ربنا يسامحك يا me-medo

**ghostmido** · 24-06-2012 01:01 PM

المشاركة الأصلية كتبت بواسطة ahmedeihab

ههههههههههههه و انا اؤيد الكلام ده يا ميدو

عايزين طراوه لانها ناشفه زى المستشفى ههههههههههههههههههههههه

^_^

ههههههههه
ياريت لو ميدو يطلع جدع ويديهم اللينك بتاع الاينبوكس بتاعى علشان مايكونش الكلام انبابليك.
ههههه اموت انا واعيد السنة.
ايه رايك فى الانجليزى الميكسر بتاعى.
اول انجليش اوول زا تايم.
ههههههههه

**ahmedeihab** · 24-06-2012 01:10 PM

المشاركة الأصلية كتبت بواسطة ghostmido

ههههههههه
ياريت لو ميدو يطلع جدع ويديهم اللينك بتاع الاينبوكس بتاعى علشان مايكونش الكلام انبابليك.
ههههه اموت انا واعيد السنة.
ايه رايك فى الانجليزى الميكسر بتاعى.
اول انجليش اوول زا تايم.
ههههههههه

هههههههههههههههههههه وندرفوووول :d:d:d

عنجليزى عنجليزى يعنى

و ياريت يا ميدو لو تعمل واجب معايا انا كمان و تديهم رقم الفون

متقلقش ده سهل جداااااا

هتدخل على القسم بتاعنا و هتجيبه عادى جداااااا

لحسن الحياه ناشفه ناشفه ناشفه اما الواحد ريقه نشف هههههههههههههههه

و احنا هنا كلنا دكوره فى دكوره ههههههههههههههههههههههههه ه

قلبنا الموضوع للراجل ههههههههههههههههه

^_^

**ghostmido** · 24-06-2012 01:26 PM

المشاركة الأصلية كتبت بواسطة ahmedeihab

هههههههههههههههههههه وندرفوووول :d:d:d

عنجليزى عنجليزى يعنى

و ياريت يا ميدو لو تعمل واجب معايا انا كمان و تديهم رقم الفون

متقلقش ده سهل جداااااا

هتدخل على القسم بتاعنا و هتجيبه عادى جداااااا

لحسن الحياه ناشفه ناشفه ناشفه اما الواحد ريقه نشف هههههههههههههههه

و احنا هنا كلنا دكوره فى دكوره ههههههههههههههههههههههههه ه

قلبنا الموضوع للراجل ههههههههههههههههه

^_^

بس خلى بالك الرجاله احيانا ارحم كتير من الجو بتاع البامبرز وكده.
هههههههههه كبيره هايكلمك على قطونيل والجانجا.
ههههههه

**azmeralda** · 24-06-2012 01:38 PM

اريد تفسير لحديث ام زرع والنسوه العشره الاخريات ؟ - تمت الإجابة عنه - Google إجابات

ده حديث من السيدة عائشة للرسول عليه الصلاة والسلام عشان كل رجل يتعلم يحتوى مراته ويسمع حكاويها مهما طالت او كانت تافهة من وجهة نظره

والرسول كان داعية شايل هم دين عظيم وقائد دولة وبيدخل حروب يعنى مشغول اكتر من اى رجل والمفروض انه قدوتنا

واللى يفكر يقو ل اما تبقى مراتى زى السيدة عائشة الأول ابقى احاول اقلد تصرفات الرسول والصحابة يبقى مش فاهم دينه ويحاول يروح يتعلم ويفهم قبل ما يتجوز

**ahmedeihab** · 24-06-2012 01:47 PM

المشاركة الأصلية كتبت بواسطة ghostmido

بس خلى بالك الرجاله احيانا ارحم كتير من الجو بتاع البامبرز وكده.
هههههههههه كبيره هايكلمك على قطونيل والجانجا.
ههههههه

ههههههههههههه انا و الله كنت بتكلم و مشوفتش موضوع التوتا ده هههههههههه ال توتا ال

بس لما شفت الموضوع

اقدر اقولك يا ميدو لو الاشكال اللى جايه بلمنظر ده يبقى موتك هيبقى على ايدى

احنا عايزين حاجه كده زى

دلع هيفاء ( يخرااااااااابى )

جمال لاريسا ريكيلمى ( يلهوووووووى )

اقول ايه ولا ايه يا عم الواحد بيشوف الناس دى و يبص على اللى يعرفهم يحس انهم مش بنى ادمين

ده انا بعد لاريسا قلت انا كنت اعرف واحده اول ما تقعد على الكنبه الكنبه بتطلع تجررررررررى

