عاجل بخصوص باور الاوبترا

**نينو** · 19-06-2012 04:43 AM

عربيتي الاوبترا لما بكسر الدركسيون علي الاخر الدركسيون بيعمل صوت غريب اوي صوت عالي جدا وودتها لواحد قالي يطرمبة الباور بتودع و الدركسيون فعلا تقيل
قوليولي اجيبها منين و بكام و استيراد و لا جديدة انا بجد مش عارف امشي بالعربية

**hmada9009_99** · 19-06-2012 07:39 AM

سيبك من الميكانيكي اللي بيقولك طرمبه الباور بتودع اول حاجه غير زيت الباور بزيت نظيف جديد ونوع محترم و افصل البطاريه ورجع وصلها تاني وجرب اما الصوت اللي بيظهر اما تلف الدركسيون على الأخر فده ليه مليون احتمال ممكن سير ناشف او عايز يتغير او حاجه عاوزه تتربط وكده ولو الطرمبه بايظه هتلاقي الدركسيون فيه زي زنه في ايديك وانت بتلف الدركسيون لفه عاديه غير كده الطرمبه سليمه وشيك على السيور اخبارها ايه وروح لميكانيكي تاني كويس يبصلك عليها برده وانا متابع معاك
ملحوظه فيه ميكانيكيا بيفتوا او يفتحوا شغل وعربيتك ممكن تكون فيها حاجه بسيطه ويكبرهالك من غير لزمه خد بالك

**نينو** · 21-06-2012 04:16 AM

حمادة شكرا لزوقك تعبتك معايا هي فعلا طلعت طرمبة الباور و جبت واحدة استيراد من الحرفين ب 400 جنية و ركبتها الحمد الله وكلو تمام اشكرك علي تعبك معايا يا باشا

**hmada9009_99** · 22-06-2012 10:23 AM

المشاركة الأصلية كتبت بواسطة نينو

حمادة شكرا لزوقك تعبتك معايا هي فعلا طلعت طرمبة الباور و جبت واحدة استيراد من الحرفين ب 400 جنية و ركبتها الحمد الله وكلو تمام اشكرك علي تعبك معايا يا باشا

طيب انا ليا سؤال هو الدركسيون كان تقيل لأنه درجه؟