بالنسبه لبطارية الفيرنا

**ezzeldin1234** · 25-06-2012 02:04 AM

اخوانى الاعزاء
دلوئتى الفيرنا بتاعتى بقالها شهر كده كل يومين تلاته اجى افتح الكاسيت الائى كل الاذاعات اللى انا مسجلها عليه اتلخبطت لدرجة انى اتخانقت مع سايس الجراج اللى بسيب عنده العربيه واعتقدت انه بيلعب فيه
بس للاسف نفس الشىء حصل معايا ومكنش سايس الجراج معاه المفتاح شكيت ان البطارية بتفصل لحد مال اتاكدت انها بتفصل انهارده لانى جيت ادروها لاقتها مش عايزه تدور وبتعتل والكاسيت اتلخبطت الاذاعات فيه تانى قلت وش مرسى حلو على البطارية باظت دلوقتى بئى السؤال
هل ده كده بطارية ولا ايه
ولو كان بطارية انا دلوقتى شارى العربية من سنه ونص بالظبط وعاملة 13 الف كيلو مش كده البطارية فى الضمان ولا ضمان البطارية سنه بس
ارجوا الرد سريعا للاهمية

**Ashraf_Ibrahim** · 25-06-2012 02:12 AM

للأسف ضمان البطارية سنة بس
هي فعلا بتعد سنة ونص وتودع
يمكن انا بطاريتي قعدت سنة وشهرين تقريبا وودعت
اديها واحد بطارية جديدة يا حبي بس اكشف عليها الاول عشان تبقا متأكد

**Ashraf_Ibrahim** · 25-06-2012 02:29 AM

ايوة البطارية لو فصلت للحظة او حتى كابل البطارية اتهز يخلي الكاسيت يمسح كل المحطات بتاعته
اتأكد ان القواشيط محكمة الربط لأن ممكن البطارية تكون سليمة بس القواشيط مش مربوطة كويس !