مـــركــز مــنصـــور bmwمــميـــزات وعـــــيوب بالصـــــور

السلأم عليكم ورحمة الله وبركاته
شوفوا ياجماعة الموضوع ده انا عمله عشان الناس تستفاد منه وكمان عشان يزودوا عليه وكل واحد يكتب ايه اللى شافه كويس وعجبه فى مركز منصور , وأيه اللى شافه وحش ومش عاجبه , وكمان ياريت يكتب دفع كام مصنعية عشان الأشتغالأت وعشان الناس تبقى بردوا عارفة سعر المصنعية بيلعب فى كام

بسم الله نبدأ الحوار ..
أنا كان عندى مشكلة فى العفشة وكمان كان عندى العربية بتسخن
رحت مركز منصور الساعة 3العصر وخلصت الساعة 10 بالليل , كشف عليها واحد صنيعي عنده أسمه كارم وخدوا بالكم من الأسم ده كويس وجه بعدها واحد تانى أعطانى ورقة عشان أكتب بينات العربية فيها لأن هما بيعملوا لها ملف على الكمبيوتر للمتابعة
المميزات :
1- تم الكشف على العربية من الصنيعي وجه منصور شافها وأتاكد من كلأم الصنيعي أن الحاجات دي لأزم تتغير وحدد المصنعية
2- بعد العربية ما خلصت والصنيعي ركٌب كل حاجة , جه منصور ونام تحت العربية وقعد يراجع على شغل الصنيعي ويربط كل حاجة بنفسه تانى ودي حاجة كويسة جداً بتخلي الصنيعي ما يعكش لأنه عارف أنه هايتراجع على شغله من الأسطى الكبير

العيوب :
1- أولأً المقابلة مش حلوة خالص سواء من منصور أو من الصنيعية , يعنى تحس كده أنك رايح تصلح عندهم 128 وأنك جيت فى مكان غلط
2- مفيش مكان ممكن تقعد فيه وتستريح أثناء الشغل اللى بيتم فى العربية فبتكون النتيجة أنك بتفضل أنت والعربية مرمى فى الشارع بالساعات
3- منصور ماعندوش قطع غيار خالص وكمان مفيش جانبه محلأت بتبيع قطع غيار البى أم غير محل واحد بس , والصنيعي اللى أسمه كارم عند منصور بيكلمهم على التليفون عشان يظبط عمولته معاهم, وطبيعي أن أنت الزبون اللى بتحاسب على المشاريب كلها وبتشيل الليلة , والله وأعلم هل قطع الغيار اللى فى المحل ده أصلية ولأ مضروبة وبتتباع على أنها أصلية ومحطوطة فى علب بتاعت الأصلى.
4- منصور سايب الصنيعية يقطعوا فى الزبون وبصراحة أسلوب الصنيعي اللى أسمه كارم ده مقرف وبتاع أشتغالأت كتير وطماع , وكل شوية أدي ياباشا الواد عشرين جنيه عشان يروح يركٌب الجلب , أدى الواد 70 جنيه حق التركيب , هات 20 جنيه عشان نلحم الطاسة اللى وراء الطنابير ونفك المسمارين اللى فيها, خد أتصللي بالرقم ده من موبايلك
5- منصور ماعندوش مكن لتركيب البطاحات والجلب وديه حاجة بتخليك لعبة فى أيد الصنيعية وسبوبة ليهم عشان يشتغلوك

