عرض للطباعة
كنت اول امبارح بلعب في العربيه قلت اغير البوجيهات جبت المفك و مكدبتش خبر و فكيت البوجيهات لقيت عليهم زي طبقه كده لونها بني موجوده علي الجزء الابيض من البوجيه اللي هو بيبقي متوصل بالسلك مكنتش اخد بالي ان في بقعه كبيره عند اول بوجيه ناحيه اليمين و علي فكره انا عندي كمان في دخنه بتطلع من الشكمان بس ده مظهرش غير لما غيرت الزيت المهم انا صورت الموتور عشان لو حد يعرف يفيدني الصوره في مش عارف ارفعها بس هس في الرابط ده : 2mbxq.jpg at Free Image Hosting
البقعة دي جايه من تسريب زيت من خرطوم الفايظ اللي في الصورة جنب البقعه
انت محتاج تتأكد ان الخرطوم سليم و مش مقطوع ولو سليم يبقي محتاج تركبه كويس او تركب عليه أفيز عشان يحكمه و ميخرجش زيت
بالنسبة للطبقة اللي لقيتها علي طرف البوجيه فدي سببها سقوط الزيت ده علي سلك البوجيه و اكيد موسخ طرف السلك و طرف البوجيه و لازم تشوف حل لزيت اللي بينزل زي مقلتلك فوق لو حتي تغير الخرطوم لو مقطوع و تنظف أطراف سلوك البوجيهات لو لقيتها مجنزرة و مش بتلمع و نظيفة لأن لو فضلت مش نضيفة بتعمل عازل و مش بتخلي الشرارة تتنقل مضبوطة للبوجيهات و بالتالي بؤثر علي كهرباء المحرك و البتالي علي أداؤه
الف الف شكر ايهاب باشا والله انا مش عارف ارد افضالك عليا ازاي انا كنت مرعوب عشان انا كنت مفكر اني كده هاعمل عمره او اغير الموتوراقتباس:
المشاركة الأصلية كتبت بواسطة ehab_mansour
عمره !!!!!!!!!!! ليه هو انت فيه مشكلة ايه عندك بخلاف اللي في الصورةاقتباس:
المشاركة الأصلية كتبت بواسطة mahmoudayman
هل الزيت بينقص؟
هل الموتور مش مضبوط ؟
ياريت توضح محتمل يكون فيه حاجه وانت مش واخد بالك
هو مفيش حاجه بس غير دخنه كده لما احرق جامد و انا واقف يعني اجيب 5000 لفه و اسيب بنزين دخان قليل اوي يطلع و بعد كده مفيش حاجه العربيه تمشي زي الفلاقتباس:
المشاركة الأصلية كتبت بواسطة ehab_mansour
لو أداء العربية تمام و مافيش مشكلة يبقي كبر مخك لأن غالبا العيب هيكون كهرباء (بوجيهات او سلوك مجنزرة و ضايعه) او رشاشات مش نضيفة و أنصحك لو تعرف تعمل زي محمد سيد و تفك طقم الرشاشات و تنظفه و تحاول تنظف أطراف سلوك البوجيهات من ناحية الموبينة و من ناحية الموتور و لو حالتها سيئة قوي غيرها بأخري جديدة لأنها موجوده و منتشرة و فيه منها انواع كتير ولكن حاول تشيل اي سبب يخليها تتوسخ تاني او تبوظ قبل ما تغيرهااقتباس:
المشاركة الأصلية كتبت بواسطة mahmoudayman
الف شكر يا باشا