تجميع جهاز كمبيوتر مكتبى

**1.8Tee** · 21-06-2008 12:06 PM

ان شاء الله فى خلال اسبوعين - ثلاثة اسابيع هجمع كمبيوتر مخصص للالعاب و مشاهدة الافلام و الاستماع للموسيقى. الميزانية 6000 جنية مبدئيا من غير شاشة.

انا استقريت على معظم المكونات بس كنت عاوز رايكم لو فى مكونات اخرى افضل او جديدة هتنزل ولو الاسعار هترخص قريب.

المكونات:

motherboard : GIGABYTE P35-DS3R rev 2.1

Processor: Core2Duo E8400 3.0 GHz/1333

Ram: 2x1GB kingston bus 800

VGA: Gigabyte 8800GTٍٍS 512mb G92

Hard disk : western digital 750 GB 32mb buffer

Case: Gigabyte 3d aurora 570

اية رأيوكوا فى المكونات ؟.

ياريت يا جماعة محدش يقول consoles عشان انا مبحبهمش.

سوال اخير, حد يعرف شاشات ال 22 بوصة بمخرج HDMI تعمل كام و شكرا.

**NaderNabil** · 21-06-2008 12:15 PM

هو ليه الرامات قليله؟ ولا ده نوع جديد؟

اصل طالما الميزانية عاليه...يبقي حط 4 جيجا رام احسن...في لعب بتبقي مقرفة في الموضوع ده

بس الجهاز جامد طبعا ولو اني ماكنتش فاكر انه يوصل لل 6000 أبدا

**Nile_Storm** · 21-06-2008 12:26 PM

مادام الميزانيه كبيره يبقي فكر في بروسيسور core 2 quad
8 ميجا كاش او 16 حاجه ايه رهييييييييييييبه

**1.8Tee** · 21-06-2008 12:34 PM

هما 2 جيجا يا نادر.

اصل انا هستخدم XP مش Vista فال XP مبيقراش غير 2 جيجا....اكثر من كدة مفيش فرق يذكر او هيحس بيهم. عشان ال XP 32 bit بس اعتقد فى نسخة من ال XP 64 bit ممكن تحس بال 4 جيجا لكن فيها مشاكل.

ياريت لو فى حاجة غلط حد يصححلى المعلومات :).

دة انا كمان حاسس انة هيعدى 6000 و من غير شاشة كمان.

**NaderNabil** · 21-06-2008 12:37 PM

جديد موضوع الفيستا والاكس بي ده

عموما كويس انك هاتستعمل اكس بي...يغور الفيستا :)

و لعلمك انا حاسس انك هاتقفل الحاجات ديه ب 4000 مثلا و يمكن أقل كمان...و الحق هاتهم دلوقتي عشان في الصيف الاسعار بتتجنن عشان الاجازات

**mshamy** · 21-06-2008 12:44 PM

أعتقد ان اللي ممكن يعلي التكلفة هو كارت الشاشة و بعدين الشاشة ال HDMI 22 Inch
بس ممتازة المواصفات عموما
مبروك مقدما :)

**SEATLOVER** · 21-06-2008 01:01 PM

كل الكلام اللى اتقال لحد دلوقتى مظبوط
بس الجهاز دة مايعديش 4.5 ج

واليك الاقتراحات
حاول تقلب الموضوع كلة Geforce مع بريسسور core 2 Quad وتستخدم فيستا عشان توصل بالرامات ل 4
وكارت الفيجا خلية 1 G
وهات هاردين احسن من هارد واحد
واحد بيتحرك و التانى ترمى علية الداتا بس
والمواصفات دى فى الانيتل تعمل حوالى 6.5 الف ج

ونصيحة اخيرة فكر فى ال AMD الجديد اعلى من الانيتل فى الجرافيكس كتير جداً و بنستخدمة فى شغلنا فى التصميمات وبصراحة ممتاز ولة تكنولوجى تبريد عالية جداً دلوقتى
ممكن يعمل بنفس المواصفات فى حدود 7 الف ج

**1.8Tee** · 21-06-2008 01:04 PM

المشاركة الأصلية كتبت بواسطة Nile_Storm

مادام الميزانيه كبيره يبقي فكر في بروسيسور core 2 quad
8 ميجا كاش او 16 حاجه ايه رهييييييييييييبه

ال core 2 quad المتاح للميزانية بتاعتى هو ال q6600, ودة قديم و بيستهلك كهرباء و بيسخن جامد عن ال e8400 .كمان ال e8400 جديد و أسرع منة تقريبا فى كل حاجة....كمان لسة مفيش لعب كثيرة بتستفيد من ال quad core... سمعت عن واحدة بس.كلة متصمم عشان ال dual core . ال quad core مفيد لو هتعمل multi tasking ....تلعب لعبة و virus scan و تسمع اغانى و تتصفح الانترنت....كل دة فى نفس الوقت :).

حاجة اخيرة ال q6600 هو ال quad core الذى مشهور فى مصر و دة 8 ميجا كاش زى ما قلت بس كل core بتاخذ 2 بس عكس ال e8400 و دة 6 ميجا كاش بس كل core بتاخذ 3 على ما اظن .

المشاركة الأصلية كتبت بواسطة NaderNabil

جديد موضوع الفيستا والاكس بي ده

عموما كويس انك هاتستعمل اكس بي...يغور الفيستا :)

و لعلمك انا حاسس انك هاتقفل الحاجات ديه ب 4000 مثلا و يمكن أقل كمان...و الحق هاتهم دلوقتي عشان في الصيف الاسعار بتتجنن عشان الاجازات

يا نادر دة كارت الشاشة لوحدة ب 2500 :).

**TaoTao** · 21-06-2008 01:15 PM

المشاركة الأصلية كتبت بواسطة Mohamed_SlvrLan99

هما 2 جيجا يا نادر.

اصل انا هستخدم XP مش Vista فال XP مبيقراش غير 2 جيجا....اكثر من كدة مفيش فرق يذكر او هيحس بيهم. عشان ال XP 32 bit بس اعتقد فى نسخة من ال XP 64 bit ممكن تحس بال 4 جيجا لكن فيها مشاكل.

ياريت لو فى حاجة غلط حد يصححلى المعلومات :).

دة انا كمان حاسس انة هيعدى 6000 و من غير شاشة كمان.

تمام كلامك، ال XP 32-bit مش هايقدر يقرا ال4 جيجا كلهم (ممكن يقرا لغاية 3 جيجا منهم)، لو 64-bit (سواء XP أو أي نظام تشغيل آخر) هايقدر يقرا ال 4 جيجا بايت بالكامل (يعني المشكلة في نظام التشغيل)
بس لو كدة حاول تجيب ال 2 جيجا شريحة واحدة بدل شريحتين عشان في المستقبل يكون عندك مكان لزيادة الذاكرة
بالنسبة للشاشة 22 بوصة -في رأيي- كبيرة لأن الجلوس على الكومبيوتر يكون على مسافة قريبة (يعني كبر مساحة الشاشة هايكون مزعج وليس ميزة كبيرة لو كان شغلك من قريب) ميزتها لو هاتشوف أفلام من بعيد زي نظام المسرح المنزلي كدة.

ربنا يباركلك وقولنا الأخبار ووصلت لإيه