أستهلاك البنزين أساسه
الموتور طبعا أولا يكون مظبوط و الكهرباء تمام .(طبعا لو جديدة مفيش مشكلة في الحتة دي )
ضغط الكاوتش يكون ما بين 29 إلى 30 و العربية باردة .....
طريقة السواقة
العربية ممكن تعمل معاك معدل 250 كم لكل 20 لتر بالسواقة الهادية و ممكن تعمل أكتر و ممكن توصل ل 300 كم
خلينا في 250 كم كمعدل متوسط .
سرعة ما بين 80 إلى 110 كم - س .
و لفات الموتور ما تزدش عن 3000 لفة .
جوه البلد مش مقياس نهائي و متقدرش تحسبها
لأنك ممكن تقف في اشارة ربع ساعة ......... و ممكن تقف في اشارة تانية دقيقة
و لكن برضه العربية معقولة بتعمل من 180 إلى 200 كمتوسط .
بس أنا أغلب سواقتي طرق مفتوحة و طوالي و لذلك أستهلاك البنزين معايا معقول .
و لكن الأماكن اللي فيها زحمة ........ برضه الأستهلاك معقول مش وحش حسب تجربتي مع المانوال و مع الاوتوماتيك من الجين 2 .
شوف لو أنت سواقتك كلها جوه البلد و في زحمة ... لا ينفعك جين 2 و لا ينفعك أي عربية 1600
هاتحرق بنزين ملوش لزمة لو أنت بتسوق أساسا في الزحمة بس .