الموضوع: تقرير بالصور عن جيب جراند شيروكي srt8 موديل 2006

السلام عليكم ورحمة الله
حبيت اعمل تقرير مصور عن السيارة جيب جراند شيروكي اس ار تي 8 2006

دة اول تقرير اعملة في حياتي فاعذروني لو ليقتو فية اخطاء
كلمة اس ار تي SRT
street and racing technology
ودي تكنولوجيا نزلت بيها شركة كرايزلر للسيارات الرياضة بحيث يمكن استخدامها يوميا و في حلبات السباق

اولا معلومات عن السيارة
محرك هيمي سعة 6,1 لتر V8 يولد قوة 420 حصان و 420 تورك
جنوط 20 أنش أليمينوم
مقاش العجل P295/45ZR20 ذات أداء رياضي
فرامل عالية الأداء نوع بريمبو
نظام تعليق رباعي AWD يعمل اليكترونيا "مفيش فتيس غرز "
نظام ميديا سنتر / نافجيشن جارمن و Sirius Traffic ™
جلد نوع [ نابا ] مع شمواه فاخر + خياطة باللون الأبيض + علآمة SRT
مقاعد رياضية خاصة
تسخين و تبريد المقاعد الأمامية / تسخين المقاعد الخلفية
مقود من الجلد + شمواه و تخييط باللون الأبيض
تسخين المقود
تيب ترونك , تغيير عادي من المقود للقير
نظام السحب [ Trac system ]
مقدمة خاصة لـ جراند شيروكي SRT
انوار LED امامية و خلفية و داخلية
حزمة الفخامة , Luxury Package
نظام حسب التسارع و تكييف خاص لكل راكب
نظام التحذير من التصادم / نظام النقطة العمياء
مكبر صوت عالي الأداء 825 واط
19 مكبر صوت , منها 10 نوع Subwoofer
مقطورة للسحب تصل لـ Max 5,000
سقف بانورامي كامل
كربون فايبر كامل من الداخل
مقود رياضي , يشابه مقود سيارات السباق

طبعا مع العلم ان 2012 متفوقة كليا ومتغيرة تماما عن الموديل بتاعي حيث انة فيها 4 فتحات للشكمان وفيها فتحات تهوية في الكبوت و 4 انظمة للقيادة ممكن الأختيار ما بينهم بزر تحكم


ولكن خليني في اللي اعرفها وسوقتها انا جبتها من شهر 4 2012

الصور





من الصور هنلاحظ ان الموديل دة متشابه من سنة 2005 الي 2010 وبعدين غيرو شكلة في 2011 و2012

صورة موديل 2012




و دة الزرار اللي مش عندي و موجود في الموديل الجديد


الأداء
من صفر الي 100 في خمس ثواني "حقيقة بدون مجاملات"
ممكن تجيب السرعة القصوي 270 كيلومتر في حوالي مسافة 3 كيلومتر
عداد العربية 300 كيلو للعلم بس مقفولة علي 270

من واقع تجربة انا وصلت الي 240 في حوالي 2 كيلو واضطريت انزل الي 100 لأن هنا في قطر الرادارات اكتر من العربيات و مخالفة الرادار فوق سرعة 160 بمحاكمة و غرامة 20 الف

بالنسبة للعفشة ناشفة جدا جدا و دة طبيعي لأنها رياضية بس غير مناسبة للأسرة "غير مريحة"

السيارات التي يمكن المقارنة بيها
BMW X5M
Mercedes ML
بورش كايين تربو
لاند روفر رينج روفر سوبر تشارج

تجربة التسارع مع المنافسين
تتفوق الجراند شيروكي علي الجميع في الطلعة من غير نقاش
المشكلة ان العربية هتفقد عزمها بسرعة فتسبقها المرسيدس و البورش بعد سرعة 100 في حين هتفضل متفوقة علي البي ام وعلي الرينج روفر علي سرعة 190 هتكون الفرق حوالي 2 متر لصالح البورش و متر ونص لصالح المرسيدس و نص متر تفوق لصالح البي ام

