انا كرهت اسكندريه فعليا

**Screenplays** · 23-06-2012 02:30 AM

معلش يا شنوري

بورسعيد نفس الحال

ربنا يطلعنا من البلد دي قريب

حتي لو علي نقاله

**ahmad--ezzat** · 23-06-2012 02:31 AM

انا فعلا رحت من اسبوع يوم صد رد طلع عين اهلي في الزحمه لا وايه كلت بيتزا هت يعني يوم اسود ومنيل
الله يجازيها بقي

**solyahmed** · 23-06-2012 02:37 AM

ياباشا انت اسكندراني وعارف في الصيف اخرك سان استيفانو ما طولش بعدها علشان حتشوف ما لا يسرك وتكرة البلد ..

**SHNORY** · 23-06-2012 02:41 AM

المشاركة الأصلية كتبت بواسطة screenplays

معلش يا شنوري

بورسعيد نفس الحال

ربنا يطلعنا من البلد دي قريب

حتي لو علي نقاله

ربنا يصلح الحال
يا بالزوق يا بالعافيه
لان الوضع الحالي ده مينفعش بجد

المشاركة الأصلية كتبت بواسطة ahmed_nubira

انا فعلا رحت من اسبوع يوم صد رد طلع عين اهلي في الزحمه لا وايه كلت بيتزا هت يعني يوم اسود ومنيل
الله يجازيها بقي

طيب كنت قولت انك جاي ياعم علشان استناك في مدخل البلد اسلم عليك

المشاركة الأصلية كتبت بواسطة solyelissa

ياباشا انت اسكندراني وعارف في الصيف اخرك سان استيفانو ما طولش بعدها علشان حتشوف ما لا يسرك وتكرة البلد ..

والله مكنتش متوقع ان المنظر حيكون كده يا باشا
مش في دماغي ان النهارده الجمعه
ولما لقيت الكورنيش سالك من اوله قولت اكيد حيفضل سالك بس كانت خدعه

**me_medoo** · 23-06-2012 02:52 AM

يخرب بيت شيطانك ياشنوري ده انا كنت لسه داخل القسم الاجتماعي اعمل موضوع أنا كرهت أم القاهرة بضواحيها ... ههههههههههههه لسه النهردة على الدائري الدائري ياراجل يا مؤمن ... الوصلة الجديدة بتاعت المريوطية جي أخود غرزة من بين التريلات لقيت ميكروباص تيرامكو داخل عكـس في وشي لولا ربنا ستــــــــــر ... كورنيش المعادي ياراجل يامؤمن تريلة داخلة عكـــــــــــــــس أمام مستشفى القوات المسلحة والمحكمة الدستورية العليا ... يالهوووووي يالهوووي ... أيه ده أيه التخلف دهووووو ... هيا خلاص بقت ميغااااا قوي للدرجادي ... يعني البهيم الي ماشي عكس فوق وصلت الماريوطية أمووت وأفهم هينزل منين هو في فتحة غير بعد عشرين أو 25 كيلووو يعني هيمشي عشرين كيلوو عكس علشان ينزل على الصحراوي ... ده أيه أم التخلف دهو ... على المحور من يومين ... ماشي على سرعة 65 والمدام والعيال راكبين معايه فجئة لقيت دبببببب وصوت عيال بتوقع ... لقيت موتسيكل صيني خبط بيا في أكصدام الهونداي الجديدة من ورى وقام مدلوق هوا والي معاه كان مركب تلاته أزاي هقولك معرفش يعني أربعه أدلقوا على الاسفلت هههههههههه أقسم بأية الله أني ماعملتلهم حاجة ده انا ماشي في حارة البطيئ أقصى اليمين وعلى أقل من مهلي بس أزي خبط في ديل العربية معرفش خدت بعضي ومشيت ... وانا مال أهلي بيه . أظاهر حد من العيال الي راكبين وراه زغزغ السواق ولا حاجه فرزع في ضهر عربيتي وانا ماشي في حالي .

