الموضوع: انا كرهت اسكندريه فعليا

المشاركة الأصلية كتبت بواسطة king_de_egypt

انا كارهت مصر كلهااااااااااااااااااااا على ام الحاجات اللى بتحصل فى البلد ناس مش هممها حاجه و نازله تصيف وقت الانتخابااات و نفس الكلام الايام دى بجد مش عارف هو احنا الغلط وله هما ؟؟
هل نكبر دماغنا زيهم وله نقعد شايلين الهم و الغم كدا !!

واللهي ياباشا من غلبنا نفسنا نتفسح شوية ونشم هوى
وبيني وبينك انا بقى عندي شعور ... أن البلد دي مش بلدنا دي بلدهم هما ، واحنا اللهم ضيوف فيها وكتر خير البلطجية انهم سمحينلنا اننا نعيش فيها ... انا بقيت أقول لنفسي دي مش بلدنا دي بلد الحكومة ... دي بلد السلطة ... أما أحنا مواطنين درجة تانية ... يعني مش بعيد بكره يحصلي زي ما حصل لبعض المواطنين الي ساكنين في وسط البلد ولقوا الرصيف متباع لشركة والوقفه بقت بفلوس تحت بيتهم ... مش بعيد أنزل أبص الاقيهم جابو بلدوزر ويشيلوا الرصيف ويقلك اصل هنوسع الشارع ولو سمحت متركنش هنا ... انتا فاكر لمن كان بيلطعونا بالساعه والساعتين ويقلك ... أصل في موكب معدي ... واركن على جنب ... ده حتى لو انتا ماشي تبص تلاقي عربية عليها حراسة وماشية شوية شوية والشارع واسع وافضي وانتا مستعجل تيجي تطلع منو من اليمين تلاقي العربية الجيب الحراسة كاسرة عليك ... تيجي تطلع شمال يقوم كاسر عليك وهيلبسك فوق الرصيف ... مش مهم حياتك ومش مهم أنو يمشيك ومش مهم أذا كان معاك أطفال ولا ممعكش المهم حياة السيد الضيف ... ولا السيد السفير ... فبصراحة بقيت أحس أن دي بلدهم هما مش بلدنا أحنا ... وأحنا ما أحنا ألا مجرد ضيوف في هذا الوطـن وربنا يخليهم لينا يارب ... ولا يحرمناش من هبلهم ... وبلطجتهم وسلطتهم ... وبصراحة العميلة قلبت في مصـر من لعبة سياسة للعبة شطرنج ... واحد يقدم عسكري التاني يقدم الحصان التالت يرجع الطابية ... ولأ كده غلط وكده صح طب أحنا نراجع قوانين اللعبة ... وبيقولك الحصان بيتحرك فقط حرف (l) والعسكري يجوز او لا يجوز يقدم خطوتين ... وانتا قلت ولا انتا مقلتش ... فأحنا بنقول نتفسح لنا يومين قبل ما يجي رمضان لحد ما يخلصوا لعب هههههههههههههه ويستقروا على حال .

@@@@@@@@@
لأن الموضوع قلب من مستقبل مصـر
للعبـة شطرنج بتتلعب على تقيل

المشاركة الأصلية كتبت بواسطة bha2

لا برضه يا استاذ فتح الباب

اه التصرفات مش حلوه و بيعملوا مشاكل بس انت ف دوله ناميه
ودا نتاج 30 سنه جهل و ظلم
مينفعش ننتعهم بكميه الالفاظ دي
كل اللي بنتمناه يجي حد محترم يساعدنا و يساعد الناس ع انهم يكونوا منظمين
مهما كانت تصرفاتهم مينفعش نصادر حقهم بالاستمتاع ببلدهم
اتمني ميكونش كلامي مضايقك و تاخد الموضوع بصدر رحب

انا متقبل كلامك وعلى الرحب والسعه لكن والله حاولت تغيير الكثير منهم لكن لم اتمكن من ذلك لعدم استعدادهم للتغيير اصلا .... انت متخيل واحد مش عايز ينضف ابدا وهو راضى عن ذلك تماما يعنى خد عندك واحد له قطعة ارض فضاء جوارى كل يوم يرمى فيها كيس زباله وبقوله كده عيب هو يقول دى ارضى وانا حر فيها طيب ياسيدى ارضك على راسى لكن تجعلها استنشاق هواء قذر لى انا وما ذنبى مما اضطر كل يوم لحريق كيس الزباله بتاعة المقرف ولان اسلوبى لا يسمحلى بأن اتلفظ الفاظ خارجه فكل ما افعله هو حريق القذاره فقط ............ انت بقى لو مكانى هتعمل ايه تحياتى لحضرتك

المشاركة الأصلية كتبت بواسطة screenplays

متفق معاك و فعلا لما بروح اليكس بحس اني في اسبانيا او اليونان مش عارف ليه و الاسكندرانيه شكلهم حلو و مختلف عن باقي المصريين

كويس ان فى حد حاسس نفس احساسى بس خلى بالك انا شايف ان فى ناس بدأت تشك فيك ..... هو احنا بنتكلم فى حاجه غلط ولا بنقول حاجه عيب ولا ايه بالظبط . تحياتى لحضرتك