نوع التيل الاصلي للميجان 2

**heema78** · 21-06-2012 03:04 PM

السلام عليكم يا وحوش

سؤال سريع
ايه هو نوع تيل الفرامل الاصلي الي بيركب في التوكيل للميجان 2006؟؟
وياتري موجود برة التوكيل بكام وفين؟

شكرا

**SoFiMaN** · 21-06-2012 11:37 PM

بكام ممكن اجاوبك لأني لسة مغير امامي و خلفي ب1150 جنيه
الامامي بس حوالي 550 جنيه.

**airfox** · 22-06-2012 12:32 AM

تقريبا اسمه فاليو و في واحد في شارع دمشق بيع قطع الغيار الاصليه رينو و في عند عادل اللي في المعادي ب 250 جنيه الفاليو و التركيب 25 جنيه انا لسه مركبه من شهرين و الحمدالله كويس و كان بيقولي ان في نوع تاني اسباني ب 180 جنيه بس الناس كانت بتقول في مواضيع سابقه ان الفاليو هو الاصلي

**wael2sh** · 24-06-2012 02:02 PM

المشاركة الأصلية كتبت بواسطة airfox

تقريبا اسمه فاليو و في واحد في شارع دمشق بيع قطع الغيار الاصليه رينو و في عند عادل اللي في المعادي ب 250 جنيه الفاليو و التركيب 25 جنيه انا لسه مركبه من شهرين و الحمدالله كويس و كان بيقولي ان في نوع تاني اسباني ب 180 جنيه بس الناس كانت بتقول في مواضيع سابقه ان الفاليو هو الاصلي

فعلا أنا برده ركبته 230 و 20 مصنعية في صقر قريش التيل الامامي كله be-250 والخلفي نفس التمن

**Ahmed Selim** · 24-06-2012 03:34 PM

اللي في التوكيل بيبقي جاي في علبة رينو و مش هتعرف نوعه الا لو مسكت التيل في ايدك و دى محصلتش معايا بصراحة

أنا اللي اعرفه ان التوكيل مش بيثبت نوع معين يعني كل فترة بيبقي عاوز طلبية كبيرة بيبعت للشركات الكبيرة في المجال ده علشان ياخد عرض سعر و أكيد طبعا بجيب من اقل سعر فيهم مع عدم التضحية بالجودة

**MohammedAladel** · 27-06-2012 07:50 PM

أنا عندى التيل فى عربيتى اشترتها مستعملة صاحبها قال لى ان التيل بتاعها الأصلى نوعه فاليو وهو غيره بفاليو برضه وأنا شفته بالفعل مكتوب عليه فاليو لكن القديم اللى كان فى العربية مش مكتوب عليه صناعة مين

**heema78** · 01-07-2012 12:33 PM

شكرا للردود
بس هي حاجة مستفزة اوي لما يكون تمن الاصلي برة 250 وفي التوكيل 450 وبالمصنعية والضرائب بيوصل 600
انا شخصيا غيرته مرة قبل كده في التوكيل بس مش ناوي اغيره هناك تاني عشان كده كنت عاوز اعرف التيل الاصلي نوعه ايه واذا كان في فرق كبير اغيره بره
طلع فرق مستفززززززز