الموضوع: المشكله دي ايه سببها و ايه حلها

البقعة دي جايه من تسريب زيت من خرطوم الفايظ اللي في الصورة جنب البقعه
انت محتاج تتأكد ان الخرطوم سليم و مش مقطوع ولو سليم يبقي محتاج تركبه كويس او تركب عليه أفيز عشان يحكمه و ميخرجش زيت

بالنسبة للطبقة اللي لقيتها علي طرف البوجيه فدي سببها سقوط الزيت ده علي سلك البوجيه و اكيد موسخ طرف السلك و طرف البوجيه و لازم تشوف حل لزيت اللي بينزل زي مقلتلك فوق لو حتي تغير الخرطوم لو مقطوع و تنظف أطراف سلوك البوجيهات لو لقيتها مجنزرة و مش بتلمع و نظيفة لأن لو فضلت مش نضيفة بتعمل عازل و مش بتخلي الشرارة تتنقل مضبوطة للبوجيهات و بالتالي بؤثر علي كهرباء المحرك و البتالي علي أداؤه

المشاركة الأصلية كتبت بواسطة mahmoudayman

الف الف شكر ايهاب باشا والله انا مش عارف ارد افضالك عليا ازاي انا كنت مرعوب عشان انا كنت مفكر اني كده هاعمل عمره او اغير الموتور

عمره !!!!!!!!!!! ليه هو انت فيه مشكلة ايه عندك بخلاف اللي في الصورة
هل الزيت بينقص؟
هل الموتور مش مضبوط ؟
ياريت توضح محتمل يكون فيه حاجه وانت مش واخد بالك

المشاركة الأصلية كتبت بواسطة mahmoudayman

هو مفيش حاجه بس غير دخنه كده لما احرق جامد و انا واقف يعني اجيب 5000 لفه و اسيب بنزين دخان قليل اوي يطلع و بعد كده مفيش حاجه العربيه تمشي زي الفل

لو أداء العربية تمام و مافيش مشكلة يبقي كبر مخك لأن غالبا العيب هيكون كهرباء (بوجيهات او سلوك مجنزرة و ضايعه) او رشاشات مش نضيفة و أنصحك لو تعرف تعمل زي محمد سيد و تفك طقم الرشاشات و تنظفه و تحاول تنظف أطراف سلوك البوجيهات من ناحية الموبينة و من ناحية الموتور و لو حالتها سيئة قوي غيرها بأخري جديدة لأنها موجوده و منتشرة و فيه منها انواع كتير ولكن حاول تشيل اي سبب يخليها تتوسخ تاني او تبوظ قبل ما تغيرها