يا ترى هاتعمل أيه في الموقف ده ؟ 1

عفوا يا بايو-تم نقل موضوعك للمنتدي الاجتماعي بعد افتتاحة
كريم منير-30-4-2007- الساعة 12:27 ظهرا

عندي أكتر من حاله لموضوع الخبط والأحتكاك (الحوادث البسيطه)إللي بتحصل لنا أحيانا في الطريق
وعاوزك وأنت بترد عليا تبقى مـُتخيل الوضع عشان تبقى أجابتك واقعيه

الحاله الأولى
أنت ماشي في أمان الله ومشغل الراديو على محطة نجوم أف أم ومزاجك عال العال
ومره واحده طلعلك شاب خونفس شعره كنيش وقد دماغه سبع مرات (الله يمسيك بالخير يا شطه) راكب عربية ماما والكاوتش والموتور بيصرخوا منه ومن سواقته المجنونه
قوم الواد الفرفور جه من ناحية اليمين وقام معديك زي الصاروخ
قوووووم أيه ؟
قوم أنت أتخضيت وضربت كف على كف وكبرت دماغك وقولت أنا مش هاعمل عقلي بعقل العيال وآثرت السلامه
قووووووم الواد الخونفس بعد شويه ظهر لك تاني عشان كان الطريق قـُدام مقفول والدنيا واقفه خالص
قوم أنت بصيت له بقرف كده وهو أخد باله وبصتك له ماعجبتوش
قوووووم هوه حطك في دماغه وراح مزنق عليك وانت طالع خلاك تحـُك في العربيه إللي على شمالك وسابك وجري
أنت طبعا نزلت تشوف الخساير لقيت الراجل إللي على شمالك إللي أنت حكِتله عربيته طوله مترين إلا خمسه سنتي وعرضه محتاج توب قماش عشان يتفصله قميص
والراجل نازل من عربيته والشرار بيطق من عنيه وبينفخ لدرجة أنك حسيت أنه هايطلع نار من بـُقه
وقابل ما تتكلم رزعلك بأديه الأتنين على كبوت العربيه وقالك "أنا عاوز أشوف إللي أداك رخصه وقالك أمشي في الشارع مع البني أدمين عشان أديله بالجزمه على دماغه ودماغ إللي خلفوه"
((دي كانت أول القصيده)) ههههههههههه
قولنا بقى هاتصرف أزاي مع العملاق الأسمر ده ؟؟؟ (الله يمسيك بالخير يا بروسلي)
وياترى هاتفهمه أنك كنت بتفادي الواد الفرفور إللى كان بيزنق عليك ؟؟؟ ولا هاتعمل أيه؟؟؟؟

الحمد لله عندنا فى حالة زى دى تكلم الشرطة و يجيلك و يقول كام % خطأك و كام % خطأه هو و لو مد ايدة :mrgreen: حتبقى 100% غلطتة و يصلخ عربيتى ببلاش :mrgreen:

اقتباس:

---

الحمد لله عندنا فى حالة زى دى تكلم الشرطة و يجيلك و يقول كام % خطأك و كام % خطأه هو و لو مد ايدة حتبقى 100% غلطتة و يصلخ عربيتى ببلاش

---

لو سمحت عندك فين

اقتباس:

---

قولنا بقى هاتصرف أزاي مع العملاق الأسمر ده ؟؟؟ (الله يمسيك بالخير يا بروسلي)
وياترى هاتفهمه أنك كنت بتفادي الواد الفرفور إللى كان بيزنق عليك ؟؟؟ ولا هاتعمل أيه؟؟؟؟

---

هاضرب تحت الحزام مفيش غير كده
أو يكون معاك سلسة بروسلي وتخبطه علي دماغه
بس الكلام ده بعد ماتحاول تفهمه ولو مفهمش أتصرف بالطريقة السابقة
يأم الواحد يركب من الأول عربية جيب علشان محدش يقرب منه أو عربية فولفو

صديقنا قصده عنده في عـُمان

صديقنا Turbo 911 هو صديقنا "أحمد هيرو" وهو مصري عايش في عـُمان

وأنا واخد منه وعد بعد مايخلص أمتحاناته هايكون متواجد باستمرار ويتحفنا بمعلوماته عن السيارات والتعديلات التي تنفذ عليها

بس أنا عاوز أقولك حاجه يا أبو حميد هو بعد كده هايصلح العربيه على حسابه صح ؟؟؟
طب علاجك هايبقى على حسابه برضه ؟

إيه يا عم هانى :) ههه إنت عملتها و لا دى تصورات :) و تخيلات :)

