ينفع اوصل لمبتين زينون علي نفس الوحدة+ ينفع اغير مقاس اللمبة من h1 لأكبر؟؟

كما هو واضح من العنوان, عندي العالي في لمبة والواطي في لمبة وعندي طقم زينزن واحد بس وموصله في العالي. عايز اجيب لمبتين كمان واحطهم في الواطي واوصلهم علي نفس الوحدتين اللي عندي

السؤال التاني :مقاسات اللمبة عندي هي h1 وحاسس انهم صغيرين ومش بيدوا اضائة كويسة ينفع اغيرهم بمقاس تاني يكون اكبر في الحجم؟؟

متابع باهتمام

متابع وحد من الشباب الجدع يرد عشان انا نفس الحاله

مينفعش طبعا تشغل لمبتين علي موديول واحد والا كان اللي عمل الزينون عمل كده
انت ممكن تجيب زينون تاني وتركبه يبقي الواطي والعالي زينون

متابع عشان عندي نفس مقاس اللمبة
بس اعتقد ان ال h1 ده مقاس اللمبة الاصلي ولو جبت نوع تاني تقريبا مش هتثبت في الفانوس

# ماينفعش تركب لمبتين على موديول واحد لأنه مش هايطلع باور كفاية لتشغيل الاتنين واحتمال كبير يتحرق بسبب الـOverFlow

# لو غيرت مقاس اللمبات الأصلي بأي حاجة تانية هاتواجه مشكلتين مالهومش أي تلاتين لازمة..
أولا: اللمبة مش هاتركب في الفانوس عشان القاعدة مختلفة وتلاقي الصنايعي راح لازقهالك بمعجون خليط (الأنبوبتين) وبكده باظ الفانوس
ثانيا بقا وده الأهم: ان كل مقاس لمبة بيبقا ليه طول معين بالملليمتر عشان تبقا بؤرة الوهج في اللمبة متسنترة في المكان المناسب لقمرة الفانوس أو العواكس أو العدسات بتاعته،
وأي تغيير في مقاس اللمبة حتى لو بمقدار بسيط هايغير السنترة دي ويبوظ توزيع النور فهاتلاقي نفسك مش شايف حاجة والإضاءة مش متركزة صح عالأرض
وانت نفسك روح أي محل وامسك لمبات H1 و H7 و H4 هاتلاقي ان كل واحدة ليها طول مختلف وده طبعا بحسابات مدروسة مش من فراغ..

# لو النور عندك حاسس انه مش مديك أداء مرضي يبقا شيك عالحجات دي:
1- اللمبات نوعية نضيفة وشغالة كويس (جرب لمبات تانية)
2- المديولات ممكن تكون ضعيفة أو مضروبة فمش مطلعة باور كفاية (جرب مديولات تانية)
3- الفانوس بتاعك مش نضيف ومليات تراب وأوساخ عالعاكس أو جوة العدسة (تنظيف الفوانيس)
4- الرجلاش بتاع الفوانيس مش مظبوط ومستويات الإضاءة بتاعتها مش فارشة عالأرض كويس (ضبط رجلاش الفوانيس ومستوى الإضاءة - فوق،تحت،يمين،شمال)
وخد بالك ان ضبط مستوى الأنوار عالزينون والحصول على نتيجة كويسة يكاد يكون عملية مستحيلة إلا في حالة وجود عدسات محترمة،
لو معندكش عدسات يبقا الأفضل تركب لمبات الفابريقة أثناء ضبط مستوى الإضاءة وبعد ماتخلص ضبط ابقا شيلهم تاني وركب الزينون.

وأخيرا ابعد عن الـ8000 والـ10000 لأن كل ما الرقم كان أقل كل ما كان سطوع النور أقوى والرؤية من خلاله أحسن وأفضل
الدرجة الأفضل على الإطلاق هي 4300 ولكنها نادرة جدا جدا في مصر مع انها منتشرة برة، فأقل واجب تعمله انك تجيب الـ6000 وماتزودش عن كده

اقتباس:

---

المشاركة الأصلية كتبت بواسطة salamonti

# ماينفعش تركب لمبتين على موديول واحد لأنه مش هايطلع باور كفاية لتشغيل الاتنين واحتمال كبير يتحرق بسبب الـoverflow

# لو غيرت مقاس اللمبات الأصلي بأي حاجة تانية هاتواجه مشكلتين مالهومش أي تلاتين لازمة..
أولا: اللمبة مش هاتركب في الفانوس عشان القاعدة مختلفة وتلاقي الصنايعي راح لازقهالك بمعجون خليط (الأنبوبتين) وبكده باظ الفانوس
ثانيا بقا وده الأهم: ان كل مقاس لمبة بيبقا ليه طول معين بالملليمتر عشان تبقا بؤرة الوهج في اللمبة متسنترة في المكان المناسب لقمرة الفانوس أو العواكس أو العدسات بتاعته،
وأي تغيير في مقاس اللمبة حتى لو بمقدار بسيط هايغير السنترة دي ويبوظ توزيع النور فهاتلاقي نفسك مش شايف حاجة والإضاءة مش متركزة صح عالأرض
وانت نفسك روح أي محل وامسك لمبات h1 و h7 و h4 هاتلاقي ان كل واحدة ليها طول مختلف وده طبعا بحسابات مدروسة مش من فراغ..

# لو النور عندك حاسس انه مش مديك أداء مرضي يبقا شيك عالحجات دي:
1- اللمبات نوعية نضيفة وشغالة كويس (جرب لمبات تانية)
2- المديولات ممكن تكون ضعيفة أو مضروبة فمش مطلعة باور كفاية (جرب مديولات تانية)
3- الفانوس بتاعك مش نضيف ومليات تراب وأوساخ عالعاكس أو جوة العدسة (تنظيف الفوانيس)
4- الرجلاش بتاع الفوانيس مش مظبوط ومستويات الإضاءة بتاعتها مش فارشة عالأرض كويس (ضبط رجلاش الفوانيس ومستوى الإضاءة - فوق،تحت،يمين،شمال)
وخد بالك ان ضبط مستوى الأنوار عالزينون والحصول على نتيجة كويسة يكاد يكون عملية مستحيلة إلا في حالة وجود عدسات محترمة،
لو معندكش عدسات يبقا الأفضل تركب لمبات الفابريقة أثناء ضبط مستوى الإضاءة وبعد ماتخلص ضبط ابقا شيلهم تاني وركب الزينون.

وأخيرا ابعد عن الـ8000 والـ10000 لأن كل ما الرقم كان أقل كل ما كان سطوع النور أقوى والرؤية من خلاله أحسن وأفضل
الدرجة الأفضل على الإطلاق هي 4300 ولكنها نادرة جدا جدا في مصر مع انها منتشرة برة، فأقل واجب تعمله انك تجيب الـ6000 وماتزودش عن كده

---

+11111111

لا ماينفعش خالص ده حتى فى لمبه h4 كنت شاريها من السعوديه اللمبه الواحده بتشتغل بجهازين لانها اتنين بول مش متحركه فاكيد مينفعش