الخلأصة : أنا ماستريحتش عندهم وأعتقد أن منصور لو هاتروح له فيبقى تشيله للحاجة التقيلة أوى فى الميكانيكة يعنى اللى عاوزة شغل وحرفنة لأنه واضح أنه فاهم, لكن لو هاتركٌب عفشة زي انا ماعملت , فمن رأي تروح تجيب حاجتك كلها من عمرو النشار فى الحرفين وهو تاجر له أسمه وبيتاجر فى الجديد والأصلى وبعدين تأخد الحاجة دي وتركبها عند أى عفشجى محترم.
بالنسبة لموضوع السخونية اللى كانت فى العربية عندي ,فالصانيعي معملش فيها حاجة لأنه خد وقت كتير فى العفشة وقال لى تعالة بكرة وأحنا نكمل ,, أتضح لى بعدها وأنا فى الحرفين أثناء ما كنت بشترى مروحة للتكيف أن الريداتير ملحوم من الجنب ومسمار الهواء ممسوح وبايظ ,وكمان قميص مروحة الموتور مكسور من تحت وكمان مروحة الكالتش اللى بتبرد الموتور مكسور منها ريشة , تم تبديل كل هذه الأشياء بأخرى جديدة والحمد لله أتحلت المشكلة ومفيش سخونية خالص .
أنا ياجماعة كتبت رأئى بمنتهى الأمانة والحيادية , وياريت كل واحد أتعامل مع منصور يكتب رأيه ويقول دفع كام
أنا على فكرة دفعت مصنعية عفشة150 جنيه ولكن مع الأشتغالأت الأخرى فالمجموع 280 جنيه
والله وأعلم

نشوف بقى الصور والعربية فى الأنعاش

فـــرخة والأســـطى كـــــــــارم

http://www7.0zz0.com/2012/06/25/23/240549388.jpg

http://www7.0zz0.com/2012/06/25/23/504231443.jpg

http://www7.0zz0.com/2012/06/25/23/406735382.jpg

http://www7.0zz0.com/2012/06/25/23/621483188.jpg

http://www7.0zz0.com/2012/06/25/23/420336111.jpg

http://www7.0zz0.com/2012/06/25/23/638872438.jpg

وده الأسطى كارم
http://www7.0zz0.com/2012/06/25/23/208766771.jpg

تم بحمد الله

مكان لا يليق إطلاقا بالعربية دى .......... ضايقتنى

اسأل استشير قبل ما تدبس يا كبير

عادى اغلب الصنايعيه كده مهما كانوا كويسيين فى بدايه شغلهم وإنما ده بيمتاز انه بيكشف على الشغل اللى عمله الصنايعى بعد كده .

تسلم على مجهود

اقتباس:

---

المشاركة الأصلية كتبت بواسطة sheko_2000eg

اسأل استشير قبل ما تدبس يا كبير

---

فعلأُ , لأ خاب من أستشار وماحدش بيتعلم ببلأش
طب يا ترى يا شريف باشا ترشح مين يكون أستاذ فى ميكانيكا البى أم ومحترف وطبعاً السعر يكون حنين:colsmil:

اقتباس:

---

المشاركة الأصلية كتبت بواسطة haitham1985

مكان لا يليق إطلاقا بالعربية دى .......... ضايقتنى

---

هى دي مصر يا باشا .. عماتاً كبر الجي وروق الدي

اقتباس:

---

المشاركة الأصلية كتبت بواسطة akmm

عادى اغلب الصنايعيه كده مهما كانوا كويسيين فى بدايه شغلهم وإنما ده بيمتاز انه بيكشف على الشغل اللى عمله الصنايعى بعد كده .

---

هي دي فعلأ الحسنة الوحيدة اللى عنده , أنه بيكشف على الشغل بتاعه
أما بقي بالنسبة للصنيعية بشكل عام فتصدق بالله كرهونى فى حياتى على مدار الأسبوع اللى فات كله , ولو أنا كنت طولت معاهم شوية زيادة عن أسبوع فمش بعيد كنت أرتكبت جريمة مع واحد منهم .. ياراجل دا أنت لما بتكلم أى واحد منهم وتقول له مثلأ خد بالك ربط على الحتة دي كويس ولأ أعمل كذا فى العربية , فبيرد عليك وهو قالب وشه ويقولك ياباشا لو فيها حاجة انا ملزم بيها ويقطم معاك عشان ماتفتحلوش حوارات تانى

بص ياباشا كان لى تجربة مع مركز عيد سعيد فى الحرفييين ....اولا هما شطار جدا ماشاء الله ولو عند أكثر من حلجة فى العربية ممكن تلاقى 2 أو 3 صنايعية شغالين فيها ...بس كالعادة :
- لازم تراضى الرجالة وكل واحد يجى ( يحك ) فيك سورى على الكلمة بس ملهاش تعبير تانى إنت أكيد فاهمنى
-كل قطعة غيار بتلاقى الصنايعية بيتخانقوا مع بعض علشان مين اللى يجيبها ويطلع مصلحة (فعلا تحس إنك بيتعمل عليك شغل الحاجة لو ب 50 ج بيقولك 100 ج وانت تفاصل فتاخدها ب 80 ج فبرضوا انت اللى خسران)
- غلاء المصنعية جدااااااااااااااااااااااا اااااااا انا دفعت 600 ج مصنعية تخيل !!!!
- مفيش مكان محترم تقعد فيه

