العربية بتسقف

**msobhy** · 22-06-2012 02:31 AM

السلام عليكم ورحمة الله وبركاته
المشكلة بمنتهى البساطة ان العربية بتسقف
بداية المشكلة لو تفتكروا ان العربية كانت بتسخن منى وبعد حوارات وجوالات مع الاستاذ محمد عبده تم تغيير ترموستات الكوعة لكن برضو العربية فضلت تسقف زى ما تكون سخنه
المهم غيرنا حساس الكرنك وفعلا العربية قلت جامد فى التسقيف - لكن اخدت بالى من حاجة انى لما بشغل التكيف فترة طويلة بتسقف بغباااااااااااااااااء
وبرضو اخدت بالى من حاجة انى لما بقرص على العربية وانا مش مشغل التكييف بسمع صوت تسقيف على خفيف - مع العلم انى بحط بنزين 92 - يبقى فى رأيكم ايه السبب - وياريت لو حد يعرف ميكانيكى تانى غير عبده يبقى خدمنى بجد مع العلم انه هو الوحيد اللى دايما يشتغل فى عربيتى - لكن اخر مره حسيته زى ما يكون بيقولى متجيش تانى سواء طريقة الكلام بتاعت الصنايعى اللى عنده أو حسابه معايا
ياريت اى حد يكون فى الهرم أو الجيزة وان كنت نسبيا بفكر فى محمد هاشم - ربنا كريم

**msobhy** · 22-06-2012 02:47 AM

المشاركة الأصلية كتبت بواسطة ahmed metwaly

موضوع التسقيف دا ليه اكتر من احتمال
لو العربيه مظبوطه يبق بنزين والبنزين الي في البلد تعبان
وممكن يكون عايز ظبط وش تكيهات
وممكن يكون ظبط كهربه
دول اسباب التسقيف الي اعرفهم

شكرا لأهتمام حضرتك
لو بنزين مش هايبقى تعبان لأكتر من 7 أو 8 تفويلات كامله
بخصوص الكهرباء انا شاكك فى حاجة بس مش متأكد لأنها مش منطقيه - هو لو كابل من كابلات البوجيهات مش أصلى وتعبان - ممكن يعمل المشكله ديه

**mahmoudysf** · 22-06-2012 05:33 AM

المشكلة بالترتيب
بوجيهات
او سلوك بوجيهات
او موبينة

**egyseadragon** · 22-06-2012 07:32 AM

الموضوع ده اسبابه كتيرة... بس بما إن إنت إستثينت البنزين و لو افترضنا إن ال الرشاشات و ال بوجهات و ال ecu ما فهمش حاجة.... يبقى الإحتمال الاكبر إن في تنفيس في المنيفولد.... ممكن يكون في عندك خرطوم هوا سايب أو مشكلة في ال-egr
بعد كدا تشوف موضوع الحساسات والكونترول

**egyseadragon** · 22-06-2012 09:02 AM

وممكن تجرب بوجيهات تكون أبرد وتشيك على فلتر البنزين ..قبل ما تخش في موضوع الحساسات و الرشاشات والحاجات التانية دي

**msobhy** · 22-06-2012 02:52 PM

المشاركة الأصلية كتبت بواسطة mahmoudysf

المشكلة بالترتيب
بوجيهات
او سلوك بوجيهات
او موبينة

انا لسه مغير بوجيهات من أقل من 6000 كيلو - سلوك البوجيهات كلها أصلى ما عدا اخر كابل اللى واصل على البوجية الاخير اللى مش جنب الموبينة ده مغيره بواحد قديم علشان الاصلى اتقطع منى بالخطأ - بالاضافة انى لسه مغير موبينه جديدة أصلى من حوالى سنه

المشاركة الأصلية كتبت بواسطة egyseadragon

الموضوع ده اسبابه كتيرة... بس بما إن إنت إستثينت البنزين و لو افترضنا إن ال الرشاشات و ال بوجهات و ال ecu ما فهمش حاجة.... يبقى الإحتمال الاكبر إن في تنفيس في المنيفولد.... ممكن يكون في عندك خرطوم هوا سايب أو مشكلة في ال-egr
بعد كدا تشوف موضوع الحساسات والكونترول

على فكره انا حطيت العربية على الاسكانر والخطأ الوحيد اللى كان متسجل هو حساس الكرنك - الرشاشات تمام وزمنها مظبوط - تم التأكد من أغلب الحساسات انها شغاله كويس

المشاركة الأصلية كتبت بواسطة egyseadragon

وممكن تجرب بوجيهات تكون أبرد وتشيك على فلتر البنزين ..قبل ما تخش في موضوع الحساسات و الرشاشات والحاجات التانية دي

هاجرب ان شاء الله بوجيهات تانية - بس انا نسيت أقول حاجة انى فى شهر واحد اللى فاتت عملت جوان وش سلندر بسبب انى كنت مغير بلوك من حوالى سنة ونص - والباشا اللى ركب استخصر شوية سليكون - وأعادة تركيب الجوان كان بسبب الترشيح البسيط اللى من العربية - الخوف بقى ان الباشا وهو بيركب فيه حاجه اسمها الفوله وقعت منه جوه الموتور - وهو حل كارتيرة الزيت على حسب كلامه علشان يجيبها - بس انا ما شوفتش اذا كان فعلا جابها وركبها ولا لأ - طبعا انا غيرت ساعتها بلاوى فى الموتور وعملت صيانه كامله لدورة التبريد - ربنا يستر بقى والموضوع يطلع حاجه بسيطة