تعمل أيه لو الواد الي جمبك مش راضي يغششك
@@@@@@@@
الانانـية الي عند بعض الطلبة
والاستئثار بالاجابة للنفس
@@@@@
عدم مساعدت الاخـرين
@@@
خيركم من تعلم العلم وعلمه
@@@@@@@@@@@@@@@@
بسم الله الرحمن الرحيم
النهرده حلمت بكابوس فظيع فظيع ... فقلت أنقلوهلكم ... لأنوا بيفتح باب للنقاش على الغش ... وهل لو الي جمبك مش مزاكر وهيسقط هل تتبرع وتساعدوا ولا تقول وانا مالي ؟ عيب لمن يكون الانسان أناني وبيسئثر بالعلومة لنفسوا وميغشش الي جمبوا ؟ عيب لمن تضيع مستقبل صديق وزميل ليك عزيز ممكن تكونوا كلتوا عيش وملح سوى ... ولا شربتو حاجة سقعة سوى ... عيب لمن تشوف انسان جمبك محتاجلك ومتدمش ليه يد المساعدة ... وتنقلوا ايجابتين، ومتنقلهوش أجابة ولا أجابتين يسند بيها نفسوا ... علشان كده جيل بحالوا طالع مع الاسف بيقول يالله نفسي اللهم نفسي ... وتنعدم روح أولاد البلد بين الناس ...
@@@@@@@@@@@@@@@@@@@@@
حلمت النهردة قال أيه أني كنت داخل الامتحان ... ومكنتش أعرف أن أمتحنات أخر السنة بدئت ولقيت الطربيزات متقسمة انها تكون لجنة ... ودخلت قعدت مكاني ... ووزعو ورقت الاسئلة ... ببص كده لقيت الامتحان مش مكتوب بالعربي ... فسئلت الواد شكري الي جمبي وقلتلوا وله يا شكري هو الامتحان مكتوب بالانجليزي ليييييييييه ؟
شكري : لأنوا أمتحان أنجليزي يا زكي ...
أنا : أهااااااا أمتحان أنجليزي !!!!! ينهر أزرق ده انا كنت فاكر أن علينا أمتحان جغرافيا ولا تاريخ ...
شكري : أمتحان جغرافيا ولا تاريخ أزاي بس أنتا ناسي أننا في كلية تجارة هههههههههههههههه .
أنا : ههههههه أه صحيح . طيب أنتا مزاكر كويس ياشكري
شكري : أأأأأأأأأه مزاكر الحمدالله .
أنا : الحمدالله أنك مزاكر يا صحبي ... هو السؤال الاول معناه أيه ؟؟؟؟
شكري : وتس يور كايند أوف كااااااار ؟ يعني ما نوع سيارتك ؟
أنا : رحت كاتب هونداي (بالعربي )
وبعدين قلت لنفسي يانهر أزررررق ده امتحان انجليزي يعني كلمة هونداي لازم أكتبها بالانجليزي ... ياربي طيب هو الاسبيلنج بتعها كان أزاي ... مش فاكرو هو كان اولوا اتش ... يالله هكتب تويوتا وخلاص انا فكار الاسبيلنج بتعها كويس
ToYoTa
المهم جيت أقرى السؤال الي بعدوو مفهمتش منوا حاجة بس لقيت مربعات فقلت ده باين عليه صح أو غلط ترو أور فولس ههههه فأنا هقرى ليه وأتعب نفسي أبص كده في ورقة الواد شكري وخلاص .... المهم ببص جمبي لقيت الواد شكري راقد على ورقة الاجابة تقلش فرخــــــة راقدة على بيضها علشان تفقس ... فرحت اتعصبت وناديت على الواد شكري براحة
انا : وله ياشكري ... أنتا راقد على ورقة الاجابة كده ليه ما تقوم يله أفرد ضهرك ... كده عمودك الفقري هيوجعك !!
شكري : مليكش دعوة انا كده مستريح .
أنا : يا أبني يا حبيبي قوم علشان الحبر ميوسخش قميصك .
شكري : انا بكتب بقلم جاف .
أنا : طب قوم ربنا يهديك عاوز أشوف الصح والغلط مؤشر زي ما أنا مؤشر ولا لأ ... نقارن الاجابات يعني ههههههههههه
شكري : لا ما تخفش أنا حالل صــــح .
أنا : أهاااااااا طيب وريني كده ...
وبرضو مفيش فايدة الواد أبن التيت مش عاوز يغششني ولا حتى يبعد عن الورقة وانا هغش لوحدي ... يعني والله العظيم أنا مؤدب ومبزعجش حد ... انا هبص من سكات بس ... بس الواد ده باين عليه جبلة وأناني ... (أأأأأأأأأأأأه يا أناني يا أبن التيييت ) ... ياربي ياربي طيب هعمل أيه بس هرجع أسقط تاني ... أنا ياربي واللهِ مش علشاني أن كان عليا عاوز أفضل في الجامعة طول العمرررر ... بس علشان الحج الي قعد يتراجاني الصبح ويقولي يا أبني ياحبيبي أبووووووس أيدك أنجح بقة وخلصنا الله يخرب بيتك ... الناس كلها أتخرجت واتجوزت واشتغلت وانتا لسه قاعدلي في الجامعة ... يارب مش علشاني ... بس علشان الراجل الطيب الي هيتنقط ده ...ونفسوا يشوفني دكتور قد الدنيا ... ههههههههههه بس انا خيبت أملوا ودخلت كلية تجارة ... يالله مش مشكلة أهو بعد ما أتخرج أحضر دكتوراه وهبقى دكتور برضو ههههههههههه
@@@@@@@@@@@@@@@@@@@@@
المهم أعمل أيه ياربي ... أعمل أيه ياربي
أنا @ : وله ياشكري وحياة أمي أن ما قومت من على ورقت لأستناك بره الجامعة وانتا عارف انا ممكن أعمل فيك أيه ..وهسلط عليك كل شباب الحته عندك ... وانتا عارف قد أيه عيال حتتكم بيحبوني ونفسهم بس يخدموا .
شكري : (ولا كأني سامع حاجة )
أنا @ في سري : ياربي أعمل أيه أعمل أيه أقوم أرزعو بنيه في وشو ... ولمن يسئلني المارقب عملت كده ليه أقولوا أصل كان بيغش مني ... ههههههههههههه طيب ما هيشوف ورقتي وهيلاقيها بيضة .
المهم رحت رافع أيدي وناديت على مستر جيمس ... وقلتلوا مستر جيمس أنا عاوز أغير مكاني وأنقل في حته تانيه هههههههههه فقام سئلني مستر جيمس ليه ؟؟
قلتلوا أصل التكيف بيتعبني فراح بص كده وأستعجب وقال :
مستر جيمس : أزاي المكيف الايه سي بيتعبك ده حتى الهوى بعيد عنك !!!!!!!!!!!
فرحت دخلت في جيبي أطلع منديل ملقيتش لقيت خصلت شعر لمراتي رحت ماسك خصلت الشعر كده ومطيرهم وقلتلوا شووووفت أزاي الهوى جي عليا وانا قاعد وكده هعيى ... فقام قالي خلاص ماشي وراح قالي هات ورقتك وورقت الاسئله وتعاله ... وراح نقلني ورى خالص جمب بت قلت حلووو ... عز الطلب ... أهو البنات بيحبوا يساعدوا الشباب .. والبت دي وحشة واكيد نفسها تتجوز وهتسعدني على أمل أني لو نجحت أتجوزها .. هههههههههههههههههه وأرد الجميل ... فبيصتلها كده بأبتسامة رقيقة ... وقلتلها هاااااااااااااا أيه الاخبار ... (بصيت لقيت البت شيكولاته خالص ووشها كلو حبوب وشعرها أكرت ) قلت الله حلو قوي أهم قعدوني جمب وحده سودانية والسودان دايماً جدعان ... وقبائل زينا ...
قلتلها محسوبك محمد الرفاعي ... من قبيلة الرفاعية ... أنتو مش عندكوا رفاعية في السودان ...
فراحت قالت لي : لأ انا مش من السودان
أنا @ : ألله أومال أنتي منين
هي : أنا من النوبة
أنا@ : أجدع ناس برضو مش في رفاعية جيرانكوا في النوبة
هي : لأ مفييييييييييييش .
أنا@ : هيبقى فيه أخلصي ههههههههههه ... المهم حليتي كويس ولا لأ ...
فراحت دحكت كده وياريتها ما دحكت نص أسنانها مسوسين وواقعين ... وطالع لها خراج في اللثة وحاجة يييييييييييييع وقالت لي : زي ما أنتا شايف محلتش غير أول سؤال بس .
قلت يانهررررررررر أسود يانهر أسود منك لله يامستر جيمس منقلتنيش غير جمب أخيب طالبة في الدفعة وشكلها ضارب برشام قبل ما تخش اللجنة ... ولا مخزنة قااااااااات . (مخدرات يمنية ) للي ميعرفش القات .
