السلام عليكم
و انا رايح الشغل النهاردة الدائرى واقف فى إتجاه الهرم من أول صقر قريش
عرض للطباعة
السلام عليكم
و انا رايح الشغل النهاردة الدائرى واقف فى إتجاه الهرم من أول صقر قريش
فيه حادثة كبيرة عن المنيب وعربية وقعت ف النيل وفي تقريبا حاجة وقعت على الكورنيش لأنه مقفول هو كمان من الساعة 3 الفجر
انا فضلت واقف نص ساعة عند المريوطية ولفيت وروحت
كويس انى عرفت لانى كنت لسه نازل خارج حالا كويس مش هاخد الدائرى
دائري المنيب عليه حادثة بشعة، والأهالي قاطعين الطريق، اللي يعرف حد إحتمال يمشي عالطريق ده يقوله
ربنا يسترها معانا وعلينا
https://fbcdn-sphotos-a.akamaihd.net...23664278_n.jpg
https://fbcdn-sphotos-a.akamaihd.net...31651961_n.jpg
هما لما يقطعوا الطريق ... البوليس أو الجيش أو الأسعاف هيوصل أزاي !!!
#رصد |متابعات | سقوط سيارتين فى قاع النيل يقطع الطريق الدائرى والإنقاذ النهرى يبحث عن الضحايا
أصيب الطريق الدائرى أعلى كورنيش النيل بالمنيب منذ قليل بشلل مرورى تام ووقوف آلاف السيارات فى الاتجاهين، بسبب سقوط سيارتين فى قاع النيل.
وقد أفادت التحريات الأولية بأن قائد سيارة نقل اختلت عجلة القيادة فى يده، مما أدى إلى احتكاكه بـ 5 سيارات مجاورة، وفجأة تخطى الحاجز الأسمنتى واصطدم بسيارة فى الاتجاه المعاكس فسقطت السيارتان فى قاع النيل.
وقد أسرع رجال الإنقاذ النهري، عقب تلقيهم البلاغ إلى موقع الحادث، الذى تجمع عنده عدد كبير من الأهالى وقاموا بقطع الطريق فى الاتجاهين، مما أدى إلى توقف حركة المرور تماماً وغلق الطريق الدائرى القادم من مخرج المريوطية، وأيضاً القادم من المعادى، وحجز آلاف السيارات على الدائرى، وجارى انتشال الجثث، ومعرفة عدد الضحايا.
وعندما حاول رجال المرور التفاوض مع الأهالى نشبت بينهما مشاجرة وقام الأهالى بالتعدى على رجال الشرطة مما أسفر عن إصابات بعض رجال المرور.
وقد تسبب الحادث فى شلل مرورى بمنطقة المعادى وطريق الأوتوستراد ومنطقة الهرم.
يا ساتر يارب ربنا يسترها علينا جميعا
لا اله الا الله
انا مش عارف النقل دة حكايته ايه وهيروح بينا فين تاني
تقريبا بنسبة 99% من الحوادث لازم يكون النقل طرف فيها
كان فى مقدم من الأداره العامه للمرور فى برنامج صباحك يا مصر على دريم
بيقول ايه سيادته ؟؟!!! الحادث حصل الساعه 1 ونصف صباحا ومن الصعب ان تتم عمليات البحث
فى النيل فى الليل !!!!!! طب ده لو رئيس وزراء ولا شخصيه مهمه كانوا سابوه يغرق كده ؟؟
وبعدين الناس قطعت الطريق اعتراضا على تأخر عمليات الأنقاذ كالعاده
أنا كنت رايح شغلى الصبح .. و قعدت ساعتين و نصف فى البحر الأعظم لغاية مطلع الدائرى .. و بعدين شفت منظر الدائرى واقف بالطريقه دي .. لفيت و رجعت من المنيب .. مش ممكن كان عذاب
ربنا يستر ويسلم
الناس على اتفه المشاكل بقطع الطرق دلوقتى
ربنا يعافنيا من الافه دى بأه
الواحد زهق واتخنق من حكايه قطع الطرق والتعدى على الشرطه والجيش امال ازاى الناس دى تقوم بعملها وسط الهرج والمرج دا
لو عربيه داست على نمله يتقطع الطريق ويتحرق الكاوتش والمريض واللى مسافر ملوش لازمه
مش فاهم انا البشر دول دماغهم ايه لما يقطعوا الطريق علي واحد تعبان ولا واحد رايح شغله وممكن يترفد ولا واحد رايح مستشفي ولا ست كبيره تعبانه وحرانه ولا ولا ولا ولا
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!
مشكله شعب
ومشكله ناس مش فاههمه ومش عاوزه تفهم
ربنا ينتقم من سواقين النقل والترلات ,امبرح و أنا مروح بليل كان فيه ترلا ماشية على دائري بسرعة 120 من جنبي وعمل يخد في غرز !!!!
يا جماعة انتوا متناقدين ليه ؟؟؟؟؟؟؟؟؟؟؟؟؟
منين مش عاجبكوا حال سوائقين النقل ومنين مش عاجبكوا تصرف الأهالي ؟؟؟؟
الأهالي المعتصمين قاطعي الطريق هما هما الي تدخلوا في انتشال السيارات والجثث من النيل
لو لا قدر الله انت كنت ارملة بسبب جهل ورعونة سائق قتل زوجك وسابك انت وعيالك بلا عائل كان هيبقي تصرفك ازاي ؟؟؟
لو لا قدر الله انت كنت يتيم بسبب جهل ورعونة سائق قتل أبوك وسابك انت واخواتك وامك بلا عائل كان هيبقي تصرفك ازاي ؟؟؟
انا اعترف ان قطع الطريق غلط ومنهي عنه في ديننا
ولكن كيف لي ان اعبر عن غضبي تجاه سائق غبي ينعم بالحياة ويده ملطخة بدم ضحية من ضحاياه
يا جماعة الموضوع بقي اكبر من كونه حادثة
الموضوع بقي ظاهرة
كل يوم قتلي وجرحي بسبب سيارة نقل
كل يوم خبر علي العام بيقول حادثة بشعة ولما تقري تلاقي السبب ..
سيارة نقل
الحادثة من 1.30 بالليل والبهوات يقولو مفيش ونش ومش هنشوف بالليل نطلع حد من النيل الناس ليهم حق فى الحالة دى يقطعو الطريق انا عارف انه غلط بس غصب عنهم تخيلو الحادثة دى لو كان فيها واحد مهم راح فيها مش كانو خلو النيل ده الساعة 1.30 بالليل كانو خلوه نهار وبعدين خلينا نقول اللى لينا واللى علينا
الوضع بقي مقزز
قوات انقاذ مش عايزة تتحرك
ناس تقطعالطريق ومعاها حق عشان يعملو ضغط
لكن في نفس الوقت الاف المصالح تتعطل ولو مريض ولا مصاب في حدثة تانية هايموت من قفل الطريق بالساعات
ارحمنا يا رب
http://www.nilemotors.net/Nile/294988-a.html
يارب استر علي الناس جميعا ..
[youtube]http://www.youtube.com/watch?v=SoWdgAzW1VA[/youtube]
ربنا يرحم الجميع ويصلح حال البلد دى