على العموم إنت لو الواد الفرفور ده ذنقك و إنت حكيت فمتزعلش منى تبقى غلتطك إنك لما ذنق عليك موقفتش

و فرضا إنك خلاص حكيت و إللى حصل حصل ...لو غلتطك أولا حاجة تقدم إعتذار و بالتالى تمتص غضب الشخص الآخر

لو غلطت الآخر إتكلم براحه لأن الخناق مش هايقدم ولا يأخر ...أنا أول ما إستلمت الويرا بعد إسبوع واحد ربنا يكرمه خبط فى الباب بتاعى فى الجزأ إللى بين الباب و الرفرف ......العربية لسه جديدة و أنا بسوق بقالى حوالى 9 سنين و عمرى ما خبط العربية حتى و أنا بتعلم الحمد لله فيوم لما أشترى زيرو تتخبط .......................... :evil: مقولكش أنا كنت هاتجنن أد إيه

بس الحمد لله نزلت بهدوأ و تملكت أعصابى و قولتله حرام عليك إنت لسه نايم ؟ كان الكلام ده الصبح الساعه 7 تقريبا الراجل قالى آسف و الله غصب عنى مخدتش بالى ....أنا كل إللى عملته قولتله توكل على الله و مشيت لآن الحمد لله مأمن فأذيت الراجل مالهاش لازمه و العوض على الله هو صحيح أنا العربية فضلت مركونه فى التوكيل حوالى 18 يوم إستهبال بس تقول إيه عين العربية الجديده و الحمد لله على أد كده :)

اقتباس:

---

وقابل ما تتكلم رزعلك بأديه الأتنين على كبوت العربيه

---

أجرى وسيبه يكمل ضرب فى العربيه

يا حفناوي بقول تخيل تخيل

وأنت يا منير الحل بتاعك 100 100

أنا عن نفسي هاديله الرخصه بتاعتي وأدله على وحدة مرور السلام إللي طلعت منها الرخصه عشان يروح يدي إللي أداني الرخصه بالجزمه على دماغه زي ما قال وأبقى كده أنتقمت من الناس بتوع مرور السلام إللي جايبن لي النقطه دول وابقى خلصت من العملاق ده برضه عشان هايخدلوا 3 شهور حبس لاعتدائه على موظف في مرور السلام اثناء تأدية عمله

انا لو مكانك افضل مركز ف نجوم اف ام والطريق ومبصش لحد من الاول :lol:

يا جماعة لو دة حصل هيبقي الغلطة غلطتي برضة لاني كان -- واة من كلمة كان -- ممكن اصبر لحد ميعدي الخنفوس الصغنون دة. ثم بالنسبة للراجل دة فانت تقريبا انت بتتكلم عن قريني هحاول اهدية وبعدين نتفق علي كيفية التصليح. اما بقى لو مهديش فهتبقى مصيبة. خناقات الوزن التقيل الطويل العريض دية بيروح فيها رقاب واحنا عرفين الشعب المصري وجمالة الهيجي يحوش هيتهرس في النص وفي ناس ولاد حلال بقى تيجي فالزحمة وتضرب وهما مش بينين من الارض اصلا -- حقد بقى-- بس بيبقوا معتمدين انك مش شايفهم فيضربك فالزحمة ويبعد وفالزحمة برضة يلف على التاني-- العدو يعني-- ويديلو -- شلوت-- في قصبة رجلة -- الهيطولها بقى-- ويبعد. ومن جهة اخرى يجيلك واحد ابن .... يقلب الموبيل من العربية ويخلع. اما الناس بتوع اليجي فالريش بقشيش دول فانا مش هتكلم عليهم :evil:

والله يا اخ هانى انا عن نفسى لو الموضوع دة حصل معايا هحاول امتص غضب الرجل الى انا حكيته ولكن لو الموضوع افضى الى ضرب فلازم فى الزمن الاغبر دة تعمل حسابك فى عصاية كوريك او سكينة طويلة فى شنطة العربية وخد بالك لازم السكينة تبقى طويلة ومتسالنيش ليه لان الاخ الى نصحنى بكدة مات فى خناقة قبل ما اسأله...

ملحوظة : انا فعلا كنت شايل فى عربيتى طبنجة صوت و عكاز خشب معتبر فى شنطة العربية و السبب انى كنت بسافر بليل احيانا ومتعرفش ايه الى هيحصل وربنا هوا الستار.