أخيرا أنا دلوقتى نفسى أعمل حاجات كثير بس مش لاقى صنايعى يراعر ربنا ويكون فاهم ويكون رخيص ..
-

اقتباس:

---

المشاركة الأصلية كتبت بواسطة jackson_75

فعلأُ , لأ خاب من أستشار وماحدش بيتعلم ببلأش

طب يا ترى يا شريف باشا ترشح مين يكون أستاذ فى ميكانيكا البى أم ومحترف وطبعاً السعر يكون حنين:colsmil:

---

و الله انا عن نفسي بروح لميكانيكي في عين شمس بيزبطني جدا و متخصص بي ام هو في شارع متفرع من شارع احمد عصمت
لو قريب منك المكان قولي

هو فعلا المكان هناك تعبان جدا والمقابلة زبالة
الصراحة تحس ان كلهم هناك دكاترة تخصص نادر جدا
بس الصراحة منصور لحقنى انا كنت هلبس بى ام 320 جايبة فتيس وهو الى نبهنى
ورحت كشفت فى التوكيل قالو نفس الكلام بتاعو ورحت مخصوص لى عشان اشكرو

شكرا ياباشا على التقرير

نفس انطباعى بالظبط اول واخر مره رحتله اول ماجبت العربيه من سنه..يغور بتناكته!!

العكس تماما بقى لقيته مع الشيخ طارق ف الكيلو 4ونص..المكان واسع ونضيف ومحاط بسور عن الشارع, تحس انها ارض بتاعته..تقدر تقعد بسهوله..الصنايعيه كلهم مؤدبين جدا وماحدش بيتدخل فى الشغل الا بأمر من طارق نفسه..قطع الغيار بتيجى بالتليفون منه نفسه من عند سامح شكرى اللى ف دمشق وده محل ثقه.

الصراحه انا مرتاح معاه جدا ربنا يباركله

اقتباس:

---

المشاركة الأصلية كتبت بواسطة maskeen

شكرا ياباشا على التقرير

نفس انطباعى بالظبط اول واخر مره رحتله اول ماجبت العربيه من سنه..يغور بتناكته!!

العكس تماما بقى لقيته مع الشيخ طارق ف الكيلو 4ونص..المكان واسع ونضيف ومحاط بسور عن الشارع, تحس انها ارض بتاعته..تقدر تقعد بسهوله..الصنايعيه كلهم مؤدبين جدا وماحدش بيتدخل فى الشغل الا بأمر من طارق نفسه..قطع الغيار بتيجى بالتليفون منه نفسه من عند سامح شكرى اللى ف دمشق وده محل ثقه.

الصراحه انا مرتاح معاه جدا ربنا يباركله

---

طاق كويس جدا جدا بس برده عيبه قطع الغيار بعيد وده بيخليك يأما يبقى معاك عربية تانية علشان تجيب الحجات يأمه تودي العربية لحد في الحرفين جنب كل حاجه ,يأما تلبس اي غلطة او سرقة ي قطع الغيار

اقتباس:

---

المشاركة الأصلية كتبت بواسطة legend_mohsen

طاق كويس جدا جدا بس برده عيبه قطع الغيار بعيد وده بيخليك يأما يبقى معاك عربية تانية علشان تجيب الحجات يأمه تودي العربية لحد في الحرفين جنب كل حاجه ,يأما تلبس اي غلطة او سرقة ي قطع الغيار

---

اسمحلى اختلف معاك تماما...قطع الغيار بتيجى مع مرسال من محلات قطع الغيار زى سامح شكرى على موتوسيكل وبيكون معاها فاتوره كمان لو طلبت.. ولو مش عايز تجيبها بالتليفون ياسيدى خد تاكسى ب 10 جنيه لحد شارع دمشق وهاتها..المكان امان والناس امينه

اقتباس:

---

المشاركة الأصلية كتبت بواسطة maskeen

شكرا ياباشا على التقرير

نفس انطباعى بالظبط اول واخر مره رحتله اول ماجبت العربيه من سنه..يغور بتناكته!!