^_^

**me_medoo** · 24-06-2012 07:11 PM

ماهو أنتو المشكلة معندكمش أستيعاب للمرأة
وتبقوا قاعدين وتقول أبعت يارب ... وأول مربنا يبعت تقعدوا تطفشوهم ... بدل ما تستوعبوهم وتضموهم لأسرة نايل موترز ... مش عاوز أقولكم أن أحيانا بتبقى قاعد في وسط نسوان وتطلب معاهم جو عياط وتعديد ... انا عن نفسي بقوم ساحب علبة مناديل كلينكس وأقعد أعيط وأعدد معاهم ههههههههههههههه المشاركة حلوة

هو المرأة أيه غير أنها أنسانة محتاجة واحد يطب طب عليها ويحتويها ويفهمها ... طبعاً أحنا كمعشـر الرجال لوقعدنا من هنا للسنة الجية لايمكن نفهمهم أبداً ... لأن دول مبيتفهموش ... ولا يمكن تفسـير تفكير المرأة نهائي المتقلب أو أحتياجتها ... بس الرك فيه أيه يا معلم أنك تعمل نفسك فهمها وتهز دماغك وتقولها ياسلالالالالالالالالالام أيه الحلاوة دي أيه القمر دهو أيه الكلام المفيد والحكيم دهو ... ده أنتي مفيش منك ... ده انا مش شايف في الدنيا غيرك ... ياريت كل الستات مصر كده زيك ... ده أنتي ست الستات ... بس كده والكلمتين دول (سرهم باتع ) ... وحتى لو مكنتش متجوز في علاقتك مع والدتك مثلاً بشوف بعض الشباب يقعدوا يناطحوا ويتخانقوا مع ولدتهم ... وينسوا انها أمرئة ... محتاجة كلمة حلوة ... ويا أخي قولها حاضر وطيب ومن عنيا ياست الحبايب ياسلام ده أنتي تأمري أمر هخو انا ليا مين غيــــــــــرك ... وفي النهاية أعمل الي أنتا عاوزوا ... بس ريحها يا أخي ... وحسسها ان كلمتها مسموعه ... انا طول عمري أمي تقولي أنتا سووووسة ... بتثبتني بكلمتين وأتفاجئ أن بعد سنة ولا سنتين أنك عملت الي في دماغك برضوا ... وبتدحك عليا وتقولي حاضـر ... ماهو انا مبخدش منك غير كلمة حاضر ههههههههههههههه

فا أنا عن نفسي بقول حاضـــــــــــر وبعمل الي بيريحني ... بس هيا كلمة حـاضر بتريح ... وبتعامل مع أي أمرأة كطفلة صغيرة ... وبخودها على قد عقلها ... حتى لو كانت عميـــــدة كلية جامعة فرانك فورت ... ولا صاحبة الشـركة الي بأشتغل فيها ...

لكن انا بتفاجئ من شباب ... بيستخدموا طريقة قديييييييمة قوي طريقة عافى عليها الزمن وأكل عليها الدهـر وشـرب ... أنهم يشوفوا أمرأة يقوم يهاجمها أو يسخر منها بدون اي سبب ... قال أيه القط مبيحبش غير خناقوا ويعتمد طريقة ومذهـب أنو عدو المرأة ، قال يعني المرأة هتحبوا ههههههه... علشان تبتدي المرأة تجري وراه وتقول هو ليه عدوي هو انا مش جميلة ولا أيه ... هو ليه بيعاملني كده طب خليني اتقرب منو وأكسـب قلبوا وتبتدي تجر ناعم معاه .

فخلاص ياشباب بطل الكلام دهو ... وأستخدموا بقه طرق جديدة ومبتكرة ... ومتتفرجوش على أفلام عربي قديمة كتير ... لأن الافلام دي أبيض وأسود وأنتهت .وحاولوا تكسبوا ثقة وحب وأحترام المرأة وتحسسها أنك رجل وشريك يمكن الاعتماد عليه ... مش أنك عدو للمرأة وبتنتقد المرأة .