انا اول حاجه كنت بفكر فيها فى المواضيع دى كوريك العربيه بس اخر مره نزلت بكوريك العربيه فوجئت و انا زى ما انتم عارفين طويل و عريض و ضخم و ممكن اخض اللى ادامى كويس بس بقولوكم فوجئت بحيوان طور مالوش حل اطول و اعرض منى بكتـــــــــــــيــــــر اخد الكوريك منى و انا بضربه بيه و اول ما خده انا طبعا جريت (ما هو الناس تقول الف مره جبان ولا مره واحده الله يرحمه دا كان طيب ) و هو بيجرى ورايا لغايه ما لقيت ان المنظر مش لطيف فا وقفت و قولت اللى يحصل يحصل المهم ان فيه ناس من اصحابى كانوا حاضرين الموقف و كله كان بيتفرج و خايفيين يقولوا انهم يعرفونى ..... شفتم الصداقه ههههههههه ----- بس بعنيكم مش هاقولكم ايه اللى حصل لما انا وقفت :oops: :mrgreen:

انا مرة فى واحد كان هيخبط العربية فى شارع المنيل, و كذا مرة يحاول يزنق عليا, المهم اتنرفزت جدا
ركنت العربية بعرض الشارع و نزلت اتخانق, و كان معايا 2 اصحابى
المهم لقيت فى العربية دى بتاع 4 شبان طول بعرض نازلين من العربية, و الاقى اصحابى قاعدين فى العربية بيتفرجوا
هو الحمد لله الموضوع عدا من غير ضرب او حاجة :D
بس المهم بسأل اصحابى, انتم منزلتوش ليه؟
واحد منهم قالى, انت قبل اما تنزل كنت هقلك خلاص مش فارقة و الكاظمين الغيظ و العافين عن الناس و خليك انت الكبير, لكن اما انت نزلت استحمل انت :D

هو ده الصديق وقت الشده

هو لو عمل كده ححاول معاه بالزوق ما نفعش حعلي صوتي عليه شويه لحد ما الناس تتلم و بعد كده اضربه علي وشه قلم واحد بس و الناس حتخش تسلك بعد كده و مش حيعرف يوصلي تاني علشان الناس حتحوشه

برافو مستر بايو حولت الموقف لصالحك بدل ما...... ضربت وايه عصفورين بحجر واحد

رأي لما تكون غلطان الجأ للبوليس علشان البوليس لا هيربط ولا هيحل وبالتالي الحق هيضيع ده لو انت كنت شايف انه لازم تضيع حقه :lol:

كود:

---

[b]روبي:-

هاضرب تحت الحزام مفيش غير كده[/b]

---

ماهو يا دوب أنت هاطول الحته دي هو أنت فاكر يعني هاتقدر تضرب أعلى من كده ؟

كود:

---

[b]أو يكون معاك سلسة بروسلي وتخبطه علي دماغه[/b]

---

ده أنت على كده محتاج سلسله 2 متر وساعتها مش هاتعرف تستخدمها (الله يرحمك يا بروسلي)

كود:

---

[b]بس الكلام ده بعد ماتحاول تفهمه ولو مفهمش أتصرف بالطريقة السابقة
يأم الواحد يركب من الأول عربية جيب علشان محدش يقرب منه أو عربية فولفو[/b]

---

هايجيبك هايجيبك حتى لو راكب "هَمر"
==============================

كود:

---

[b]هيما:-
انا لو مكانك افضل مركز ف نجوم اف ام والطريق ومبصش لحد من الاول[/b]

---

ياهيما أحنا بنقول لو أنت إللي حصل معاك كده هاتعمل أيه ؟

يبقى ياريت تقولنا هاتعمل أيه ؟

=-=============
نادر:-
يا جماعة لو دة حصل هيبقي الغلطة غلطتي برضة لاني كان -- واة من كلمة كان -- ممكن اصبر لحد ميعدي الخنفوس الصغنون دة.
ماهو أنت صبرت وهوه إللي زنق عليك ... يعني أنت ياولداه مظلوم برضه بالرغم من صبرك

ثم بالنسبة للراجل دة فانت تقريبا انت بتتكلم عن قريني هحاول اهدية وبعدين نتفق علي كيفية التصليح. اما بقى لو مهديش فهتبقى مصيبة. خناقات الوزن التقيل الطويل العريض دية بيروح فيها رقاب واحنا عرفين الشعب المصري وجمالة الهيجي يحوش هيتهرس في النص وفي ناس ولاد حلال بقى تيجي فالزحمة وتضرب وهما مش بينين من الارض اصلا -- حقد بقى-- بس بيبقوا معتمدين انك مش شايفهم فيضربك فالزحمة ويبعد وفالزحمة برضة يلف على التاني-- العدو يعني-- ويديلو -- شلوت-- في قصبة رجلة -- الهيطولها بقى-- ويبعد. ومن جهة اخرى يجيلك واحد ابن .... يقلب الموبيل من العربية ويخلع. اما الناس بتوع اليجي فالريش بقشيش دول فانا مش هتكلم عليهم

أنت شكلك مقضيها مشاكل يا نادر هههههه عشان أنت نقلت بالظبط أغلب إللي بيحصل في المواقف إللي زي دي وخصوصا حرامي الموبايل ده .... بجد نفسي أعكش واحد من حرامية الموبايلات دول

بس مين همه الجماعه بتوع إللي يجي في الريش بقشيش دول يا نادر؟

===============================
عبدالله :-
والله يا اخ هانى انا عن نفسى لو الموضوع دة حصل معايا هحاول امتص غضب الرجل الى انا حكيته
يا سلام ونعمه العقل
ولكن لو الموضوع افضى الى ضرب فلازم فى الزمن الاغبر دة تعمل حسابك فى عصاية كوريك او سكينة طويلة فى شنطة العربية وخد بالك لازم السكينة تبقى طويلة
يا سلام ونعمه النصيحه

ومتسالنيش ليه لان الاخ الى نصحنى بكدة مات فى خناقة قبل ما اسأله...
يا سلام ونعمة الصداقة

ملحوظة : انا فعلا كنت شايل فى عربيتى طبنجة صوت و عكاز خشب معتبر فى شنطة العربية و السبب انى كنت بسافر بليل احيانا ومتعرفش ايه الى هيحصل وربنا هوا الستار.
يا سلام ونعمة الأيمان

العصايه العكاز بتاعتك دي يا أ/ عبدالله فكرتني بالحاجه "زهره"
وماتهايقليش مافيش في مصر إللي مايعرفش الحاجه "زهرة" (الله يرحمك يا "ريحاني" أنت و"القـُصري")

بس في حاجه يا عبدالله يا خويا أنت شايلهم ليه في شنطة العربيه ؟ هو أنت فاكر إن الحرامي هايستناك لما تنزل وتتمشى وتروح لحد الشنطه وبعدين تفتحها وطلع الحاجه "زهرة" ؟؟؟؟ يااااااااااااااااااااااه هوه أنت فاكر الحرامي إللي هايطلعلك من متحدي الأعاقه ولا أيه ؟

===========

شريف المصري:-
انا اول حاجه كنت بفكر فيها فى المواضيع دى كوريك العربيه بس اخر مره نزلت بكوريك العربيه فوجئت و انا زى ما انتم عارفين طويل و عريض و ضخم و ممكن اخض اللى ادامى كويس بس بقولوكم فوجئت بحيوان طور مالوش حل اطول و اعرض منى بكتـــــــــــــيــــــر اخد الكوريك منى و انا بضربه بيه و اول ما خده انا طبعا جريت (ما هو الناس تقول الف مره جبان ولا مره واحده الله يرحمه دا كان طيب ) و هو بيجرى ورايا لغايه ما لقيت ان المنظر مش لطيف فا وقفت و قولت اللى يحصل يحصل المهم ان فيه ناس من اصحابى كانوا حاضرين الموقف و كله كان بيتفرج و خايفيين يقولوا انهم يعرفونى ..... شفتم الصداقه ههههههههه ----- بس بعنيكم مش هاقولكم ايه اللى حصل لما انا وقفت

ماهو يا إما اصحابك أندال قوي قوي يا إما الراجل كان خطر قوي قوي

يعني أنت مالقيتش غير إنسان الغاب طويل الناب ده عشان تتخانق معاه يا شريف ؟

===========
معاذ:-
انا مرة فى واحد كان هيخبط العربية فى شارع المنيل, و كذا مرة يحاول يزنق عليا, المهم اتنرفزت جدا
ركنت العربية بعرض الشارع و نزلت اتخانق, و كان معايا 2 اصحابى
المهم لقيت فى العربية دى بتاع 4 شبان طول بعرض نازلين من العربية, و الاقى اصحابى قاعدين فى العربية بيتفرجوا
هو الحمد لله الموضوع عدا من غير ضرب او حاجة
بس المهم بسأل اصحابى, انتم منزلتوش ليه؟
واحد منهم قالى, انت قبل اما تنزل كنت هقلك خلاص مش فارقة و الكاظمين الغيظ و العافين عن الناس و خليك انت الكبير, لكن اما انت نزلت استحمل انت

هو ده الصديق وقت الشده
أيه ده يا معاذ همه أصاحبك يبقوا أصحاب شريف برضه (همه همه يعني؟) ؟؟؟ يا سبحان الله شوف الدنيا صغيره أزاي يا جدعان ؟ أنت وشريف أتقابلتم في منتدانا وطلع لكم أصحاب مشتركين هههههه

بس هاقولك حاجه بقى أنت غلطان عشان بعد الموقف ده كان المفروض تنزلهم من عربيتك وتقولهم أنا مش رايح المشوار إللي أنتم كنتم رايحينه
وأنا مش بقولك كده عشان المفروض أنهم كانوا ينزلوا ويتخانقوا والكلام ده ... لا .... أنا قصدي أنهم كانوا لازم ينزلوا ويقفوا جنبك ويهدوا الموقف على الأقل مش يسيبوك كده زي لامؤاخذه الــ ....

أعرف صاحبك وعلم عليه
==================
حازم:-
هو لو عمل كده ححاول معاه بالزوق ما نفعش حعلي صوتي عليه شويه لحد ما الناس تتلم و بعد كده اضربه علي وشه قلم واحد بس و الناس حتخش تسلك بعد كده و مش حيعرف يوصلي تاني علشان الناس حتحوشه

دا أنت طيب قوي يا حازم وشكلك كده بتموت في فيلم "عنتر ولبلب" وتلاقيك مسجله فيديو كمان . ونبي يا حازم لو عنك الفيلم ده ومسجله فعلا يا ريت أخد منك نسخه بجد لأني بحب الفيلم ده جدا

============
منير:-
برافو مستر بايو حولت الموقف لصالحك بدل ما...... ضربت وايه عصفورين بحجر واحد

يا منير أنت بتتعامل مع أقوى جهاز مخابرات في المنطقه العربيه والشرق الأوسط وأفريقيا (سيب نفسك خالص)
===================
باهر:-
رأي لما تكون غلطان الجأ للبوليس علشان البوليس لا هيربط ولا هيحل وبالتالي الحق هيضيع ده لو انت كنت شايف انه لازم تضيع حقه
أنا معاك في النص الأولاني من كلامك لان فعلا "العريس" قصدي "التيس" يووووووه قصدي "البوليس" عندنا لا بيحل ولا بيربط

بس النص التاني من كلامك أنا شيف أنه فيه تفائل بقدر عظيم جدا لانك بتتكلم وكأن العملاق الأسمر هوه إللي هايبقى له عندك حق وأنت إللي عاوز تضيعهوله (أنت يا إما جامد قوي يا إما خيالي قوي!) بس لو أنت الأولاني يا ريت تبعتلي نمرة تيليفونك عشان أكلمك في الطواريء

إصطبح يا هانى و قول يا صبح :) عمال تسخن فى الناس بدل ما تديلهم نصايح :) إنت آه منك :)

يا جماعة الموضوع مش موضوع خناق و ضرب نفسى نتعلم نبقى متحضريين حبه (لاحظ إنى بتكلم على شخص راكب ملاكى مش ميكروباص لأن لو ميكروباص هايبقى فيه كلام تانى ههه)

يا جماعة الخناق و الضرب مش هايحل ولا يربط يعنى مش هايرجع لحد عربيته إللى إتخبطت أه أنا ممكن أتخانق و أكسرله عربيته فى حالة إنه معندوش دم و قاصد يخبطنى لكن حادثه دى حاجة غصب عنه و عنى

و الموقف إللى إنت حكيته يا هانى إنت إللى غلطان عشان لما الخنفس ذنق عليك إنت موقفتش لأ ذنقت على إللى جنبك فاهمنى؟

و أدام إنت غلطان يبقى أول حاجة تنزل تعتذر للراجل و ده كفيل إنه يهدى الموقف كله

لكن لو هو إللى غلطان إنزل واخد موقف و هادى فى نفس الوقت لكن لو لقيته قليل الأدب - يعنى هو إللى غلطان و نازل يتخانق ده بقه مالوش عندى غير حاجة واحدة -- الكلبش الحديد بتاع الدريكسيون (طبعا عارفينه) و ده أنا بكون حاطة تحت الكرسى بتاعى و يا ويله إللى ياخد منه خبطة - بس عشان مروحش أنا فى حديد عادة الخبطه هاتكون على البرابريز بتاعه --

ده بشكل مؤقت لحد بس ما أجيب Stun Gun لأنى قريب هابعت أجيب واحد من بره للطوارئ عشان الأشكال دى

أنا مؤدب مع المؤدب لكن الهمجى لازم تحجمه و تلجمه

اقتباس:

---

المشاركة الأصلية كتبت بواسطة memo_hefnawy

إصطبح يا هانى و قول يا صبح :) عمال تسخن فى الناس بدل ما تديلهم نصايح :) إنت آه منك :)

يا جماعة الموضوع مش موضوع خناق و ضرب نفسى نتعلم نبقى متحضريين حبه (لاحظ إنى بتكلم على شخص راكب ملاكى مش ميكروباص لأن لو ميكروباص هايبقى فيه كلام تانى ههه)

يا جماعة الخناق و الضرب مش هايحل ولا يربط يعنى مش هايرجع لحد عربيته إللى إتخبطت أه أنا ممكن أتخانق و أكسرله عربيته فى حالة إنه معندوش دم و قاصد يخبطنى لكن حادثه دى حاجة غصب عنه و عنى

و الموقف إللى إنت حكيته يا هانى إنت إللى غلطان عشان لما الخنفس ذنق عليك إنت موقفتش لأ ذنقت على إللى جنبك فاهمنى؟

و أدام إنت غلطان يبقى أول حاجة تنزل تعتذر للراجل و ده كفيل إنه يهدى الموقف كله

لكن لو هو إللى غلطان إنزل واخد موقف و هادى فى نفس الوقت لكن لو لقيته قليل الأدب - يعنى هو إللى غلطان و نازل يتخانق ده بقه مالوش عندى غير حاجة واحدة -- الكلبش الحديد بتاع الدريكسيون (طبعا عارفينه) و ده أنا بكون حاطة تحت الكرسى بتاعى و يا ويله إللى ياخد منه خبطة - بس عشان مروحش أنا فى حديد عادة الخبطه هاتكون على البرابريز بتاعه --

ده بشكل مؤقت لحد بس ما أجيب Stun Gun لأنى قريب هابعت أجيب واحد من بره للطوارئ عشان الأشكال دى

أنا مؤدب مع المؤدب لكن الهمجى لازم تحجمه و تلجمه

---

في أيه يا مستر محمود ؟ ما أنت كنت ماشي كويس في أول المداخله بتاعتك ونازل فينا نصايح و بتدعوا للتحضر والديمقراطيه والحزب الوطني

تقوم تيجي في الأخر وتخربها كده ؟

وكمان مش مكفيك الاسلحه المشروعه ورايح تبعت تجيب أسلحه أرهابيه من عند "بن لادن" ؟؟؟

لا لا يا محمود أكيد أنت الباس وورد بتاعك أتضرب وواحد عفيجي هوه إللي كتب الكلام ده

لا حول ولا قوة إلا بالـ الله
لا حول ولا قوة إلا بالـ الله
لا حول ولا قوة إلا بالـ الله



وبعدين أنت مصمم ليه إن الموقف ده حصل معايا ؟؟؟؟ ...أنا بقول تخيلوا تخيلوووووووووووووووو

يعني مش لازم يكون حصل معايا





هيه حصلت للأسلحه المستورده الارهابيه ؟ لا حول ولا قوة إلا بالـ الله

يابنى إل Stun Gun ده إللى هو الصاعق الكهربا مش مسدس :) يا زبون :)

و بعدين أنا مجبتش سيرة الحزن الوطنى و بلاش تخلينى أغلط و أشتم على الصبح إفتكر حاجة عدله عشان السياسة هنا ممنوع :)

أما موضوع النصايح أنا نصحت إن نكون حضاريين مش خرفان :) يعنى لقدر الله أنا و إنت خبطنا بعض بدون سابق معرفه
مش هاننزل نتخانق

أما مع واحد نازل يضرب أكيد مش هاتتفرج عليه لحد ما يعملك عاهه لازم تلمه ..... :twisted:

بس انا اعرف دايما ان الكف الاول بيغلب يعني مش علشان هو ضخم يعني تخاف لا اديلو علي وشه والى يحصل يحصل





بس عندي حل تاني لو انت مش بتاع مشاكل انت اصلا غلطان انك تبص للفرفور خليك في حالك يا اخي

اقتباس:

---

بجد نفسي أعكش واحد من حرامية الموبايلات دول

---

عقدوني ولاد الاية دول تتلفت ثانية وحدة وهي اللفتة وبعدين كل شيء راح رااااح :cry:

اقتباس:

---

بس مين همه الجماعه بتوع إللي يجي في الريش بقشيش دول يا نادر؟

---

دول بقى ......(صفة مش قادر اقولها يعني) ناس في الدنيا لما تحصل الحادثة من دول (و طبعاً متبقاش انت الغلطان) يتلموا من عالرصيف الكانوا بيمصوا قصب علية ولا القهوة الكانوا بيحششة عليها (اسف على اللفظ) ويقفوا جمب __الظالم المفتري__ الخبطك ويقلولك "بسيطة يا بية دى هي كانت مخبوطة من الاول مش كدة يا حمكشة" يقوم يجي الواد حمكشة ابن الاية دة معرفش منين يهلفط اي كلام كدة لحد ميكون حموة زميلهم التالت قلب الموبايل وانا زي العبيط واقف امام العربية مش واخد بالي :cry: واقول في الاخر ياريتني مشيت من الاول ارخص الموبايل كان غااالي :cry: اااة الله يحرقك يا حموة

الخلاصة يعني عايز اقول لكم من الاخر يعني -حاولوا- متخلوش الناس يتلموا حوليكم كدة -صعبة انا عارف- احتفظوا بس باتين تلاتة فت جبكم يمكن ينفعوا شهود.

نسيت اقول لو هتعمل محضر متحركش العربية ولا سنتي واحد لحين وصولة سيارة الشرطة ومتسمعوش كلام الناس الفالشارع اليقولك "عجلة قدام بس"

ربنا يحفظنا جميعاً ويقينا شر الحوادث -وحموة-

يا هانى هيا مش مسالة ان الحرامى هيستنانى انما هيا مسألة نفسية مش اكتر و عموما الحمدلله مصادفنيش حرامية قبل كدة الا فى الشقق ولكن فى العربية انا متعود قبل ما انزل منها اخد موبايلى ومفاتيح العربية منها ومش بسيب فيها اى متعلقات شخصية.

فى رأيى: ولا تسمع الكلام عن الخناقات والذى منه..

فيه ناس لا يمكن يبقى ليها فى الخناقات وتوابعها.....
مافيش مرة اتهورت واشتركت فى خناقة إلا وندمت أشد الندم لأنى مش وش كده .. لا وش زعيق ولا وش شتيمة (لا أشتم ولا أتشتم) ولا قافية ولا وش ملاكمة ولا مصارعة (رغم انى اتدربت عدة سنوات كمال أجسام + مصارعة رومانى) .. والأسوأ لو معك المدام أو الأب والأم ..
أحسن حاجة الهدوء والبرود وقلة الكلام لأقصى درجة وتهدئة الموقف واستيعاب الغاضب حتى لو كان هو الغلطان ، ولو جت على قرشين والله أحسن من البهدلة وقلة القيمة....
وبس...

اقتباس:

---

المشاركة الأصلية كتبت بواسطة samirpop2

بس انا اعرف دايما ان الكف الاول بيغلب يعني مش علشان هو ضخم يعني تخاف لا اديلو علي وشه والى يحصل يحصل





بس عندي حل تاني لو انت مش بتاع مشاكل انت اصلا غلطان انك تبص للفرفور خليك في حالك يا اخي

---

هو دا القلم اللي انا قصدي عليه مش موضوع عنتر و لبلب لاء هههههه بس فعلا شخصيتك بتتحدد من اول قلم في الخناقه لو انت اللي اديت اول قلم و اديته صح من غير خوف اعرف ان انت اللي كسبان باذن الله

بصراحه من احسن الردود رد الدكتور أحمد عشان هوه فعلا الرد إللي ينجيك بجد مش يورطك اكتر والموضوع فعلا مش موضوع عافيه وطالما يا دكتور طلعنا Body Building زي بعض خد صورتي ايام الجامعه عشان تعرفوا إن الموضوع مش عافيه ولو عافيه يبقى أنا والدكتور نكسب أي حادثه ههههههههه

[marq=down:890104d681]

أنا إللي في الوسط

[/marq:890104d681]

http://www.up4world.com/images/store10/07aa649dc6.jpg

فى البداية لو الخنفس زنق عليا كنت حخبطة هو شخصيا مش اخبط فى عربية تانية و دى عملتها قبل كدة كتير مع الخنافس و الناس اللى فاكرها فتاكة... انا عربيتى اصلا مجرحة فا مش فارقة معايا و لما بعمل انطباع الوش الخشب بيبقى شكلى وحش اوى و فى ناس بتقلق منى و اكيد صاحبنا الفرفور حيجرى يكلم ماما تلحقة :evil:

و لو خلصت القصة انى خبط عربية مازنجر اللى حكيت عنة فا دايما الاسلوب الؤدب بينجح... باختصار قله انا اسف... شوف اللى يرضيك ايه... اما اذا موضوع قلب بضرب فا معايا قفل عربية اللى بيمسك الدركسيون فى الفرامل و دة خبطتة يلا السلامة و بعديها الجدع يحصلنى :lol:

MMamdouh

اقتباس:

---

المشاركة الأصلية كتبت بواسطة baher

رأي لما تكون غلطان الجأ للبوليس علشان البوليس لا هيربط ولا هيحل وبالتالي الحق هيضيع ده لو انت كنت شايف انه لازم تضيع حقه :lol:

---

البوليس مش حيجى اساسا.. انا فضلت واقف ساعة على الدائرى بعد ما طلبت البوليس عشان عربية نقل خبطت عربية واحدة صحبتى... البوليس يجيى بس لو انت عملت مصيبة سودا غير كدة انسى