حاجة بقت تفلق بجد بجد ... أيه القرررررررررف الي احنا بقينا عايشين فيه ده ... والي يغظني أني بقالي فترة كبيرة مبشوفش غير كام عسكري ياعيني يتيم وقاعد في الكوشك بتاعو ... أو أشوف بوكس بيتفسح بقالي فتره مشفتش لجنة ولا شفت عربية أتاري ... وبقول لنفسي هيا الشرطة راحت فين أختفت فين ... تكنش نقلوهم أسكندرية يصيفولهم يومين ولا حاجة ... ده حتى البنوك مبقتش الاقي عليها عسكري الحراسة جمب المكنة ولمن سئلت عليه قالولي يمكن راح الحمام ولا حاجة .. أو تلاقيه قاعد مستخبي جوه ... مستخبي جوة !!! تمويه يعني ولا خايف يادي الخيبه يادي الوووكسة يادي الكسوف ... عسكري يخاف يقعد بره جمب مكنة البنك ... ده انا لو جبت مررررررره مرأة هتوقف تحمي البنك والي بيصرفوا من المكنة طول الليل وميتخفش عليها ... الا يا شنوري يا خويا في بوليس عندكم في الاسكندرية ولا زي حالتنا كده عايشين بالبركة ... وببركة دعى الوالدين ... ولا يمكن راحوا من عندكم يصيفوا في مرينا ... مهزلة مهزلة مهزلة ... البلد بقت قمة في المهزلة وقمة في المســــخرة ... ده انا بقيت اكره اطلع بره البيت في شحاتين عند الحصري وعند ميدان مجدة يعني طريق بيتي وانا طالع وانا رايح أنشالله حتى طالع اجيب كيلو لبن ولا بجنية فينو للبيت الاقيها في وشي ووالنبي ياعمو ونبي ياعمو ... وكل مره أزعقلهم واقولهم ارحموني بقه انا بيت هنا يا ولاد التيت أحفظو العربية بقه ولا أقولكم خدو مني مره كل شهر هو انا ما وريش غيركم كل يوم هتستلموني .... حاجة بقت تفلق ... حاجة تقهر حاجة تغييييييييييييييييييظ ....

ومن قيمت أسبوع كنت راكب انا والمدام قلت أخرج معاها شوية نغير جو وقاعدين نتكلم وسبحان الله النقاش ولع بينا وبصيت لقيت ديييييييييب على القزاز ... واحنا واقفين على أشارة ماجدة ... وشلة الشحاتات قاعدين بيسنفروا العربية ووالنبي ياعمو ادينا حاجة .... والنبي جنية ياعمو ... وانا قمت متنرفز عليهم حتت دين نرفزة والبت بتقول وحياة الامورة الي جمبي (قصدهم على مراتي ) قلتلهم أموره أيه وقرف أيه بلا أمورة بلا قررررررررررررف ... شيلو ايدكم من العربية يولاد التيت أنتو كل ما تشوفوني تسمعوني نفس الاسطوانة ...

المهم الاشارة فتحت ... وبعيد عنك انا مخدتش بالي اني صوتي كان عالي وقلت بلا أمووووووورة بلا قرف ... ومراتي بقة أستلمتني أنا قرررررررررررف انا قررررررررف فظحتني قدام الناس ... تقول عليا انا قرررررررف هيا دي أخرتها طلقني ههههههههههههه ... وقعدت الخناقه دي بينا ... لغاية مالمت شنطة هدومها من البيت وخدت العيال وراحت لبيت ابوها ... وعلى تيلفونات واتصالات وانا اسف ومكنش قصدي ... واسبوع وحياتك ياشنوري ... لغايت معرفت اصلاحها وكلوا بسبب الشحاتين الي بقو مقررين علينا في الروحة والجية .... وحسبي الله والنعم الوكيل في اللي خلفهم ورمهوملنا علشان نصرف عليهم ويقرفونا ويقرفوا الي جابونا ... في الروحة والجية ... بفكر اخطف العيال ولاد الشمامة دول واروح الجيزة عند جنينة الحيونات واقوم من وانا في لاالعربية أقوم حدفهم من فوق السور واحدة أمو عبايا سمرة في قفص الاسود واخوتها وولاد عموهم واحد في قفص النمور وواحد في بيت الزواحف والتاني في ترعة التماسيح او بيت الضباع ... أهو نخلي الحيونات تتغذى شوية ... وترم عضمها .
هههههههههههههههههههه
@@@@@@
وتحياتي

