]دخان ابيض فى عادم اللادا

**mohmonkha** · 21-06-2008 02:01 PM

الاخوة الكرام عندى لادا 2107 موديل 2005 عاملة حتى الان 30000 كم، بس لاقيت فى دخان ابيض خفيف طالع من الشكمان لمابدوس بنزين .
واحد قاللى الموتور خفيف ورحت عند الميكانيكى لاقيت فى بوجيه معرق زيت خفيف.
مش عارف اعمل ايه ، العربية تعتبر جديده بس شاريها مستعمله ، اعمل اية اعمل ايه اعمل اية...........تايه

ارجو الافادة من خبراء اللادا

**ahmed1981** · 21-06-2008 08:58 PM

الدخان بيخرج إمتى ؟؟؟؟؟؟
ما مدى كثافته ؟؟؟؟
هل خرطوم الفايظ بيطلع دخنه كثير برضه ؟؟؟؟هل لما بتفتح غطاء الزيت بيطلع منه دخان ؟؟
هل الزيت بينقص ؟؟؟؟؟

**mohmonkha** · 23-06-2008 08:49 AM

اولا شكرا جدا على الاهتمام والرد ....
الدخان بيخرج على فترات متباعدة عند دوسة البنزين الزيادة ( العربية واقفه)، بس خفيف جدا وبعد شويهو بيختفى .
مفيش دخان بيطلع من غطاء الموتور ، بس طبيعى فى ابخرة متصاعدة بدون دخان .
الزيت لا ينقص .
ومش عارف خرطوم الفايظ ده فين .
بس اللى تاعب دماغى البوجيه اللى بيعرق زيت ؟؟؟؟؟؟!!!!!
وشكرا مقدما على الرد

**eslamspirit** · 23-06-2008 08:52 AM

جرب تغير البوجيهات ببوجيهات سن قصير

**mohmonkha** · 23-06-2008 08:55 AM

متشكر جدا بس بوجيهات الفبريكة سن طويل ، وده حاجه عاديه ومدى تأثيرة

**ahmed1981** · 23-06-2008 07:58 PM

المشاركة الأصلية كتبت بواسطة mohmonkha

الدخان بيخرج على فترات متباعدة عند دوسة البنزين الزيادة ( العربية واقفه)، بس خفيف جدا وبعد شويهو بيختفى .

طالما بيختفي إنساه

المشاركة الأصلية كتبت بواسطة mohmonkha

بس اللى تاعب دماغى البوجيه اللى بيعرق زيت ؟؟؟؟؟؟!!!!!

تأكد أن الزيت خارج من البوجيه عن طريق فكه والنظر إلى سن القلاووظ هل عليه زيت أم لا
لو عليه زيت على القلاووظ ممكن يكون هذا البستم خف شوية وفيه بوش بسيط
لو لا يوجد زيت على القلاووظ إذن فالتسريب من مكان آخر قريب من البوجيه مثل أحد الجوانات أو غطاء الزيت