بجد محتاج نصيحة في الاختيار بين ال xv و السبورتاج، انا بابيع العربيه كل ٥ سنين، وبصلح في التوكيل. العزل و التسارع والامان اكتر حاجة بتهمني. شكرا ليكوا مقدما:))))
عرض للطباعة
بجد محتاج نصيحة في الاختيار بين ال xv و السبورتاج، انا بابيع العربيه كل ٥ سنين، وبصلح في التوكيل. العزل و التسارع والامان اكتر حاجة بتهمني. شكرا ليكوا مقدما:))))
سوبارو xv
بالتوفيق ..
كعربية اكيد السوبارو احسن وخصوصا انها 4فى4 بس مشكلة سعر اعادة البيع
كمان 5 سنين مش هاتعرف تبيع السوبارو بشلن
لو مش فارقة معاك الفلوس هات السوبارو
انا لو اضمن انها تجبلي ١٥٠ الف بعد خمس سنين باستعمالي النضيف كونت مترددتش، بس هيا فعلا عربية كروس اوفر وتقول في شوارع وارصفة مصر جامد، انا مش عايز امشي زي القطيع واجيب عربيه علشان بس اعرف ابيعها زي الانسر الي معاي انا عامل بيها ٣٢ الف في اربع سنين. نفسي اعدي المرحلة بتاعت الانسر والتيوتا والسكودا
في رايي السبورتاج .. موتور قوي واعادة بيع كويسة واوبشن اكتر وتوكيل احسن
كسيارة يبقى سوبارو طبعا
بس لو مكانك هجيب سبورتاج عشان توكيلها افضل كتير
ماركات السيارات كتير والموديلات اكتر
لما بينتشر موديل معين في مصر ده لانه ببساطه ممكن يكون ناجح ويستحق النجاح وغالبا بتكون نفس الموديلات دي ناجحه علي مستوي العالم كله
او بيحل المعادله الصعبه الموجوده في مصر بمعني ان الموديل بيتحمل الطرق العجيبه الموجوده هنا قطع غيار باسعار مختلفه حسب المنشاء صيانه سهله ممكن يقوم بيها اي صنيعي اتعلم الصنعه بالممارسه مش بالعلم والدراسه المتخصصه وطبعا سوء الاستخدام وعدم الاهتمام بمواعيد الصيانه والكشف الدوري من المستهلك
زي 128 والبيجو 504 والانسر و الكرولاوالاوكتافيا والهونداي بمودلاتها والكيا وانواع تانيه كتير
اسف للاطاله
وعلي العموم انا ارشحلك السبورتاج
لا تنسي الاستخاره
تقبل مروري
ال XV اول فئه 190 الف فيها 4 ايرباج اساسى و Abs و Bas , الهاى لاين 8 ايرباج , معرفش الفئتين فيهم ESP ولا لأ
ال XV من غير اوفر برايس , واعتقد تشتغل ببنزين 92 ( نسبة انضغاط 10.5 )
دفع رباعى
موتور بطئ 114 حصان 150 نيوتن تسارع 0 - 100 فى 13.8 ثانيه , فتيس Lineartronic CVT
عاليه عن الارض 22 سم السبورتاج 17.5 سم
الابعاد نفس طول وقاعدة عجلات السبورتاج تقريبا , السبورتاج اعرض وسقفها اعلى , شنطة السبورتاج اكبر
الكماليات اعتقد سبورتاج اكتر
اعادة بيع طبعا سبورتاج
سبورتاج اوفر برايس , موتور اقوى , بنزين 95 او حتى ب 92 هاتبقى اقوى من السوبارو , اوتوماتيك تبترونيك , دفع ثنائى , اوبشنز اكتر , ESP فى الهاى لاين , اعادة بيع
شكل القشقاي هتدخل المنافسة و ممكن كمان تكسب؟ ايه رايةكو يا رجاله؟؟!!!
