الاستبن وجينا بقى نربط المسامير فهو جايب الملف بتاع عربية شاهين فالمسامير صغيرة بعكس مسامير الهوندا كبيرة , فقعدنا بتاع دقيقتين كدة نشاور لحد مافيش حد معبرنا ونقول ملف نفس الكلمة اللى زهقت منها يشاورلى من بعيد ويقولى ( noooooooooooooo )

لحد ماواحد ابن حلال سواق تاكسى راح واقفلنا وبردة كان بعربية شاهين ( يادى المصيبة ) فقولت معاك ملف قالى هو دة اخو اللى معايا عايز اقول ( جيبتك ياعبد المعين )

بس راح جايب كدة مفتاح بلدى وقعد يربط المسامير الحمد لله ربطت وشيلنا الحاجة وتمام التمام ومشيت

وبجد كنت تعببببببببببببااااااااااا ااااااااااااااااااااان موووووووووووووووووووووووو وووت من كتر الشمس وفك وتركيب وشيل وحط ومحاولات فاشلة , والكوريك وقع مرة بسبب ميل الكوبرى وكل شوية اهتزاز واصلا الكوريك صغير على العربية والحمد لله طبقلى حتة صغيرة من اخر الرفرف بس قولت الحمد لله وقدر الله وماشاء فعل

وبجد كرررررررررررررررررهت الدائرى جدا انا عندى اقف فى الزحمة ولا انى اطلع الطريق المنيل دة اللى كلة مشاكل وقرف ( سبحان الله ماطلعش فية غير لما يحصلى حاجتين ( يأما الاقى عربية بتقطع الطريق واخد غرزة ,ياما حوادث )

- وامبارح كنت خارج وانا مروح لقيت واحد بيعدى واقسم بالله واقف فى نص الطريق والطريق ظلمة كحل وهو اسمر ولابس حاجة غامقة ومش باين وعديتة يأعجوبة لدرجة ان مراتى بتقولى هو كان فية حد بيعدى قولتها اة تقريبا

ياجماعة خلى بالكوا من حوارات الطريق الدائرى لانة بجد انيل طريق اتعمل فى مصر كلها