الموضوع: معروض علي 21 ألف مقابل سيارتي اللادا 2105 موديل 1995

السعر كويس وخصوصا على المصاريف الى انت قولتها ولو عرفت قرص عليه فى 500 زياده يبقى خير وبركه لكن السعر كده كويس جدا كمان وخصوصا فى ظل ركود السوق ولكن لا ترخصها سوا سنه واحده واحذر انك تديله توكيل بتجديد وترخيص السياره وحملة مصاريف التجديد والترخيص للسنه دى لو ماعرفتش تخليهم 21500 لانك لما تديله توكيل بالتجديد والترخيص سوف تظل السياره باسمك وتدفع ضريبة رفاهيه على السياره الجديده وسوف تظل الى ان يشاء الله باسمك ممكن اسبوع ممكن شهر ممكن 20 سنه وانت عمال تدفع ضريبة رفاهيه لكن التوكيل للبيع للنفس وللغير فقط بدون تجديد وترخيص يجبر المشترى على تسجيل السياره باسمه قبل نهاية الرخصة كى يعرف يجدد الرخصه

المشاركة الأصلية كتبت بواسطة wera

السعر كويس وخصوصا على المصاريف الى انت قولتها ولو عرفت قرص عليه فى 500 زياده يبقى خير وبركه لكن السعر كده كويس جدا كمان وخصوصا فى ظل ركود السوق ولكن لا ترخصها سوا سنه واحده واحذر انك تديله توكيل بتجديد وترخيص السياره وحملة مصاريف التجديد والترخيص للسنه دى لو ماعرفتش تخليهم 21500 لانك لما تديله توكيل بالتجديد والترخيص سوف تظل السياره باسمك وتدفع ضريبة رفاهيه على السياره الجديده وسوف تظل الى ان يشاء الله باسمك ممكن اسبوع ممكن شهر ممكن 20 سنه وانت عمال تدفع ضريبة رفاهيه لكن التوكيل للبيع للنفس وللغير فقط بدون تجديد وترخيص يجبر المشترى على تسجيل السياره باسمه قبل نهاية الرخصة كى يعرف يجدد الرخصه

كلام جميل

المشاركة الأصلية كتبت بواسطة د.أبونضال

السلام عليكم أعزائي
النهاردة جه تاجر من دمنهور وشاف العربية واتفقنا على 21500 من غير أي مصاريف عليَّ غير السنة الرخصة المكسورة عليّ ... وفعلا كتبنا العقود ودفع 19000 جنيه على أن يأخذ السيارة ويعمل شغل السمكرة اللي فيها ويرمم الدهان ويرجع علشان أرخصها له ويدفع الباقي ... وبعد ما قبضت وخلاص هنروح نفضي العربية في البيت السمسار أخذني على جنب وطلب 500 جنيه ... على أساس إن العربية جابت 21500 أكثر من التاجر بتاع امبارح فيبقى كده هو يستحق الفلوس الزيادة ... وطبعا رفضت وقلت له إن أنا ما بدفعش أكثر من 250 جنيه لأي مكتب أوسمسار ... ودفعت له كده فعلا ... التاجر بقه لف له مائة جنيه وحطها له في إيده ...فبدأت خناقة كبيرة بينهما ...السمسار عايز 250 جنيه والتاجر مش عايز يدفع أكثر من 150 ... والتاجر يقول له العربية لو "فِرِطه وناقص من حقها ألف ولا ألفين أنا أديلك اللي انت عايزة لكن العربية دي لسه فيها مصاريف " واتخانقوا مع بعض ووقفنا بتاع عشر دقائق مش عارفين نعمل إيه ... فالسمسار علشان يضغط على التاجر أصر يفض البيعة .. فقمت مديله الفلوس فقعد يعدها ... وقعدوا هما الاثنين يتفاوضوا ويتخانقوا والسمسار يقول للتاجر إشمعنا الدكتور دفع 250 والتاجر يقول له يا جدع ده زبون إنما أنا على باب الله .... الخلاصة اتضايقت جدا وحسيت إن أنا بيتنصب عليَّ ...فقمت مقطع العقود وواخد الرخصة وماشي وسيبتهم يكملوا خناق ... وبيني وبينكم كده أحسن ...أنا أروح أقف بيها في سوق المنصورة كل يوم أربع لغاية ما تتباع أحسن من النصب ده.

ليه !!!!!!!!!!
انت كنت ريحت دماغك من الكلام ده كله وكنت اخدت فلوسك ومشيت وهما يولعوا فى بعض ولازم المشترى هيرجعلك تانى لان العربيه تعتبر زى البيت الوقف ياما تبعهالووا رسمى ياما ياخد فلوسه وكان ساعتها لو حب يرجعلك العربيه فى نفس اليوم كان هيدفع غرامه لانه رجع فى البيعه بعد ما اخد العربية وساعتها كان هيتفاوض مع السمسار علشان مايخسرش االبيعه وكده مش نصب انت ريحت دماغك من السوق وقرفه ونصيحه لو هتتعامل مع سمسار تتفق معاه من البدايه الى اول شرط اخره نور قوله اانا عايز مثلا 21500 والزياده بتاعتك حتى لو كانت 10 الاف ولو بعت بـ 21500 ليك فيهم 100 مثلا كان مفتحش بؤه معاك وكان هيتمملك البيعه برضه لانه احسن من مافيش
يالا المعوض مخلف