واخد بالك من عدد اللفات rpm
عرض للطباعة
مش معقوله ياجماعه محدش جاب الxv ويقولنا ايه نظمها من الاخر؟؟!!!ده التوكيل محسسني من كتر تناكتهم وبرودهم انها ماشيا في كل حته ولازم احجز علشان مش هعرف اجبها بعد كده. وكمان مش معروض عندو غير العربيه بتاعت التست ولونها غبر جدا، وكمان عيزني احجز ب ٥٠ الف ويتلعهالي من الجمارك، يعني عايز يضمن انها متباعه الاول وبعدين يفرج عنها، ولو غيرت رايي هيخصم ٥ خمس تلاف جنيه، وخالي بالك با يا باشا العربيه عليها سحب غير عادي، الصراحه يا رجالة اتنكو عليا جامد علشان انا كنت عايز العربيه بنسبه ٩٥٪ وحصل كذا موقف معاهم حسسني انهم مش عايزين يبيعوا واتخانًات معاهم بسبب تناكتهم الغير عاديه. شو روم النزهة. ويا تلحق تحجز يماتحقش، ايه رايكو يا رجاله انا حاسس اني اتهنت السراحه بسبب اني كنت علي وشك اجيبها. شوروا عليا!!!!!!
حصل معايا نفس الموقف تقريبا من واحد اسمه عمر في معرض النزهة , و كنت مصدوم نفس الصدمه كان بيقولي حتستلمها نص 7 الكلام ده في شهر 4 , قلت علي كده العربية حتنتشر بقي بس لحد دلوقتي مشفتش منها في الشارع غير عربية واحدة في التجمع الخامس لون موف غامق .
أنا كنت خلاص حجز ال Juke لحد ما واحد من صحابي اشتراها بس من ساعة ما اشتراه و خرجنا بيها و بدأت أحس فعلا إنها ضيقة جدا و شنطتها غير عملية تماما , و أنا اساسا متعقد من الشنط الضيقة عشان معايا سيريون . فقلت خليني في ال Qashqai أو ال XV , ال XV صالونها اوسع و كنبتها اريح لكن عفشتها أنشف و شنطتهـا اصغر , و طبعا سعر اعادة البيع و التوكيل لصالح نيسان , رأيي خليك في ال Qashqai , مع إني متحمس جدا لنظام AWD اللي في سوبارو لكن لو عقلتها حتلاقي الاختيار الانسب هو النيسان
أنا في فكرة برضة بتدور في دماغي لما جيت اقارن المساحة الداخلية للقاشقي بما فيها الشنطه للعربيات التانيه لقيت إنها متقاربة جدا مع ال Audi A3 و الكنبة نفس الوسع
Audi A3 review - CarBuyer - YouTube
و الشنطه 370 ليتر يعني اكبر من ال xv و اصغر من القاشقاي , و عاملين عليها عرض سعرها دلوقتي اعلي فئة ب 207 , اللي مقلقني منها حاجه واحدة فقط ال DSG و هل فعلا مشكلة اتحلت ولا لأ
حسبي الله ونعم الوكيل, عربية محترمة زي ديه وكيلها يتعامل مع الناس كده وشوفوا وكلاء العربيات الصيني, الظاهر احنا في مصر هنا حبينا الحجات التعبانة والحجات المحترمة بنتعامل معاها وحش.
بمناسبة ال DSG روح اتفرج علي جروب الفولكس فاجن ناس كتير جايبة جولف 6 وبتشتكي من الفتيس واحد منهم بيقول غير الفتيس مرتين خلال 27000كم وفي الاخر خلوه يبعها ويشتري اودي A3 وقالوا ان فيتسها افضل بكتير ولا قيت فعلا ناس بتشكر فيه وبتقول انه مختلف S Tronic ومكنت عارف الفرق لحد ما شفتالفيديو ده
Audi S-tronic Transmission - YouTube
يبدو فعلا ان تصميمه افضل
بس بردوه نفس الحوار ازاي الوكيل عارف ان فيه مشكلة في الفيتيس"والعربية محترمة جدا" وميحاولوش يحلوها
بدأت اصدق ان الميكنيكي اللي يخد 1000 هيصلح العربية عن الميكنيكي اللي يخد 10000
للاسف وكعادة جميع موضوعات المقارنات واهميتها الا ان الاهتمام بالوصول لنتيجة نهائية او ترجيح لا يحدث!
النقاش هنا كان هايل ومدعم باراء محترمة لكن للاسف انتهي بنفس النهاية!
واالاخ لكاتب لم يهتم بالعودة وكتابة ماوصل اليه وقراره كان ايه ونتيجته خاصة بعد التجربة الفعلية والعملية الطويله مع قراره. .حتي لافاده الاخريين والغارقين في نفس المقارنة المحيرة..
ياريت ياريت نعرف لنتيجة ونهتم بالمام باقي الاعضاء بالنتائج خاصة بعد التجربة لتعميم الاستفادة
وجزي الله الجميع خير الجزاء