فيه سؤال مهم جدا هو اللي هيحسم انت مستعد تدفع السعر ده في عربية كروس اوفر وماتكونش 4x4 شعورك ايه لما تغرز معاك في شوية رملة, طبعا دلوقتي بتلاقي ناس كتير بتقول مافيش فرق بين الكوري والياباني بس مش عارف الكلام ده مش قادر ابلعه, القشقاي تقفيل انجليزي وديه ميزة عالية وعربيات نيسان محترمة و واخدة وضعها في مصر بس مش عارف ليه مش منزلين منها ال 4x4, السوبارو سيارات مالهاش حل لكن مش منتشرة في مصر علشان سعر قطع الغيار وسعر اعادة البيع. معليش طولت عليكم بس في رأيي
عايز عربية حجمها كويس تشيل شنط كتير و يكون قطع غيارها معقولة سبورتج h.l. 210,000
عايز عربية اعتمدايتها كويسة وسمعتها حلوة بس قطع غيارها غالية سنة بسيطة قشقاي fo,ِa/t 175,000
عايز عربية 4x4 من الاخرهو ده الفرق الكبير بس قطع الغيار غالية وتصلحها عند التوكيل بس سوبارو اكس في h.l. 215,000
واضح انك لو بتختار عربية علشان الكفائة والاستحمال هتختار سوبارو لكن لو يفرق معاك سعر اعادة البيع وقطع الغيار والتصليح روح علي النيسان لانها بتنتشر فعلا, اما السبورتج فانا حاسس ان سعرها كتير عليها
بالنسبة لموضوع الامان ف القاشقاي والاكس في واخدين 5 * في الاختبار الاروبي
لو عايز حاجة شبابية بردوه بص علي الجوك والسول بس الاتنين شكلهم ما يعجبش اي حد
لو بتدور على ركوبة محترمة تبقى السوبارة
فعلا هتحس انك راكب عربية مش زي الكيا نهائي
نصيحة : حاول تركب الاتنين وقارن بنفسك
انا سوقت الxv ، فعلا عربية كروس اوفر بمعني الكلمة من غير الاوبشنز الوهمية الي في الكوري, وفعلا احترم جدا الوكيل لما يعمل سماحيه للتست دريف. بس القشقاي انا ركبتها بس مسوقتهاش. انا السراحه فركت ال xv. تلوع ونزول الرصيف بسرعة وكمان بجد كل المطبات والملفات بثبات غير عادي . هيا فقييرة من جوه شويه حلوه ممكن نقول عاديه جدا. هيا مكنة وعفشة وشكل من برة وتكيف طبعا. بس للاسف ملحقتش اخد بالي من العزل . التسارع ملفت جدا جدا بعد ٤٠ قبل كده تحس انها بتحضر جامد. انا الصراحة كنت منبهر بالعفشة والاتزان.
انا بحترم جدا العربية السوبارو انما للأسف مصر مش بتحترمها خالص هي وكتير من المركات المحترمة التانية عشان كده انا برشح السبورتاج عشان ما فيهاش عيب واضح مميز زي السوبارو كقطع غيار وتوكيل واعادة بيع وبالنسبة للقاشقاي عربية حلوة طبعا انما انا رأيي ان السبوتاج احلى شكلا وكمالياتها اكتر من القاشقاي عشان كده انا رشحتهالك ولاتوفيق ان شاء الله صلى استخارة وتوكل على الله
السوبارو عربية ممتازة مافيش عليها خلاف بس المشكلة فى التوكيل وفية قطع غيار بتبقى غير متوفرة بالتوكيل
هو ايه مشكلة الوكيل ؟؟؟؟؟؟؟؟؟
اعتقد ان مشكلة سبارو الوحيدة انه ما بنزلهاش قطع غيار كوبي صيني يعني لازم تجيب كله اصلي وهتلاقيه عند الوكيل
SAWD Full Story iPhone.m4v - YouTube
Subaru SAWD Gymnast - YouTube
SAWD Perform Full Story iPhone.m4v - YouTube
ما فيش حد يفيد ف موضوع ال SAWD ده
اعتقد ما دام السبورتاج بنفس سعر السوبارو بس المشكلة في قطع الغيار 210,000 و 215,000
