الموضوع: كليه عسكريه

بص يا سيدى : الشرطة أقل حاجة متهيقلى 170 سم والجوية دى بتقبل أطوال قصيرة لكن عادى بياخدوا الطويل برضه مفيش أى مشاكل وبيقبلوا الأطوال القصيرة عشان ليها علاقة بضغط الدم وكدا على ما أعتقد فى القصير بيقولك المسافة بين المخ والقلب أقصر من الطويل بالنسبة لطولك دا هتدخل كشف حربية ولو نجحت فيه وكاتب أول رغبة ليك جوية هيحولوك تكمل كشف الجوية فى المجلس الطبى الجوى وتقريبا هتنجح لأنه هيبقى ناقصك اختبار ضغط الجو والجوية عايزة واحد يكون معندوش لا تقوس ولا فلات فوت ونظره سليم مية مية ويعدى اختبار الضغط وشكرا والعضو اللى بيقول انه صقط وهو ميعرفش ليه عنده فى العظام أكيد فيه تقوس ولو بسيط ممكن هما يتلككوا الأعداد كبيرة بالنسبة للفنية العسكرية دى بتاخد علمى رياضة وليها مجموع لوحدها خاص بيها بيبقى فى حدود 90 فى المية وبتخرج ضابط مهندس والبحرية برضه علمى على ما أعتقد وبتخرج ضابط بحار ويكون جايب درجة معينة فى الفيزياء والرياضة على ما أتذكر لأنى مش فاكر بصراحة والدفاع الجوى بتاخد علمى برضه رياضة وبتخرج ضابط مهندس فى علوم الاتصالات وبياخد الشهادة من جامعة عين شمس برضه على ما أعتقد ههههههههه ودى موجدة فى الإسكندرية الجوية موجودة فى بلبيس محافظة الشرقية الجوية جميلة بس لو حلمك فعلا تكون طيار وبتحب الطيارات مش عشان بيقولوا وبيعيدوا إنها حلوة وإنها أحسن حاجة ونفس الكلام باقى الكليات والفنية العسكرية بتعلق ملازم بعد سنة 3 وبتاخد مرتبك بعد سنه 3 برضه للعلم ان مدة الدراسة فيها 5 سنين وكل الكليات دى ليها مصاريف طبعا بس شرطة أغلى واحدة فيهم معرفش ليه متهيقلى ب 11 ألف فى أول سنة و تانى سنة بتقل شوية وتالت سنة مش عارف ورابع مش عارف برضه فى النظام الفاسد فيه ناس كانت بتدفع ال 40 ألف بتوع الشرطة عشان يتوظف فى حاجة

المشاركة الأصلية كتبت بواسطة AHMED_DINAMO

ماشى يا كبير ربنا يخليك ويخلى المعلومات الجامده دى
بس برده محدش ريحينى واختار معايا
انا بفكر فى 4 حاجات
جويه و 10 سنين وافلسع وابئا طيار مدنى ان شاء الله
بحريه و10 سنين برده وابئا قبطان هههههههه
فنيه و 10 سنين برده وابئا مهندس
شرطه والبس طووووووووووول حياتى بس لو المرتبات كويسه
ايه رأيكو ؟؟؟؟؟

الواضح من كلامك إنك معندكش هدف وكلمة هتوديك والتانية هتجيبك وإيه حكاية ال 10 سنين دى ؟ ما أنا شرحتلك عامة الطيار الحربى بيتقاعد عن الطيران عند 38 أو 40 على حسب صحته وأغلبهم بيروحوا يطيروا مدنى بعد ما يتقاعدوا نهائيا وبيطلبوهم فورا لخبرتهم الكبيرة وبعدين احنا قلنا ان كل كلية من اللى ذكرناهم ليها شروط ولسة نتيجتك ما بانتش وبعدين فى النهاية إنت مش مخير يا باشا لو طلت أى واحدة من اللى قلتهم يبقى خير لكن أنا بالنسبة لى كان حلم عمرى أكون طيار حربى عشان كدا اخترت الطيران ههههههههههه ومع ذلك حصل ظروف وما قدمتش نهائى فى الحربية لكن كنت على أعتاب دخول كلية الشرطة اللى هى كانت تانى خيار بعد الجوية ولكن محصلش نصيب يعنى من الآخر ما تملاش إيديك من المواضيع الفكسانة دى قوى وما تنساش إن عيشة الجيش بالذات سواء جوية أو حربية أو بحرية أو دفاع جوى وفنية عسكرية غربة بالكامل عكس الشرطة بتبقى مدنى فى أغلب الأحوال ولما بتتنقل بتتنقل بمراتك وعيالك بيجيبولك شقة جمب شغلك وأى أسئلة تحت أمرك