الموضوع: للتميز وهواه الاقتناء فورد ماركورى موديل 1951

المشاركة الأصلية كتبت بواسطة pegpus

[gdwl]
صديقي الرجل الحاج الطيب أكاد اقسم ان هي نفس العربية اللي كنت حشتريها نفس اللون وقصة الشبابيك والجنوط بس النمر كانت جديدة فيا اما الصور دي قديمة او العربية ليها توأم وأنا حتى عندي نمرة صاحبها
بالنسبة للأخ اللي بيقول اخواتها شغالة ارياف فده كلام قمة الغلط وعايزك تنتبه لقصة الشبابيك مش حتلاقي اللي شغالة في الارياف كده والدواخل بتاعت دي كراسي دوارة مش كنب وكمان دي فيها فيديو واخشاب وكراسي قطيفة مفيش مقارنة خالص

أنا بشكر صديقي صاحب الموضوع ومش حقول اسمو عشان حبيبي وكمان بشكر تعاطفك معايا وانت اكتر حد فعلا بتنصحني أخف صرف عالعربيات بس مش قادر كل اللي بيجيني رايح عليها كنت فين انت من سنة بس على العموم انا حعرض عليك عرض وانت عارف انك نادر محتلاقي حد في مصر حيستحمل ويقدر العربية دي بوزنها وبنزينها وضريبتها وخد عرضي أي مبلغ حيدفعلك فيها حط من عندي 10 الاف زيادة بس قسط على سنتين وعارف انك صحبي ومش حتطلب مني ضمانات بس رغم كده حكتبلك ايصالات امانة او احط عندك 2 من عربياتي لغاية ميوصللك فلوسك بالكامل أو اسيبها باسمك ردلي السعر ونتفاهم عالخاص
وحكتبلك العربيات اللي ناقصة مجموعتي عشان متقولش تاني مش عارف العربيات اللي نفسي فيها

1 تويوتا كراون رويال صالون موديل 1990
2 مازدا 929 موديل 1989 أو 1990
3 مرسيدس 560 اس اي ال 1991
4 لكسز ال اس 400 موديل 1993
5 شبح مرسيدس 600 اس اي ال موديل 1998
6 فان شيفرولية او جي ام سي من موديل 1987 وحتى ال 2007
7 جي ام سي بيكب نقل دوبل كابينة من موديل 1979 وحتى 1999
8 كابريس كلاسك ربع جلد بفتحة سقف موديل 1990[/gdwl]

المشاركة الأصلية كتبت بواسطة mazagangee

من اجمل و افضل سيارات في زمانها
كان ليا نصيب اني ركبت 1 , 2 . 4 . 8

أحييك على ذوقك العالي

جزاك الله كل خير ومشكور على تعليقك الجميل وأحب أضيف عليهم الكاديلاك موديل 1959 وأنا يا سيدي الفاضل ركبت كل العربيات دي وأكتر من 300 عربية كمان أيام مكنت شغال في إستيراد السيارات قبل أزمة 2008 العالمية والبورصات اللي جابتنا الأرض والعربيات دي هي اللي فضلت معلقة في دماغي والخمس سنوات القادمة مخصصة من حياتي لشراء هذه السيارات وطبعا عقبال ما الواحد يلم العربيات ال 9 دول أكيد وسط منهم حيظطر يجامل ويشتري زيادة عليهم لأنه أحيانا بتتعرض عليك عربية قسط مريح أوي وممكن مكونش حاببها بس بعد فترة أفكر في تغييرات عليها وممكن أحبها زي النيسان ألتيما 90 اللي إشتريتها الشهر ده بالقسط أنا مكنتش حاببها أوي بس صاحبها شخصية تتحب وحبيت بصراحة أكسبو كصديق دائم وكمان أنا حغير تصميمها وشكلها وأخليها عربية تانية قصد كلامي بإختصار أنا ناقصني 9 عربيات لمجموعتي بس عشان أكملهم ححتاج أشتري 13 أو 15 عربية عشان ممكن تبدل وتدخلها ودي مش موجودة ودي عليها مشكلة وهكذا عالم السيارات محتاج حد رايق وناس تكون شبعانة مش بس ماديا تكون كمان شبعانة خلقيا
أعتذر من صاحب الموضوع صديقي الفاضل اللي بعزو أوي بس كان لازم نرد على مجاملة الراجل الطيب ده

التانك بتاعها سعته كام لتر لو سمحت ؟؟؟

ممكن السعر لو سمحت ومكان المعاينه للفان
شكرا

المشاركة الأصلية كتبت بواسطة pegpus

اخى وحبيبي \ saddam
لقد تم البيع للاءسف كم كنت اتوقع ان ترفع التليفون وتكلمنى طالما شارى بهذه الجديه عموما العربيه لازالت موجوده لحين سداد باقى المبلغ تعالى عاينها واركبها ممكن اخلصهالك من صاحبها الجديد وبعدين تشرفنى نتغدى سوا اخوك بيسوى كتف ضانى فى الفرن على كيفك والله ماحتخسر حاجه شرفنى انته بس يسلالالالالالالالام يبقى عيد

صديقي اللي بأعتز بصداقتو أنا كلامي واضح إتدفعلك كام حط مني 10 آلاف جنيه بس على سنتين وقلتلك رغك إنك صحبي بس حسيب عربية أو عربيتين من عربياتي عندك لغاية ميوصلك تمنها بالكامل وأنا شاري من غير مركب ومن غير معاين إنت عارف كلمتي وحده ولو عايز أسيب العربية بإسمك لغاية ميوصلك آخر قسط إنت عارف أنا الحجات دي مبتفرقش معايه ولسه العربية حغير لون وأغير وش وأغير جنوط وكاوتش كبير وشوية شنط عالسقف وحبة أرايل وتربو للموتور وسيستم صوت و6 أو 7 شاشات وحبة كاميرات أمامي وخلفي يا ريت لو في إمكانية عشان نخلص الشهر ده أما بالنسبة لزيارتي ليك فبصراحة إنت اللي ليك عندي عشوة وإنت مجيتش وأنا مصر تقبض العشوة الأول عشان وعدتك بأكلة غريبة ثم إنت عارف أنا دلوأتي في شقة إسكندرية بقعد فيها شهرين أو تلاتة من كل سنة بقعد أحط الخطة السنوية لتطوير عربياتي وأرسم التصاميم الجديدة وأحط جدول المصاريف والأقساط وبنزل مرة واحدة كل شهر يا إما أروح فاقوس الشرقية عشان العربية رقم 1 والعربية رقم 5 هناك بيتشدوا من تحت الصفر وحده أهو دخلت في سنتين والتانية لسه بقالها بتاع 10 شهور وفي نفس اليوم ممكن أنزل القاهرة لو في قطع غيار لازم تركب من التوفيقية أو الوكالة أو مجلس الأمة وأبص على باقي العربيات وأرجع تاني بس لو موضوع الفان ده بجد إ‘نتو جاهزين فأنزلك مخصوص وبالنسبة للسوبر ال 85 ففلوسها جاهزة بس أنا لما قلتلي حأمن على أخوية حسيت في إحراج ومكلمتكش عليها تاني بس فلوسها جاهزة