العكس تماما بقى لقيته مع الشيخ طارق ف الكيلو 4ونص..المكان واسع ونضيف ومحاط بسور عن الشارع, تحس انها ارض بتاعته..تقدر تقعد بسهوله..الصنايعيه كلهم مؤدبين جدا وماحدش بيتدخل فى الشغل الا بأمر من طارق نفسه..قطع الغيار بتيجى بالتليفون منه نفسه من عند سامح شكرى اللى ف دمشق وده محل ثقه.

الصراحه انا مرتاح معاه جدا ربنا يباركله

---

ياباشا لأشكر على واجب وأحنا كلنا أخوات , أنا كنت عاوز منك لو سمحت رقم تليفون طارق والعنوان بالتفصيل يعنى أزاى أروح له وطريق يكون سهل ومختصر

اقتباس:

---

المشاركة الأصلية كتبت بواسطة sheko_2000eg

و الله انا عن نفسي بروح لميكانيكي في عين شمس بيزبطني جدا و متخصص بي ام هو في شارع متفرع من شارع احمد عصمت
لو قريب منك المكان قولي

---

مافيش مشاكل.. شغال,, بس ياريت بعد أذنك رقم التليفون والعنوان بالظبط

الشيخ طارق
01222752330
تحت كوبرى الجيش الجديد عند الكيلو 4ونص مباشرة
اسال عنه اى حد هناك هو مشهور قوى والمكان واسع ومريح نفسيآ

اقتباس:

---

المشاركة الأصلية كتبت بواسطة maskeen

الشيخ طارق
01222752330
تحت كوبرى الجيش الجديد عند الكيلو 4ونص مباشرة
اسال عنه اى حد هناك هو مشهور قوى والمكان واسع ومريح نفسيآ

---

ألف شـــــــــــــــــــــــك ر

اقتباس:

---

المشاركة الأصلية كتبت بواسطة maskeen

الشيخ طارق
01222752330
تحت كوبرى الجيش الجديد عند الكيلو 4ونص مباشرة
اسال عنه اى حد هناك هو مشهور قوى والمكان واسع ومريح نفسيآ

---

سلام
متابع معاكم الموضوع علشان بصراحة اتنفخت من التوكيل - فهل يا ترى الشيخ طارق بيتعامل فى ال e90؟ عنده الكمبيوتر بتاعها و يكشف عليها و كده؟
لك كل الشكر

