الموضوع: كيفيه معرفه فئات الانسر البومه

المشاركة الأصلية كتبت بواسطة omar elmalt

اذاي اعرف الفرق بين ال 1300 اوتوماتيك و ال 1600 اوتوماتيك 2012......علشان انا جبت ال 1600 الفئة الثانية (كاملة اوتوماتيك +جنط سبور) بس حاسس ان سحبها بتاع موتور 1300.....ارجو الافادة و شكرا

حضرتك بتقول انها 2012 يعني ماشاء الله عربيه جديد ابسط الامور ارجع للرخصه هتلاقي مكتوب فيها 1590 سم تقربيا يعني كده 1600 سي سي بعدين لاقدر الله لو كنت مشتريها مستعمله والراجل اللي قبلك غير المتور طبعي جداااا ان الموتور هيتثبت عالرخصه ودي ماشاء الله لسه معدتش عليها السنه بس اللي انا لاحظته من تجربتي امبارح مع الانسر وكان اول مشوار اطلعه بالانسر بعد ما اشترتها طلعت من القاهره للغردقه وقدرت احكم عالعربيه نسبيااا يعني انا عامل كل الصيانه بتاعت العربيه والفلاتر بعد ماجبتها والعربيه عامله حوالي 55 الف كيلو لاحظت الاتاتي من حيث العيوب الاول وبعدها المميزات
1- سحب العربيه ضعيف جداااااااااا مع التكيف يعني العربيه عشان تطلع ل 150 او 160 بتاخد وقت كبير جدااااا مع اني الاول كان معاي نوبيرا 2006 كنت بجيب بيها 160 بكل سهوله مع التكيف والبنزين ال 80 كمان والله مش ال 92 زي الانسر
2- صوت الماتور بيعلي كتير جداااا مع النقلات
3- استهلات عالي شويه للبنزين بالنسبه للطريق المفتوح يعني 490 كيلو بحوالي 44 لتر
المميزات
1- الثبات علي الطريق الله واكبر ممتاز يعني بطلت التكيف جبت بيها 185 وفي كمان
2- عزل العربيه لحد ما معقول
3- راحه وانا سايق اخدتها من القاهره للغردقه من غير رست والحمدلله نزلت كملت يومي بالغردقه عادي جداااا بفضل الله من غير تعب
4- جمله حلوه سمعتها وعرفتها لما جربت العربيه معني كلمه عربيه ياباني متقفله بره مصر

المشاركة الأصلية كتبت بواسطة yaserbasha2000

حضرتك هتجيب ال VIN number بتاع العربيه و تدخل اي موقع mitsubishi VIN Decoder تكتبه هيجيب لك كل مواصفات العربيه

استاذن حضرتك اجيب ال VIN number منين ؟؟
لو هو الرقم بتاع الشاسيه اللي بصدر العربيه
انا جبته ودخلت عالموقع بيقولي الرقم غلط