عايز عربية محترمة من 30000 الى 35000
السلام عليكم يا اهل الخبرة افيدوني
عايز عربية في حدود 30000 الى 35000 وما اقدرش ازود عن كدة لان انا معايا 30000 و هاحاول ازود الـ5000 الباقية بالعافية
المواصفات
1- عربية تستحمل السفر لان انا من كل حين لاخر بسافر مرسى مطروح يعني 1000كم رايح جاي تكون محترمة يعني ما تعطلش مني في الطريق لان اغلب الوقت بسافر بليل و مش عايزها تعملها معايا و ما اوصكوش على العفشة لاحسن ده سفر و ربنا يسترها علينا.
2- قطع غيار على قد الايد
3- موفرة للبنزين
4- تستحمل عيلة 5 اشخاص
انا بقارن بين الاكسيل 1998 - و الاكسنت و الفورد اسكورت و الدايو لانوس 1 و اللادا 2107او2110 و الدوجان التركي
و طبعا لو فيه حاجة تانية ياريت حد يقولي
ياريت حد يفيدني و اشكركم