الموضوع: الحمد لله على كل شىء - حادث

الف سلامة على حضرتك وقدر الله وماشاء فعل والحمد لله ان مفيش حد من اسرتك او انتا اتعور وده بالدنيا ومافيها
اما بالنسبة لعربية عندك الحرفيين وعندك صقر قريش المعادي كلها ورش ومحلات قطع غيار رينو وبسيطة إن شاء الله

المشاركة الأصلية كتبت بواسطة discman

حمد لله على السلامه
فى حد في الحرفيين و انت جاى من جسر السويس و داخل الحرفيين من جنب الكوبري هتلاقى سور المزرعه علي ايدك اليمين كمل هتلاقي تقاطع كمل برضو وخش الشارع اللى هيكون قدامك وهتلاقى انصاص رينو على شمالك عندهم كل حاجه ان شاء الله

الله يسلمك ، شكرا

الحرفيين مشوار شوية عليا هشوف صقر قريش فى المعادى و هشوف التوكيل الاول و ربنا يسهل الف شكر

المشاركة الأصلية كتبت بواسطة windofchange

حمدلله علي سلامتك يامهاب....قدر الله ماشاء فعل

الحمد لله ، الله يسلمك الف شكر

المشاركة الأصلية كتبت بواسطة ahmedhawas

حمداً لله على سلامتك والأسرة الكريمة
وربنا ينتقم من النقل واللي بيعملوه فينا
اليومين دول كل حادثة أسمع عنها .. ألاقي النقل هو السبب

الله يسلمك الف شكر ، فعلا النقل بقى مصيبة خصوصا فى الطرق السريعة و الطريق اصلا مش كويس الحمد لله و الله الراجل وقف مخدود فى نص الطريق و سيبناه يمشى لأن كده كده شكله غلبان و العربية هتتكلف الاف فالحمد لله ان الموضوع خرج منه الكل سليم و ربنا يسهل فى تصليح العربية ان شاء الله

المشاركة الأصلية كتبت بواسطة mazher_m

قدر الله وما شاء فعل
اهم حاجه ان انت واللي معاك بخير
الباقي كله سهل

الحمد و الشكر لله و ان شاء الله العربية تتعوض ، الف شكر

المشاركة الأصلية كتبت بواسطة ashouhdy

قدر الله وما شاء فعل

الحمد لله على سلامتكم وكل شئ يتعوض ان شاء الله

الحمد لله و ان شاء الله كله يتعوض ، الف شكر

المشاركة الأصلية كتبت بواسطة ahmed a.maksoud

حمداً لله علي سلامتك انت والأسرة.........دي بالدنيا و ما فيها

أنا بعد انقطاع سنتين عن السواقة في مصر عملت مشوار طويل النهاردة من شرق القاهرة لغربها و لولا ستر ربنا كان زماني مرتكب جريمة اللي حاشني بس أني كان معايا مراتي و عيالي

ربنا يستر طريقنا جميعاً

اه الحمد لله ، الواحد فعلا اول مرة يتحط فى موقف زى ده و مكنتش عارف هقدر اعيش ازاى لو اتصببت لحد فى اصابة او اى حاجة تانية لا قدر الله حتى لو مش غلطتى بس انا اللى كنت سايق

فعلا السواقة فى مصر بقت زى حرب الشوارع و اللى يوصل بيته سليم هو و اهله و عربيته يبقى بيحقق انجاز ، الف شكر

المشاركة الأصلية كتبت بواسطة rsarabia

انا بمشى 80 90 فى كل طرق مصر الا فى الطريق دا بالذات
مينفعش امشى محترم لازم اجرى و اعدى من العربيات اللى قدامى عشان لو معملتش كدا مش هعرف اسوق من لخبة العربيات اللى هتعدينى هبص يمين ولا شمال ؟ ولا اركز مع اللى قدامى هيفرمل فجأة ولا مطب فى مكان غلط ؟ و لا واحد طالع من عاليمين !!!

و الله يا باشا انا كنت ماشى فى حالى كده فجأة لقيت العربية بتلف و لا كأننا فى الملاهى و طبعا الواحد مش فاكر هو ايه اللى حصل كل اللى فاكره انى نزلت من العربية بعد ما وصلتها لجانب الطريق و بشوف شكلها و هى متبهدلة بعد ما اطمنت على اهلى .. الطريق دا فعلا لعنة

المشاركة الأصلية كتبت بواسطة kar!m

حمدا لله على سلامتك.

اللهم أجرك في مصيبتك و أخلفك خيرا منها.

الله يسلمك ، الف شكر

المشاركة الأصلية كتبت بواسطة muhamednabil

الحمد لله على سلامتك انت و الاسرة و انشار الله تلم الموضوع فى باقل تكلفة و نصيحة منى اكتب الحجات العربية محتجاها و تنزل تاحد لفة فى الحرفيين و تكون سأل عليهم جديد بكام عشان الناس بتوع الحرفيين بيستعبطوا قوى اليوميين دول ممكن تلاقيهم بيبيعولاك حجات بثمن الجديد اصلى او اقل حاجة بسيطة.

الله يسلمك ، الف شكر ، يا رب ان شاء الله .. انا هشوف فى صقر قريش كده اقرب لى و بعدين هشوف فى التوكيل لأن الحرفيين مشوار كبير اوى و انا بصراحة مفيش اعصاب انى اسوق دلوقتى خالص و شكرا على النصيحة

المشاركة الأصلية كتبت بواسطة albasha

حمداالله علي سلامتك والحمد لله إنك والأسره بخير
من أمن العقاب أساء الأدب الناس بقت بتتعامل بمبدأ اللي تقدر تعمله مفيش حد هيحاسبك وده علشان خاطر البهوات اللي فاكرين إنهم بيعاقبوا الشعب بعد الثوره وعلشان كده تلاقي واحد بتاع نقل تقيل ماشي ياخد غرز في وسط العربيات عادي تلاقي سواق ميكروباص دايس وعمال يزنق علي الناس ولا كأنه ماشي لوحده في الطريق وهكذا

الله يسلمك الحمد لله ، الف شكر

الله يسامح بتوع الشرطة اللى بيتسببوا فى دمار حياة ناس بكاملها عشان مستخسرين يشوفوا شغلهم

المشاركة الأصلية كتبت بواسطة mohammedaladel

ألف سلامة لحضرتك

الله يسلم حضرتك ، الف شكر

المشاركة الأصلية كتبت بواسطة mhmdalsaadany

الف مليون سلامه على حضرتك والاسره الكريمه وربنا يعوض عليك خير

الله يسلم حضرتك ، الف شكر ، يا رب ان شاء الله

المشاركة الأصلية كتبت بواسطة shiref_mohamed

الف سلامة على حضرتك وقدر الله وماشاء فعل والحمد لله ان مفيش حد من اسرتك او انتا اتعور وده بالدنيا ومافيها
اما بالنسبة لعربية عندك الحرفيين وعندك صقر قريش المعادي كلها ورش ومحلات قطع غيار رينو وبسيطة إن شاء الله

الله يسلم حضرتك ، الف شكر ، الحمد لله

انا رايح فعلا صقر قريش النهاردة و ربنا يسهل و الموضوع يتلم ان شاء الله