وجود المرأة في أي مكان بيعطي للمكان لمسة خاصة وطابع جميل فعلى مستوى أوضتك أو مكتبك ... أنا مثلاً مبحبش حد يخش اوضة المكتب بتاعي ولا يرتبلي اوراقي ... لا أمي ولا أختي ولا زوجتي ... وبالذات التالته دول الي بيحبو يدعبسو في كل ورقة ... وياسلام لو لقو أسم بنت عندي او نمرت بنت في أجندت التيلفونات ... يا سلالالالالالالام مين دي وتعرفها منين وعاوز منها أيه يا جماعة دي عميلة عندنا في الشركة ... لالالالالالالالا أكيد في حاجة بينك وبينها .... هههههههههههه
طب قولي أعملهم أيه فبقيت حاطط باسورد على موبايلي وكمبيوتراتي وبقفل أوضة المكتب وممنوع أي حد يخشها علشان حبت السخفات الي زي كده ... ومع ذلك لو فرضاً مراتي دخلت روقت أوضت المكتب ...ياااااااااااااه يا أخي ورغم أني بدوخ على ورقة رميها هنا ولا هنا ومبقاش عارف راسي من رجليا ... الا أني بحس ان طعم الاوضة كلها أختلفت ... وأحس باللمسة الؤنثوية جوه الاوضة وان المكتب ده مش مكتبي ... وأختلف ميه وتمنين درجة على مستوى النظافة والترتيب ويفتح النفس كده للشغل ... فما بالك المنتدى عندنا هنا ... برضو وجود العنصر الؤنثوي ومشاراكات المرئة بيحسسك بطعم غير للمنتدى ... ويفتح النفس كده للواحد أنو يشارك (مش يهاجم ) وأهو تغير جو لمواضيع الشكمنات والزيوت والشحوم والرفارف هههههههههه .

وحتى على مستوى الشغل انا كنت أول واحد ضدد عمل المرأة أو وجودها في الشركة ... لغايت ماشفت تأثير سوسن ومنى السكرتيرة الي بتشتغل في الشركة الي جمبنا على العاملين في المنشأة عندنا هههههههههه

وفعلاً من بعدها قلت لأ وفعلاً عينا العنصر النسائي في الشركة والشركة أختلفت 180 درجة حد هيقولي أزاي .. هقولك أولاً نسبة الغياب قلة في الشركة ... الشباب الي كانوا بيجوا مبهدلين والي جيلي ودقنو طويلة زي بابا نويل والي جيلي وشعرو متنعكش والي جيلي ومش غاسل وشو الصبح ... والي داخل عليا وريحة عرقوا يامشالله يا مشالله تقلش صنان معيزززز ... وحاجة أعوذ بالله تخنق ... لدرجة ركبنا جهاز معطـر الي بيشتغل بالبطاريات في كل ممرات الشركة كل نص ساعه يديك بخه ههههههههههه ... والي داخل الشركة وجزمتو مش متلمعة ويقعدولي ورى المكاتب وهما لابسين شباشب زنوبة ... قال ايه صوابعي بتوجعني ... كل ده أختلف تماماً بمجرد ما أصبح في عنصر نسائي في الشركة وريحة البرفنات أشتغلت ... ده حتى الفراش مبقاش يجي الشركة غير وهو على سنجة عشرة وبقه يحلق دقنوا كل يوم وبقه يلتزم باليونوفروم ... ومبقتش اشوف القمصان المكرمشه دي أبداً كلو مكوي وقميص جوا البنطلوم ... طبعاً ده غير رفع الروح المعنوية للعامليين ... والنشاط والحيوة الي زادوا عندهم ... فوجود العنصـر الناعم مهم جداً في الحياة العامة فما بالك في المنتدى ... فانا شايف أن موضوع النونو أو التوتو مهم جداً وكان يجب فتح باب النقاش فيه بدل أغلاقه ههههههههههههه لأهميته في حياة كل أسـرة مصـرية في المجتمع المصـري

@@@@@@@@

بس انا الي دايقني بجد
هو أنهم كانوا بيعملو دي لايك لكل عضو يشارك
فمنين عاوزين الاعضاء يحترموا موضوعكم
ومنين مبتحترموش مشاركة الاعضاء

@@@@@@@@@@@

لكن هو كموضوع موضوع مهم جداً وموضوع جميل
هههههههههههههههه
وتحياتي

**Screenplays** · 24-06-2012 07:37 PM

فا أنا عن نفسي بقول حاضـــــــــــر وبعمل الي بيريحني ... بس هيا كلمة حـاضر بتريح ... وبتعامل مع أي أمرأة كطفلة صغيرة ... وبخودها على قد عقلها

طريقه ممتازه و بستعملها شخصيا بس احيانا بتسبب تصادمات

**windofchange** · 25-06-2012 03:27 AM

خسارة فاتني موضوع التوتو والنونو ياميدو بس كلام جميل ومفيد اكيد وربنا يجزيك خير ياباشا

**me_medoo** · 25-06-2012 03:53 AM

المشاركة الأصلية كتبت بواسطة windofchange

خسارة فاتني موضوع التوتو والنونو ياميدو بس كلام جميل ومفيد اكيد وربنا يجزيك خير ياباشا

هههههههههههههههههه
خسارة بجد ان الموضوع بتاع البنات ده اتحذف ده كان المفروض يثبت فوق للافادة العامة ههههههه
وعلشان كل الاعضاء يستفيدو من موضوع النونو والتو تو ههههههههههه
الا محدش يعرف مين احسن واحد بيبيع توتو في مصر
هههههههههههههههه