**SHNORY** · 23-06-2012 02:59 AM

المشاركة الأصلية كتبت بواسطة me_medoo

نغير جو وقاعدين نتكلم وسبحان الله النقاش ولع بينا وبصيت لقيت ديييييييييب على القزاز ... واحنا واقفين على أشارة ماجدة ... وشلة الشحاتات قاعدين بيسنفروا العربية ووالنبي ياعمو ادينا حاجة .... والنبي جنية ياعمو ... وانا قمت متنرفز عليهم حتت دين نرفزة والبت بتقول وحياة الامورة الي جمبي (قصدهم على مراتي ) قلتلهم أموره أيه وقرف أيه بلا أمورة بلا قررررررررررررف ... شيلو ايدكم من العربية يولاد التيت أنتو كل ما تشوفوني تسمعوني نفس الاسطوانة ...

ههههههههههههههههههههههههه ههههههههههههههههههههههههه هههههههه
ههههههههههههههههههههههههه ههههههههههههههههههههههههه هههههههه
ههههههههههههههههههههههههه ههههههههههههههههههههههههه هههههههه
ههههههههههههههههههههههههه ههههههههههههههههههههههههه هههههههه
ههههههههههههههههههههههههه ههههههههههههههههههههههههه هههههههه
الله يخربيت فقرك

**me_medoo** · 23-06-2012 03:21 AM

هههههههههههههههه حبيب قلبي يا شنوري. اعمل ايه بس زلت لسان اليعال مساكين حتت زفرة ومعفنة بيسنفروا بيها العربية. ومكنش قصدي اني اغلط في مراتي .... وبتنرفز قوي لمن الاقيها بتفتح الشنطة وتديهم ، وبقولها لا اووووعي تشجعيهم اوعي تديهم كل ما الناس تديهم كل ما يكتروا وتلاقيهم جابو قرايبهم وجيرانهم يوقفوا معاهم ويعملوا شيفتات .... ايش حال كنتي معايه. واحنا بنشوفهم بينزلوا من نص نقل دبابة شوفرلية حمرة اقسم بالله قدام عنيا واعدم عيالي لو كنت بكزب عليك اقسم بالله العلي العظيم شايفهم محدش قالي وهما بينطوا من عربية نص نقل حمرة شوفرلية الدبابة وكانوا كمية شحاتين قاعدين في الصندوق ورى

ومتقليش كانوا طالعين فسحة .... المهم بمناسبة الفسحة وحرقت الدم اخبار الاسكندرية ايه اصلي بفكر اخود المدام والعيال واوديهم افريكانوا وبالمره نعدي على الاسكندرية شوية. مع اني خايف من حتت القرود الي بتتنطط على العربية دي. ... ده انا لوشفت قرد نط فوق السقف ممكن انزل اقتلوا. ولا استنى اول ماينزل. من على العربية واقوم مديها مرشدير وادوسوا هههههههه

صحيح مفيش حاجة زي الاستيكر الابيض بتاع الفبريكة احطو على العربية علشان متتجرحش

@@@@@@@@@@@@@@@@@@@@@@@@@@@
ههههههههه حبيب يا مظهر. ده انا عندي خراج في قلبي ااااه. لو اقدر افتحوا. ....... ياه خلوني ساكت. علي بشوفوا. ده انا هنفجر من حال البلد ههههههه. وسامحني يا مظهر يا حبيبي. زلت كي بورد ياباشا

**SHNORY** · 23-06-2012 03:34 AM

وكرهت ام العربي بسببك يا اخي
هههههههههههههههههههههه
يا عديم اللغه

-

الموضوع: انا كرهت اسكندريه فعليا

LinkBack

أدوات الموضوع

عرض

-

-

-

-

-

-

-

المواضيع المتشابهه

عايز اعرف الوان الميجان 2 الى نزلت بيها وموجوده فعليا فى السوق

مساعده من اهل اسكندريه عن اماكن البيع في اسكندريه

اختبار الماتريكس فعليا

عايز مساعدة لو سمحتم من ناس مجربة فعليا , اشترى 316 مو 82 و لا لأ ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة