Jetta or Lancer EX sport or Honca Civic

**mragh** · 21-06-2008 02:28 PM

Regardless the price range, what do you prefer

Jetta or Lancer EX sport or Honca Civic

And WHY

**sa3dawy** · 21-06-2008 02:37 PM

jetta
onther category

**SAbuhashem** · 21-06-2008 02:47 PM

تاني

يا ناس إيه إلي جاب الجتا للانسر و الهوندا

إنت حطتهم في مقارنة واحدة ازاي إيه وجهة نظرك ؟!

ماهو يا بشر احنا مش هنفكر لكل واحد لازم يفكر هيحط فلوسه في إيه ويقارن ويلف ويتعب ويبص كويس على كل عربية وبعدين لما يحتار بين اتنين_ متماثلتين_ في الكماليات مثلاً أو في مستوى الصناعة نبقى نتدخل

مش أجيب لانسر واللا أوفر وأجيب ماروتي ؟

الانسر فيها فتحة سقف ومافيهاش تراكشن كونترول

الهوندا مافيهاش لا دة ولا دة لكن موتورها أحسن من الانسر وفيها مثبت سرعة
وكمالياتها أقل بكتير من الانسر

الجتا فها كل دة وأكتر بكتير لكن بكام ؟

انتا بقى عايز إيه من وسط دة كله ؟

اعذرني أنا مش أقصدك انتا بالذات لكن حبيت أحط قواعد عامة

Thanks
Eng.Sherif Shaker

**CosmicOne** · 21-06-2008 03:06 PM

For Engine & Gearbox & Reliablity get the CIVIC

for Luxury but very bad warranty get the Jetta.

**mohamed ibiza** · 22-06-2008 01:59 AM

الاجابة معروفة التحمل و العمر الطويل و تقل علي السرعات و توكيل زفت و قطع غيار معمرة و موتور زلطة تبقي جيتا طبعا

توكيل احسن نسبيا و عايز تجري اكتر بثبات ممتاز لكن مش زي الجيتا و عربية انتشرت معادش في اقتنائها تميز شكلي بين العربيات يبقي سيفيك

عايز تمسط العصاية من الوسط ثبات رائع شكل ثوري تميز بعض الشيء جري جامد علو عن الارض موتور متطور و تكنولوجيا عالية و اعتمادية ميتسوبيشي يبقي لانسر

مع ملاحظة ان الجيتا تتربع علي رأسهم في الثبات و التحمل و العمر الافتراضي

**fahd_628** · 22-06-2008 02:14 AM

لية متفكرش فى الميجان

بس من الأختيارات اختار جيتا طبعا

**حماده المصري** · 22-06-2008 10:45 AM

على فكره

الجيتا والسيفيك كاتيجري وحده والمقارنه بينهم صحيحه وكمان اللانسر معاهم

ولو حد بيتابع مقارنات العربيات برا وتقارير شركات العربيات هيلاقي ان الجيتا والسيفيك وكمان النيو كرولا والنترا والنسر فئه وحده ومنافسه بعض وكاتيجري وحده

الي مغلي الجيتا في مصر الجمارك اما في الوطن العربي سعرها ميفرقش جامد عن الكرولا والسيفيك والنسر والجيتا في المانيا من ارخص العربيات

عموما ارخصهم قطع غيار النسر واغلاهم الجيتا واكيد الجيتا معمره جدا

بس الجيتا الي فيها كل الكماليات في حدود 190 بدون ضمان وب 220 تقريبا بالضمان

النسر فيها كماليات حلوه جدا وعربيه محترمه بس الهاي لاين بتاعها معدى ال 145 تقريبا

السيفيك بقى دي عربيه فعلا قديره ومعروفه من زمان وبتستحمل ومعمره وثباتها اكتر من رائع وان كان اقل من الجيتا بس الفرق مش كبييير اوي زي ما الناس متخيله

بس السيفيك كمالياتها قليله مع اني شايف ان لما كان سعرها 149 كان حلو بس تسليم فوري 155 حرام

السيفيك والجيتا الاتنين واطيين وبيحكوا في المطبات اللنسر عاليه مش بتحك بس شنطتها العاليه سبب رئيسي في عدم ثباتها على السرعات العاليه مع ان ثباتها بالمقارنه باللنسر القديمه افضل بكتير وتسارعها مش حلو خصوصا الاوتوماتيك بس بتوصل لحد 200

الهوندا طبعا طلقه واسرعه من الاتنين بس يعيب العربيه في مصر فقر الكماليات

**yoyo** · 09-07-2008 12:35 AM

طبعا الجيتا حتى لو باقل كمالياتها...........ولمعلوماتك أقل الكماليات للجيتا في مصر ستبترونيك

**Hisham_ElFeky** · 22-07-2008 08:58 PM

المشاركة الأصلية كتبت بواسطة حماده المصري

بس السيفيك كمالياتها قليله مع اني شايف ان لما كان سعرها 149 كان حلو بس تسليم فوري 155 حرام

١٤٣ ومفيش تسليم فوري ممكن معرض برا

انا معايا صديق ليا جايب جيتا وشايف انه غلط لما شاف الهونداا من وجهة نظره

أنا مش هقدر أقولك هوندا علشان شهادتي مجروحة وقلت عيوبها ومميزاتها قبل كده كتير

بس أحب أرشحلك الليون كمان عربية كويسة أوي