الموضوع: تنظيف بوابات الاوبترا

المشاركة الأصلية كتبت بواسطة نينو

ابو يحي عاوزين طريقة تنظيف الحساسات بالصور لاني مش عارف مكانها فين في الاوبترا وشكرا

بص للأسف لغايه دلوقتي متجمعتش صور مخصوص لتنظيف البوابه بتاعت الاوبترا

بس نصيحه مني

الحساسات ديه مش حاجه بتنظفها كل شويه

ومش كل الحساسات عايزه تنظيف علي حد علمي

يعني فيه مثلا حساس الكرنك هل ده بيتظف معرفش

الحساس اللي الي بيتأثر بيه بطريقه مباشره هوه حساس الهواء

فيه عربيات الحساس بيكون جزء من البوابه

وعربيات تانيه الحساس موجود في البوابه .

الفكره انك لو عملت صيانه دوريه للبوابه ولتكن كل 10000 كم مش حتلاقيك محتاج انك تنظفه هوه مخصوص .

وده عشان ميبوظش وتحتاج تغيره .

امتي تنظف البوابه

لما تلاقي العربيه مكتومه منك واستهلاك البنزين علي معاك وصوتها علي ساعتها شيك عليها

عشان برضك في اسباب كتير للاعراض السابقه

بس عن نفسي بشيك عليها الاول عشان اسد باب

اتمني اكون اوضحت فكري في موضوع البوابه ده

واللي هوه علي فكره سمه مشتركه في كل العربيات مش حاجه تخص الاوبترا علي وحه التحديد

وشكرا