MMamdouh

موضوع الخناقات دى صعب اوى... بتبقى اما ترمى نفسك يا اما تبيع صاحبك و انا مشكلتى اصحابى غاليين عندى فا بتدبس كتير اوى... مرة اتخانقت انا و صاحبى فى محل وسط مجمع محلات فى شارع محمد على... الخناقة بداءت مع واحد و فجاءه بقت مع المجمع كلة و احنا نفرين بس... انا كنت عمال احوش الناس اللى عايزه تضربة و هو ماسك الواد اللى بيتخانق معاه و بيديلة بالاقلام

يخرب بيت الصحبية اللى ميجيش وراها غير الكفية :mrgreen:

MMamdouh

بالله عليكم هل كل الاقتراحات المقدمة من الاخوة الاعضاء قادرة على الوصول الى حل او نتيجة محسوبة مقدمة بمعنى
انك ممكن تقول اى رد وانت فاتح الكميوتر ومتخيل الموقف لكن فرق كبير بين الخيال والواقع
انا راى ان كل حلول الفهلوة الى مرة تصيب ومرة تخيب مش هو دة المفروض الى ينطبق
لازم حل شامل وجذرى
لما يكون فى مشكله ومش عارفين نحلها يبقى لازم نشوف الاخرين حلوها ازاى دة مش عيب
لازم نشوف فى اختراع اسمة التامين الاجبارى على السيارة ضد الحواث مطبق فى كل العالم اشمحنا احنا الى مطبقين مبدا الفهلوة انا طبعا مش قصدى الاخوة الاعضاء المحترمين بس لية سياسة كل واحد يحل المشكله على طريقته
لانى تخيل بقى معايا انك طويل وعريض وواحد رخم خبط العربية وانك ممكن تضربه بسهوله لان جسمة ضعيف
هل الموقف هيتغير
نداء لكل المسئولين الرجاء الانتباة يمين البلاد او شمال البلاد ونعرف الناس عايشة ازاى

انا عارف ان ردى رخم وبصحى المواجع بس الواحد تعب من كتر الضحك على نفسه

[quote="PAYOO"] وطالما يا دكتور طلعنا Body Building زي بعض خد صورتي ايام الجامعه عشان تعرفوا إن الموضوع مش عافيه ولو عافيه يبقى أنا والدكتور نكسب أي حادثه ههههههههه

ههههههههههههههههههههههههه ههههههه

بس بجد دى صورتك؟

واللى فى النص؟

متأكد؟؟؟؟؟؟؟؟؟

اقتباس:

---

المشاركة الأصلية كتبت بواسطة PAYOO

بصراحه من احسن الردود رد الدكتور أحمد عشان هوه فعلا الرد إللي ينجيك بجد مش يورطك اكتر والموضوع فعلا مش موضوع عافيه وطالما يا دكتور طلعنا Body Building زي بعض خد صورتي ايام الجامعه عشان تعرفوا إن الموضوع مش عافيه ولو عافيه يبقى أنا والدكتور نكسب أي حادثه ههههههههه

---

[marq=down:3643f2d141]

طيب فين أرنولد ما أتصورش معاكم ليه

[/marq:3643f2d141]

دكتور أحمد:-
طبعا صورتي يا دكتور تحب ابعتلك صور أحسن من كده 100 مره ؟ بس هايبقى على البريد الخاص عشان ما أزعجش الناس هنا


معتز سليم:-
أرنولد كان لما يجي ينده عليا عشان نروح نتمرن مع بعض كان والدي بيخللي يومي أزرق وكان دايما يقوللي ماتمشيش مع الواد ده
عشان كده هوه ماتصورش معانا لأني كنت وما ذلت بسمع كلام والدي


أطلع أنت منها بس يا معتز يا خويا وهيه تعمر ...... (كويس إن أبويا مابقعدش على النت)

و الله يا جماعة الأفضل إنك تلم الموضوع .
و إنسى الشرطة لأنهم ما بيجوش أصلا.
و عن نفسى حصلت معايا مرة بس الأستاذ اللى خبطه كان مؤدب جدا و نزل يعتذر لى إنه لما شاف الولد التانى بيزنق عليا ما وسعليش كفاية.
بصراحة إحترمته جدا و ما بقيتش عارف أعمله إيه علشان ما يبقاش ماشى زعلان منى.
:lol: 8) :lol:

المشكله دى بتحصل كتييير وفى ناس كتير جدا معرفش بياخدو الرخص ازاى
والشوارع بقت مليييييانه فرافير
يارب احفظنا