ترتيب الأسعار مع المنافسين

الجيب هي ارخص واحدة فيهم من الأخر والأقل سعرا في اعادة البيع "عيب"

من ناحية الثبات
رائع جدا بالمقارنة مع اي 4X4 اخرى
في زرار اسمة اتراكشن كنترول لو ضغطة بيلغي نظام الهيدروليك وطبعا دة معمول للي عاوز يعمل دريفتات و خمسات وحركات

بقاء هذا الزر معناه ان العربية عمرها ما هتامرك منك ولا هتتزحلق و لا هتخرج برة الطريق حتي لو ماشي علي سرعة 200

ممكن نلغية بس علي مسؤوليتك

اكسدام العربية الأمامي منخفض جدا حتي لوقارنه بعربية عادية زي التيدا مثلا هنلاقي الأكسدام الأمامي منخفض عنها

طبعا المفروض الواحد يعمل حسابة لما يركن بوش العربية مسافة امان

جسم العربية صلب جدا وكل جزء فيها متدعم بحديد "بتفركني بعربية ابويا البيجو" بس الموضوع هنا بزيادة حبتين

مستوي الامان عالي العربية فيها 12 اير باج

استهالها للبنزين مخيف شوية 23 لتر لكل 100 كيلو

اقل بنزين ممكن استخدامة هو 92 "بريميوم"


عيوب العربية

1- مكلفة في البنزين بس مش مشكلة هنا "هتبقي مشكلة في مصر لو نزلت بيها"
2- الحرارة بتزيد بسرعة اذا زودت اوي في الدوسة "خصوصا لما تكون درجة حرارة الجو في الخارج فوق 45"
3- قطع الغيار غاليا هنا في قطر بالمقارنة مع الياباني و المريكي الماركات الأخري
4- العفشة غير مريحة للظهر
5- التكييف ممتاز في معظم الاوقات بس بحتاج وقت مثلا ربع ساعة عشان يبرد صح اذا كان درجة الحرارة في الخارج 50 او زيادة "اعلي حاجة شفتها هنا لحد دلوقتي 52"
معلش زهقتكم

و في الأخر اسيبكم مع شوية فيديوهات للعربية

[youtube]http://www.youtube.com/watch?v=48n8uCJLX4U&feature=player_embedded[/youtube]

[youtube]http://www.youtube.com/watch?v=bi9csQ7kV1U&feature=player_embedded[/youtube]

[youtube]http://www.youtube.com/watch?v=sAzVagnrIrw&feature=player_embedded[/youtube]

[youtube]http://www.youtube.com/watch?v=TeBPz7Xgwto[/youtube]

[youtube]http://www.youtube.com/watch?v=uO1yQj8qS38&feature=player_embedded[/youtube]

ودة بعد تعديل العربية بتربو ووصلت قدرتها الي 1100 حصان
[youtube]http://www.youtube.com/watch?v=CIFUWTmZtMU&feature=fvwrel[/youtube]

اليوتيوب مليان وغرقان فيديوهات للعربية دي


التقرير كدة انتهي و منتظر الردود و الأسئلة

[youtube]http://www.youtube.com/watch?v=bi9csQ7kV1U&feature=player_embedded[/youtube]

[youtube]http://www.youtube.com/watch?v=sAzVagnrIrw&feature=player_embedded[/youtube]

[youtube]http://www.youtube.com/watch?v=uO1yQj8qS38&feature=player_embedded[/youtube]

ودة بعد تعديل العربية بتربو ووصلت قدرتها الي 1100 حصان
[youtube]http://www.youtube.com/watch?v=CIFUWTmZtMU&feature=fvwrel[/youtube]

اليوتيوب مليان وغرقان فيديوهات للعربية دي


التقرير كدة انتهي و منتظر الردود و الأسئلة

اليوتيوب مليان وغرقان فيديوهات للعربية دي


التقرير كدة انتهي و منتظر الردود و الأسئلة

اية السر اني مش عارف اضيف فيديوهات