ناوي اشتري جين 2 ان شاء الله زيرو بس طمنوني من حجات معينه

**Mizo17k** · 22-06-2012 12:33 PM

السـلام عليكم ورحمه الله وبركاته

انا يجماعه ناوي ان شاء الله اشتري جين 2 2012 جديده اوتوماتيك بس كنت عايز اعرف انا من اسكندريه كنت عايز اعرف فين اماكن الصيانه بره التوكيل واماكن بيع قطع الغيار وهل بقت متوفره في اسكندريه ولا لاء بجانب التوكيل في اسكندريه هل هو كويس ولا لاء لاني على ما فهمت يعني ان التوكيل في كل محافظه غير التانيه يعني بنسبه 60 % بيقولو التوكيل زفت في التعامل مع العميل وناس بتقول انا رحت ولقيتهم ناس تمام فا حابب اعرف ازا كان التوكيل في اسكندريه ناس تمام ولا التعامل معاهم يبقى ازاى
ورحت معرض اباظه اداني سعر غريب يعني هوا قال 95 الف مش عارف دا صحيح ولا ايه بس بيقولو فيها كلام لحد 93 وهل حوار التزييق بتاع الدركسيون دا اساسي في كل العربيات ولا على حسب يا تطلع حمره يا تطلع قرعه ولو حصل التزييق دا مستلمش العربيه واطلب تغيرها ولا استلمها وهما يعملوه معلش تعبتكم معايا وكان فيه ناس بردو بتقول الفرامل فيها حاجه ياريت اهل الخبره وملاك الجين المحترمين يقولولى الصـراحه لاني كنت هجيب اكسنت ار بي وهيا اغلى منها بمبلغ كبير كانت ب 104 الف وخلاص كنت ناوي واكتشفت ان العربيه مفهاش لا ابي اس ولا اير باج ولا اي بي دي يفرحتي ادفع كل دا وملقيش مقابل اي امان وقصاد دا الجين انا بحبها وفيها الامكانيات وارخص كمان منتظر ردودكم شباب

**MOK3336** · 22-06-2012 02:28 PM

و الله لو 95 ألف يبقي هات نيسان صني 2012 الشكل الجديد أو حتى الشكل القديم مش هتفرق
لكن الجين 2 قطع غيارها صعبة

**eng.m7md.ali** · 22-06-2012 02:57 PM

مفيش مقارنة بين نيسان صني والجين2 في الاداء
بس زي مانت عارف ان المشكلة في قطع الغيار والتوكيل الزفت
انصحك تجيب عربية تانية زي الصني

**S O P H O S** · 22-06-2012 03:01 PM

+11111111111
متفق مع راي الرجالة ..

**Nistelrooy** · 22-06-2012 08:32 PM

غير متفق من الرجال

سواقة جين 2 متعة لوحدها :)
وقطع غيارها مش مشكلة عويصة

سنتيين الجين 2 معايا لم اقابل مشاكل في قطع الغيار الاستهلاكية .. من تيل وبوجيهات وكدا الا مرة واحدة وهي ماكنش فية اكصدام واضطريت اصلحة وارشة .. في التوكيل برضوا والنتيجة كويسة بنسبة 85%
واهو التوكيل بيتحسن ...

**Mizo17k** · 22-06-2012 09:52 PM

ايه الاحبـاط دا :( يجماعه نيـسان ايه انا معاكو نيسان كويسه جدا وعربيه قويه بس مش شايف اي ابداع في التصميم بالعكس تصميمها ممل اوي سواء من بره او من جوا مش شبابي خالص مفيش ابداع في التصميم والشكل بتاع العربيه انا اخويا معاه ميجان 2 كامله والناس كانت بتقوله بردو قطع غيرها غير متوفره واسعارها عاليه جدا ولما اشتراها لقي ناس كتير بتبيع قطع غيرها :( اانا كدا اتحيرت والله الجين 2 انا ميال ليها اكتر سعرها كويس وامكانيتها حلوه

**Mizo17k** · 22-06-2012 09:54 PM

المشاركة الأصلية كتبت بواسطة eng f3lix

مفيش مقارنة بين نيسان صني والجين2 في الاداء
بس زي مانت عارف ان المشكلة في قطع الغيار والتوكيل الزفت
انصحك تجيب عربية تانية زي الصني

مشكور ياباشا بس الصني دي مش بتنزلي من زور خالص مش عارف ليه

كنت بفكر في اكسنت ار بي بس لقيت انها من غير اير باج ولا ابي اس ولا اي بي دي يعني راحت فلوسك يصابر

**Mizo17k** · 22-06-2012 09:57 PM

المشاركة الأصلية كتبت بواسطة mok3336

و الله لو 95 ألف يبقي هات نيسان صني 2012 الشكل الجديد أو حتى الشكل القديم مش هتفرق
لكن الجين 2 قطع غيارها صعبة

مشكور يباشا بس مش حابب نيسان خالص للاسف مع واحد صحبي محبتهاش مع انها عربيه متور قوي بس شكلها مش حبه نهائي من بره ومن جوا

**Mizo17k** · 22-06-2012 10:03 PM

المشاركة الأصلية كتبت بواسطة Nistelrooy

غير متفق من الرجال

سواقة جين 2 متعة لوحدها :)
وقطع غيارها مش مشكلة عويصة

سنتيين الجين 2 معايا لم اقابل مشاكل في قطع الغيار الاستهلاكية .. من تيل وبوجيهات وكدا الا مرة واحدة وهي ماكنش فية اكصدام واضطريت اصلحة وارشة .. في التوكيل برضوا والنتيجة كويسة بنسبة 85%
واهو التوكيل بيتحسن ...

اخيـرا بقى معنوياتي بعد ما انكسرت خالص فرحني ههههه طب ياباشا بالنسبه لمشكله التزييق دي حصلت معاك ولا مش كل العربيات وهل فراملها حلوه ولا مش كويسه وبأمانه تنصحني بيها ولا اصرف نظر على اعتبارك من ملاكها وفيه بينك وبينها عيش وملح

هرتاح معاها ولا هتكرهني في العربيات وحياتي كلها عشان دي هتبقى اول عربيه ليا ان شاء الله

**Al-Farooq** · 22-06-2012 10:45 PM

العربية بقالها معايا سنة تقريبا محتجتش اى قطع غيار مفيش غير الصيانة الدورية العادية بعملها كل 5 آلاف ، وناس كثيرة نفس الوضع
وفى محالات كثير بتبيع قطع غيار بروتون ، بس مش بنفس شهرة الهيونداي والنيسان مثلا ، خلاف ان العربية لها قطع غيار متوافقة كثيرة مع ميتسوبيشي وغيرها
فالناس بتريح دماغها بتستخدم قطعها الاصلية او المتوافقة معاها!.

الموضوع: ناوي اشتري جين 2 ان شاء الله زيرو بس طمنوني من حجات معينه

LinkBack

أدوات الموضوع

عرض

-

-

-

-

المواضيع المتشابهه

ان شاء الله انا ناوي اشتري موتور استيراد لعربيتيى اسكواد كومبي 1997

ان شاء الله انا ناوي اشتري موتور استيراد لعربيتيى اسكواد كومبي 1997

ناوي ان شاء الله اشتري ال جين 2 زيرو ... ممكن تفيدوني في الاستلام

افيدوني افادكم الله ناوي اشتري اسبرانزا Tiggo 4x4

ان شاء الله ناوي اشتري النترا 2006 تقييم

الكلمات الدلالية لهذا الموضوع

المفضلات

المفضلات

ضوابط المشاركة