@@@@@@@@@@@@@@@@@@@@@
فقلت لنفسي يالله أول سؤال أول سؤال هخدو منها وأمري لله وهشوف الاجابة عاملة أزاي وهكتبوا لمدرس الماده على تلات صفح ... وأرغي فيه كتيرررر ... علشان وهو بيصحح ... يقول ياساتر الواد ده كاتبلي مذكرة مش ورقة أجابة ... وياعيني شكلو مزاكر بس الوقت خلص وهو عمال يرغي ويزيد في نفس المعلومة ... فحرام أسقطوا وشكلوا مزاكر وفاهم ومستوعب المادة .... رغم أن في دكاترة صايعين ... يقولك طيب مدام هو مزاكر وفاهم يبقى هيقدر يحل أمتحان في السمر كورس (دور أغسطس بسرعة ) أنشاء الله ويالله صفرررررر .
ههههههههههههههههههههههههه ه
@@@@@@@@@@@@@@@@@@@@
المهم قمت من النوم على الكابوس الفظيع ده
ورغم أني سايب الامتحنات والمزكرة بقالي 10 سنين الا أن جو الرعب بتاع الامتحنات مؤثر فيا حتى بعد ما أتجوزت وخلفت مازلت بحلم بكوابيس الامتحنات
والي يدحك اني بعد ما قمت من النوم وبعد ما شفت الكابوس المرعب ده ... قلت لازم اتف على شمالي تالت مرات
وبعدين قلت لأ ... ده أمتحان أنجليزي يبقى انا بدل ما أتف من اليمين على جهت الشمال ... المفروض أتف من الشمال لليمين علشان أنجليزي هههههههههههههههههه
@@@@@@@@@@@@@@
القصد
أكيد كلنا مرينا بكوابيس الامتحنات في منمنا ... لكن انا بسئئل نفسي سؤال ... ليه الناس بقت وحشة كده ومحدش بقة يساعد حد في الامتحنات ... وبيقولك يوم الامتحان يكرم المرء أو يهان ... فأزاي ترضى وتقبل واحد صحبك وحبيبك وأبن بلدك مصري من لحمك ودمك ينهان ... ولا هو زميلك لو خد أو لمح أجابة من عندك الورقة هختس ... ولا الاجابة هتروح بركتها يعني ... فمتسيبوا الي عاوز يغش يغش ... الله أعلم ظروفوا أيه ... مش يمكن المسكين كان تعبان ولا مصدع أمبارح بالليل ، ومتقوليش طيب كان فين طول السنة ... ألله مش يمكن تكون طبيعتوا من النوع الي المعلومات بتزحلق من نفوخوا بسرعة وبتتبخر ... ومدة صلاحية المعلومة يومين قبل الامتحان في دماغوا وبعد كده شيفت ودليت ... فليه يا أبني يا حبيبي مبتسعدش أخوك حبيبك ... ده خيركم من تعلم العلم وعلمه ... علمه يعني تساعد بيه الناس وتنفع بيه الأمــــة ، وأنتا شايف مستقبل الي جمبك على المحك ... والواد هيضيع ... ويشعر بالفشل طول عمروا وبين أيديك الاجابة أو مفتاح مستقبل زميلك مفتاح الفرج أديلوا يا أخي المعلومة سيبوا ينقل ... وكبر خطك ووضحوا علشان ربنا يباركلك في الاجابة ...
والي يدحك علشان أنانيتوا دي تلاقيه لغايت دلوقتي ربنا بيعاقبوا ولسه بيدور على شغل ومش لاقي ليه ... لأنو كان أناني ... وكان بخيل بالمعلومات على أصدقائه ... ومبيساعدش حد ... فأزاي عاوز ربنا يساعدك ... وأنت زميلك كان في أمس الحاجة ... أنو يشوف ولا يبص بصه بس على علامات الصح والغلط ... أو يبص حتى على خيار أملء الفراغ ولا أختر الاجابة الصحيحة من بين الاجبات .
أو وصل حتى بين جملتين ..
أأأأأأأأأأأ الله متسيبوا يا أخي يبص ... بصـه
ولا يعني هتخس ورقت أيجابتك
@@@@@
ســــؤال حلــــقة اليـــوم
هل أنتا من النوع الي بتغشش ؟
أم أنك من النوع الي بتغـش ؟
(مع أني معترض على كلمة ^غـش^ دي لأنها أسمها
نقل معلومات
وليس غــــــــــــــــــش كلمة غش كلمة تقيلة )
أم هل أنت أو أنتي من النوع الي بتعتمدي على المجهودات الذاتية (في تحضير البراشيم ) ؟
ولا بتجيب وبتشتري براشيم جاهزة ؟أو تستلفها ؟
أم أنتا من النوع الدحيح ؟وشاطور وبتذاكــــر ؟
أم جميع ماسبق ومحدش يغش كل واحد يبص في شاشتوا
ومحدش يقرى أيجابت أو مشاركة الأخر
هههههههههههههههههههه
وتحياتي
@@@@@@@@@@@@@@
المفضلات