ممكن تحسبها انك هتشتري السوبارو ب 250,000 بدل 215,000 وتشيل فرق قطع الغيار وتشوف هتكون مناسبة ليك ولا
بس نصيحة اخيرة موضوع الدفع الرباعي ده لازم تحطة في دماغك
بجد حرام اللي بيحصل في مصر من قله العربية ال xv وكمان تلاقي السبورتاج ب ٢٣٥ الف ومش SAWD وكمان مغيرين العدادات في الهاي لاين ومنزلنها عادي زي العادية( الكمبيوتر المستطيل مش زي الدوفعه القديمة) ومش منزلين منها جنيه واحد مع ان الفرق واضح جدا. الفيديوهات جامده جدا. ربنا يباركلك
ده فيديو كمان عن ال SAWD مقابل كل ال 4X4 التاني
All ALL WHEEL DRIVES are NOT created equal. (Subaru Vs Other - YouTube
اعتقد كده الامر محسوم في حالة انك هتمشي في طرق متبهدلة ومش عايز العربية تخستع معاك يبقي سوبارو, هتمشي في طرق كلها متسفلتة بس عايز حاجة عالية سنة علشان المطبات يبأه سبورتج او قاشقاي, عايز دلع اكتر اعتقد السبورتج اعتمادية اعلي قشقاي والله اعلم
متابع ..
تجربتى و وجهة نظرى الشخصية أطرحها على سيادتك
أولا : معلوماتى عن السوبارو ضعيفة جدا. (ولكنى أخشى مجرد الدخول فيها لكل الأسباب السابقة التى تم طرحها من الأخوة الأفاضل بخلاف سعر إعادة البيع هيكون كارثى - وممكن بعد الشراء بفترة قصيرة أحتاج لتغيير أى قطعة غيار أصدم بالواقع ) مش حابب أفكر فيها .
ثانيا" قشقاى أعتمادية - أعتقد انتشار مقبول جدا- قطع غيار و إعادة بيع إيضا مقبول جدا بخلاف إنها لاقت إستحسان الكثيرين ( يعنى فى الآخر من وجهة نظرى المتواضعة أنها سيارة تحترم ولاغبار عليها أفضل من السوبارو بجدارة)
ثالثا وأخيرا" وممكن ان تكون شهادتى مجروحة - بفضل الله امتلكت السوبرتاج من شهر أو أقل قليلا" وكانت بالسعر الرسمى وبقول كده علشان لو حبيت أبيع دلوقتى مفيش أى خسارة ممكن يكون فى مكسب كمان إن شاء الله ولاكن بقول الكلام ده علشان بمنتهى الأمانة لو الثلاثة أختيارات دول أمامى فى الوقت الحالى أو رجع الزمن هيكون أختيارى للسبورتاج كونها سيارة مرضية جدا فى الشكل الداخلى والخارجى وقوة الماتور 140 حصان وإرتفاع وعفشة مع الأخذ فى اللإعتبار كل هذه المواضيع تختلف نسبيا من شخص لآخر
لولا إختلاف الأذواق لبارت السلع
وأخيرا وفقك الله إلى ماهو فيه خير لك
يعني انتم بتعيبوا علي السوبارو في سعر اعادة البيع وتروحوا تشتروا العربيات الباقية بأوفر بريس , غريبة ديه من ناحية اخري لما تقولي متورها قوي 140 hp, اعتقد ان الدفع الرباعي 114 hp عزمها اقوي, ولو بنتكلم علي السرعة احب افكركم انكم بتتكلموا علي عربية كروس اوفر, يعني العزم اهم من السرعة ولو اني مش متأكد ان السبورتج ممكن تسبق السوبارو
احب اعرفكم كمان علي البوكسر انجين للي مايعرفهوش
Subaru's Symmetrical All Wheel Drive (AWD) and Boxer Engine - YouTube
انا عارف ان ساعات كلامي بيبقي مستفذ خاصة للي بيحسب موضوع التصليح وقطع الغيار, مش كل الميكانيكية ممكن يفهموا في متور زي ده, بس انا بحب نعرف ايه الجديد اللي موجود علي الاقل مش مهم نركبه بس نكون عارفينه, من باب المعرفة بس يعني