الموضوع: الإعجاز في ركعتي ليلة الزفاف ^_^

المشاركة الأصلية كتبت بواسطة semsem kane

عادى ياباشا انا مش فقيهة فى الدين ودة اللى قريتة مش عارف بقى الدنيا اية

لو انت توصلت لحاجة قول ادينا نعرف اين الحقيقة

والله اعلم بردة

الموضوع مش عايز فقيه في الدين ..... انا باتكلم على العلم مش الدين ...... مش اي حد يقول لنا "ثبت علميا ان اكل الموز يحمي من السرطان" نصدقه ...... ثبت فين و فين البحث و فين مصدر الخبر اساسا ...... فاهم قصدي؟

المشاركة الأصلية كتبت بواسطة a_samy

شكرا لكل اللى ردوا على الموضوع سواء بالأستهزاء أو بالإعجاب
أما بالنسبه لمن أستهزءواعلى الموضوع فلو أنهم فهموا ديننا الإسلامى على وجهه الحقيقى لوجدوا أنه دين متكامل لحياة الدنيا والآخره بمعنى ان كل تشريع وكل فرض فرضه الله علينا وكل سنه سنها فينا رسول الله صلى الله عليه وسلم لها تأثير الإيجابى من الناحيه الروحيه وألإيمانيه والبدنيه وبمعلوم بالدراسات والأبحاث التى أجريت على الصلاه تأثيرها الإيجابى فى تفريع الشحنات الكهربائيه الزائده فى جسم الإنسان عند ملامسة جبهته للأرض.
وعندما يسن فينا رسول الله سنة صلاة ركعتين فى ليلة الزفاف فلها من الفوائد العظيمه من حيث بدء حياه جديده بين الزوجين على طاعة الله ومن حيث انها تساعد على إزالة التوتر بين العروسين بقربهم من بعض فى الصلاه وبذكر الله الذى يطمئن القلوب فتهدى الأنفس القلقه والمضطربه.

حضرتك ماحدش عارض الكلام او السنة ....... بس انا ضد المقالات من النوع التالي :

1- حقيقة دينية : الدين يأمرنا بعمل كذا و كذا و كذا

2- معلومة غير مؤكدة علمية دنيوية : يحدث كذا و كذا عند عمل كذا (شئ له علاقة برقم 1)

إذن الدين يأمرنا بعمل كذا و كذا للفوائد كذا و كذا ..... سبحان الله و الله اكبر !!


اقرا مقال العلم و أشباه العلم لأحمد خالد توفيق و انت تفهم قصدي ....... حاشا لله أن أكون اعترض او اسخر من الفريضة أو السنة ...... و لكن أعترض على ربطها بأي حاجة بدون دليل علمي أساسا !!!

المشاركة الأصلية كتبت بواسطة HAITHAM1985

كلامك فيه نبرة إستهجان .........

قال الله تعالى : لو كنت فظا غليظ القلب لانفضوا من حولك

صدق الله العظيم

عرضك للفكرة ومعارضتك للمحتوى مكانتش موفقة

حضرتك دي غيره على الدين ..... احنا بنجيب التريقة لديننا بسبب الكلام ده

المشاركة الأصلية كتبت بواسطة mido

well said

Thanks

المشاركة الأصلية كتبت بواسطة mido

و حضرتك عرفت منين انهم مش فاهمين الدين على وجهه الحقيقى ؟
هرد عليك بنفس الطريقه
المسلم والمؤمن الحق هو اللى يمتنع عن شرب الخمر لأنها حرام مش لأن ليها اضرار

و لو على تفريغ الشحنات نلعب يوجا بقى

+1

أساسا فين الاثبات العلمي لموضوع وجود شحنات و تفريغها بالسجود !!!

المشاركة الأصلية كتبت بواسطة a_samy

واضح جدا أن حضرتك مفمتش كلامى صح لأنى مقولتش أبدا انن نطيع ربنا عشان نستفيد بدنيا من العباده وإنما أنا رديت على اللى سخروا من الموضوع لأعتقادهم أن مفيش حاجه أسمها تفريغ شحنات أثناء السجود فى الصلاه ومنافع دنيويه من العباده وأن كل ده كلام فارغ ملوش أساس من الصحه.
اللى أنا اعوز أقوله من الموضوع ده أن زى ماربنا شرع العباده عشان نطيعه فى الدنيا ونفوز بجنته فى الآخره وايضا لراحة أجسامنا وعقولنا ولتصفية نفوسنا من مشاكل ومشاغل وتوترات الحياه التى لا تنتهى.
وإذا كان الموضوع أثار كل هذه البلبله وهذا الجدل بيننا فأنا أعتذر عن نقلى لهذا الموضوع الذى لم أبتغى منه إلا الإستفاده وفقط ولإدارة المنتدى الحق فى مسح هذا الموضوع بالكامل إن أرادوا.

اللي انا عايز اقوله ان كلام حضرتك على عيني و راسي بس فين الاثبات العلمي لموضوع تفريغ الشحنات غير مقال متداول على المنتديات العربية !!!!