الموضوع: محتاره جدااااااااااااااااان

انا متشكره جدان يا جماعه بس اصل فى ناس عندهم الدفع الكاش احسن كتيييير من التقسيط و ان الافضل ان الواحد يجيب فى حدود اللى معاه فانا كنت عايزه اطمن ان الفرق بين السبارك و الماروتى او الالتو 800 يستاهل خنقه القسط ايه رايكو يستاعل و لا لآ؟؟؟؟؟؟؟؟؟؟

اهلاً بيكى معانا يا عُلا
ممكن حضرتك تبصى على الموضوع دة
اشتري الالتو و لا السوزوكي ماروتي

دة نفس سؤالك بالظبط مع وجود معلومات تانية
بصى علية الاول
و قوليلنا وصلتى لى اية

التووو افضل عربية ياباني وتقفيل هندي

انا قريت الموضوع هو حلو جدان للمقارنه مابين الماروتى و الالتو و هما الاتنين سوزوكى بس اللى عاوزه اتاكد منه هو الشيفورليه سبارك و لا ( الماروتى \و الالتو) يعنى السبارك تستاهل انى اجيبها بالقسط و لا اجيب الماروتىاو الالتو , جزاكم الله خير ه على الموضوع ده انا متشكره اوى

الحقيقة يا عُلا
هاقولك راييى
انا شايف السبارك ماهى الا ماتيز باظت شكلاً و موضوعاً و تشترك مع عيوب الماتيز اللى كانت سبب فى انقراضها مع انها كانت ممتازة فى حجمها و فئتها وهى صغر حوض الموتور و اللى ماحدش بيعرف يشتغل فية مع ارتفاع قطع الغيار و اى لمسة بتتطبق غير مشاكل الميكانكا من طرمبة بنزين و غيرة ..لكن فى ناس جابتها و بتشكر فيها مش عارف منين الصراحة بس اهو يعنى وجهات نظر

راييى ان الماروتى ممتازة و مفيش داعى كبير اك تحملى نفسك بمصاريف و اقساط اكتر عشان الفرق بينها وبين الالتو ... ولما ربنا يسهل و تحبى تغيرى ممكن جداً تبيعى ساعتها الماروتى و معدل خسارتها فى السنة بسيط جداً عند اعادة البيع