-
الميكانيكي لما كشف عليهم حركهم يمين وشمال والعربيه واقفه ومبطله تقريبا اتحركوا معاه جامد ف عرف ان هما الي باييزين
من ناحيه حاله حضرتك مقدرش افتيلك بصراحه ممكن اقولك اه بايزين تدفع الفلوس ومتلاقيش نتيجه
انت المفروض ادرى بحاله عربيه حضرتك من ناحيه العفشه متغيره امت واستخدامها ازاي الكاوتش ممكن يبقى فيه لوحه مثلا الله اعلم بصراحه لازم ميكانيكي كويس
-
احتمال كبير يكون الكوبلن الداخلى فعلن, عموما لو الرجة واضحة فعلن و مقلقة ممكن تعمل التجربة الأتية:
امشى على العربية لغاية ما الرجة تظهر, يعنى لو بتظهر على 110 و بتستمر لل 130 او 140 مثلن ,كمل لل 140 و ابقى متأكد ان الرجة موجودة, و بعدين نزل مور لو انتا مانيوال أو N لو اوتو, و لو الرجة فضلت موجودة يبقى حاجة فى الكاوتش او العفشة او الجنط, لو الرجة اختفت تماما و العربية نزلت لل 120 و 110 و بردو مفيش رجة, ساعتها اغلب الظن انه كوبلن داخلى.
لو العربية اوتو, بعدما تحط ال N يفضل انك تسيبها لما تهدى خالص لل 60 او 40 قبل ما تحط d, و ماتكررش الموضوع ده كثير لأنى اسمع انه مش مستحب.
و أخيرا انا ملقتش الكوبلن الداخلى بيتباع لواحده جديد, والكوبلن الكامل سعره هبل فى التوكيل, فاضريط أجيب كوبلن استيراد كامل ,و تقريبا الجوز كانوا عاملين 500 ج, بس لازم تتفق معاه انه لو مش مضبوط هتبدلهم او ترجعهم.
-
شكرا يا شباب علي كل المعلومات التحفه ديه :)
انا الصراحه عندي كذا استفسار
اولا العربيه الضفيره ملعوب فيها للصبح وكمان اكتشفت ان هيا مفروض بكر وراكب فيها تاتش وفيها جزء ناقص ومش عارف اجيبه من فين السؤال بقي اني اجيب ضفيره تابلوه كامله ولا تنصحوني بكهربائي محترم وفاهم مع العلم انا جبت السيرفس مانيوال بتاعها وفيه كل حاجه
ثانيا اكتشفت ان العربيه واخده خبطه جامده من ناحيه اليمين والعجله مأخره حوالي 2 سم ورا وبتحك في الكرتيره من جوه انا جبت مقص يمين استيراد نضيف من الوكاله ياتري في اجزاء تانيه محتاج اجبها زي القنطره مثلا ؟ مع العلم ان جنط بارز حوال 1 سم بره عن حسم العربيه والجنط الخلفي وواضح جدا ان العفشه فيها حاجه ناحيه الخبطه
ثالثا طبعا الخبطه مأثره علي مشي العربيه بعد 80 رجه جامده جدا والدريكسيون خفيف وصعب التحكم فيه اقتراحتكم يارت
رابعا بما ان العربيه متهانه جامد انا فكرت وشوفت تابلوه كامل بالكنسول معادا عصايه الفتيس بالضفيره بتاعته برده عايز اقتراحاتكم
سؤال اخير ابيع الجنوط ديه واجيب جنوط العربيه العاديه ؟؟ مع العلم ان الجنوط 15 زي مقاس العربيه وشكرا مقدما واسف اني طولت
-
انا بحب الموديل ده جداا في الالنترا و في رائي احسن النترا نزلت
انا معايا العربية و الحمد عجباني و مقتنع بيها بس هي عايزة شوية شغل عشان اهملتها شوية
لسه جايب تيل امامي من ابراهيم البنا ب 250 بس لسه مركبتهوش و ملقتش الخلفي الاصلي عندة
يا تري اغير زيت الفرامل بالمرة مع التيل مع العلم ان العربية لسه بالتيل الفبريكة و عاملة 64000 كم ؟
-
أخي الكريم ..
حضرتك تقدر تكشف علي العربية في الاماكن التالية كي تتأكد أن كلام المهندس / هاني صحيح (و هو سيكون كذلك أن شاء الله) :
- محطة موبيل خلف مدرسة المنهل بالحي الثامن بمدينة نصر
- محطة موبيل في شارع دمشق
- محطة كالتكس المعادي علي الاوتوستراد
هناك أعمل كشف علي الزوايا و شوف هايقولوا لك ايه
بعد كده روح لهاني و هو بيتعامل مع سمكري كويس جدا أسمه (عمرو) هايرجعها لك زي الفابريكة أن شاء الله و بالنسبة للعفشجي و شغل الكهرباء هو هايتولي برضه الموضوع ده أن شاء الله
ده رأيي بصراحة بدل ماتلف و تروح لحد مش مضمون
Content Relevant URLs by
vBSEO 3.6.0 PL2