الموضوع: اخيرا الاسكورت بطلت تجيب زيت

العربيه بقالها فتره بتاكل زيت كتير اوى رحت للميكانيكى قالى لازم تعمل طقم شنبر قلتله هابقى اعمله فى مصر قالى لا انا هاعمله ( انا من السويس على فكره )المهم فكينا ونزلت جبت الحاجه من التوفيقيه ممن عند واحد اسمه ابراهيم سليمان جوان الكارتيره و جوان وش السلندر و اتنين جوان شكمان بسبعين جنيه و مكنش عنده طقم الشنبر جبته من عند واحد اسمه ملك الشنابر جبت البرازيلى 230 و الالمانى كان ب 290 ( انا كنت سالت عن طقم الشنبر عند الصيرفى ب 400 و سامى فخرى قالى معندوش لكن سعره 1100 موتور كرافت اصلى ) و ابتدينا شغل العربيه بقت زى الفل صوت واداء لكن فوجئت انها لسه بتاكل زيت كتيروبصيت تحتها لقيت الارض غرقانه زيت رجعت للميكانيكى ربط على الكارتيره و برضه فضلت تجيب زيت سافرت جبت جوان كارتيره جديد من عند الصيرفى ب 25 ولما رحت لقيته مش هوا راح الميكانيكى حاطط بداله سيليكون وقفل على كده فضلت برضه تجيب المهم قلت ملهاش حل غير انى انزل اعملها فى القاهره رحت لواحد اسمه اشرف فى الحرفيين قالى هاغيرلك اولسيهين كرنك و جوان كارتيره و جوان التاكيهات كان برضه معمول سيليكون وقالى هتتكلف 800 ل 900 جنيه منهم مصنعيته بس 450 جنيه رحت عند بدروسيان سالت على ميكانيكى تانى كويس و شرحتله قالى سيبك من كل اللى هنا وو صفلى اروح لاحمد فرج رحت قالى الوقت متاخر تعالى بكره الصبح على 11 كده و هات معاك اولسيه كرنك ( مش فاكر امامى ولا خلفى هما كانوا اتنين واحد صغير وواحد كبير انا جبت الصغير ) و جوان كارتيره و قالى اجيبهم من عند سامى فخرى و رحت جبتهم الاولسيه ب 100 و كان الكبير ب 175 و جبت جوان الكارتيره ب75 و كنت سالته على المصنعيه قالى 100 و لو احتجنا نغير الاولسيه التانى هيبقى 200 لوحده لان الفتيس هيتفك المهم رحت تانى يوم وسبت العربيه ومشيت و رجعت بعد اربع ساعات كانوا عملوا كل حاجه و هو كان اتصل بيا وقاللى هنغير الكارتيره لازم ودى الميكانيكى بتاع السويس كان قالهالى برضه و دى كانت ب 200 بصراحه الشغل جامد جدا و العربيه بقت بتجيب نقطه خفيفه من الاولسيه التانى و هو كان قاللى التانى لو مكنش بيجيب كتير ممكن تعيش بيه شويه المهم انهم جنب الشغل ده غيرولى فلتر بنزين و مسمار عصايه الفتيس ( ده خد ساعه لوحده ) و ظبطولى الكربراتير و كان جوان الشكمان منفس و ملقيتوش عند حد قريب جبته من شارع دمشق واحد اسمه حاجه شعلان اخدت اتنين قاللى احسن تركبهم فوق بعض و كانوا الاتنين ب 30 رجعتلهم تانى بالليل غيروه و مرضيش ياخد فلوس بصراحه كنت مبسوط جدا من تعامل الناس هناك ( الصنايعى اللى اشتغل فى العربيه اسمه عبد الرحمن ) كلهم محترمين و المصنعيه من وجهه نظرى كويسه جدا حتى مقارنه بالسويس