مساعده ارجوكم فى تسقيط موتور جولف 2

**dory52** · 19-06-2012 07:06 PM

بصراحه يا شباب اعتقد ان مافيش اكتر من الناس اللى راكبه جولف انا بصراحه زهقت من موتور الجولف اللى معايا موديل 89 وعاوز اسقط موتور علشان حاجه واحده بس التكيييييييف وتكون باور وكمان بكل حاجه معاها من الضفيره لحد مسامير القواعد بتاعت الموتور ...فعاوز مساعدتكم فى الاتى
1- موتور 1600 او 1800 مش اكتر من كدا اجيبه نوعه ايه واسمائهم ايه ومنين وتقريبا بكام ؟؟؟
2- تابلوه كامل ديجيتال لو فيه او عادى بكام ومنين ؟؟
3- اكصدمات gt اجيبهم منين وبكام ؟؟

يا ريت يا جاعه الافاده لانى مبقتش عارف اعمل ايه فى العربيه زهقت بجد وشكرا

**sweilam** · 11-07-2012 12:47 AM

بص يا ملك . أفضل موتور للجولف تو في رأيي هو ال 2E 2000CC . انجيكشن و باور و تكييف . ابعد عن ال pb ممكن تسأل عن ال ABF برضو بس في رأيي ال 2E أحسنهم .

بس خلي بالك لازم حتغير عفشة و فرامل و رادياتير غير الضفيرة و التابلوه.
عندنا في الاسكندرية في واحد اسمه سعيد في ميامي شغال فيهم . في القاهرة ماعرفش و أسمع ان في بورسعيد مرميين.

الاسعار مش عارف لاني برة مصر من فترة

**chiko** · 22-07-2012 05:39 PM

اختار اللي يريحك من 1600 او 1800 الاتنين زي بعض الا ان ال 1600 قطع غياره اسهل و الاتنين تكيف و بور .. خلي بالك انت هيركب عندك الماتور الاسود اللي هو ده

اما لو هتركب ال 2000 هيبقي شبيه ده

و المواتير موجوده في الحرفين .. و السعر من 1300 بدون تكيف الي 1800 بالتكيف و ال 2000 سي سي من 2000 الي 2800