والله ماعرفش موضوع ال e90 ده..بس حضرتك اتصل واسأله عادى

هو منصور زمان كان كويس .. بس بالبلدي العيشة ارتاحت .. ومعدش يلزمه عارف ان الزبون لو سابه هييجي عشرة غيره ودي بتبقى بداية النهاية لاي صنايعي .. ومعدش بيشتغل بايده الي حد ما كبير .. مع انه لسه شاب يعني المفروض يتعب .. هو بس بيشيك على شغل الصنايعية .. واخوه بقه اللي ماسك ورشة الحرفيين حاجة يعني تقرف .. التعامل معاه يجيب الضغط والسكر والزيت .. وانا ارشح طارق لاي حد المهم في الصنايعي انه يكون في ضمير .. يشتغل بما يرضي الله ولو ميعرفش في الحاجة ميفتيش .. لما رحت ورشة الحرفيبن ودخلت منصور .. عملت زبون عبيط عشان اعرف هو محترم ولا لا .. وانا رايح وعارف في ايه في عربيتي لاني حافظها مسمار مسمار .. قالك بقه ده افندي والقميص والبنطلون وعشان بقى جايله من طنطا يبقى جاي من الارياف و الختم منور على قفاه .. قولتلو شوف يا اسطى العربية مالها قالي فيها ايه قولتله معرفش شوف انت .. قاعد يتكم في شوية كلام تلت تربعه هبل والربع صح .. وكان يستهبل في اسعار قطع عايز هو يجيبهالي .. قال وغسيل ردياتير 150 من غير يفتحة ويسيخه و يغسله من جواه و الواير بتاع فتح الكبوت ب 90 جنيه و50 تركيب يعني شوية عبط مع اني لو جبت سلك فرامل بتاع عحله هركبه وهو هو .. الفكرة انك ازاي تتقلب و انت هناك .. قلتله عندك يا اسطى . قلتله بس يا اسطى انت بتعمل ايه .. العربية فيها كذا وكذا وكذا اتغل يا اسطى وقف ساكت كده وقالي ماشي يا بيه و كان زهقان بقه وقرفان ما مش هيعرف يطلع مني بال 200 جنيه الزيادة اللي هيضربهم في جيبه من ورا منصور .. وقفت فوق دماغه هو والواد اللي معاه ويقولي روح هات كذا وانا اقوله لا ابعت عيل يروح .. المهم خنقته وعملي الشغلانه بتاعتي واديته كله اول عن اخر 70 جنيه وقالي ايه ده انا بشرب بيهم سجاير في اليوم .. قولتله خلاص يا عم ربنا يديك الصحة انت بتشربلك ست علب في اليوم ولا حاجة .. قولتله ده اخري ومش دفع فلوس تاني هتاخدهم ولا بلاش منه خالص .. لما بدأ صوتي يعلا بقه وهعمله شبوره اتلم والواد اللي ماه قاله خلاص بقه يا اسطى مش هنعمل مشكلة وبتاع .. قلق برد\ه العربية كانت فاميه ونمر سودة والنسر كان على النمر .. كان قبل الثورة القصة دي .. قالك ظابط وهيعملنا حوار .. خدعه بتدخل على الصنايعيه من غير ما تفتح بقك .. ودي كانت تجربتي مع منصور .. ولا انصح بيه تماما في اي صيانه .. الا حالة واحده منصور بيقف عليها بنفسه .. تسقيط المواتير ودي اكتر حاجة شاطر فيها .. وبالنسبة للكهربا عندكوعصام منصورة ورا مجدي البيومي بتاع الاوربي الاستيراد

اقتباس:

---

المشاركة الأصلية كتبت بواسطة ghost2

هو منصور زمان كان كويس .. بس بالبلدي العيشة ارتاحت .. ومعدش يلزمه عارف ان الزبون لو سابه هييجي عشرة غيره ودي بتبقى بداية النهاية لاي صنايعي .. ومعدش بيشتغل بايده الي حد ما كبير .. مع انه لسه شاب يعني المفروض يتعب .. هو بس بيشيك على شغل الصنايعية .. واخوه بقه اللي ماسك ورشة الحرفيين حاجة يعني تقرف .. التعامل معاه يجيب الضغط والسكر والزيت .. وانا ارشح طارق لاي حد المهم في الصنايعي انه يكون في ضمير .. يشتغل بما يرضي الله ولو ميعرفش في الحاجة ميفتيش .. لما رحت ورشة الحرفيبن ودخلت منصور .. عملت زبون عبيط عشان اعرف هو محترم ولا لا .. وانا رايح وعارف في ايه في عربيتي لاني حافظها مسمار مسمار .. قالك بقه ده افندي والقميص والبنطلون وعشان بقى جايله من طنطا يبقى جاي من الارياف و الختم منور على قفاه .. قولتلو شوف يا اسطى العربية مالها قالي فيها ايه قولتله معرفش شوف انت .. قاعد يتكم في شوية كلام تلت تربعه هبل والربع صح .. وكان يستهبل في اسعار قطع عايز هو يجيبهالي .. قال وغسيل ردياتير 150 من غير يفتحة ويسيخه و يغسله من جواه و الواير بتاع فتح الكبوت ب 90 جنيه و50 تركيب يعني شوية عبط مع اني لو جبت سلك فرامل بتاع عحله هركبه وهو هو .. الفكرة انك ازاي تتقلب و انت هناك .. قلتله عندك يا اسطى . قلتله بس يا اسطى انت بتعمل ايه .. العربية فيها كذا وكذا وكذا اتغل يا اسطى وقف ساكت كده وقالي ماشي يا بيه و كان زهقان بقه وقرفان ما مش هيعرف يطلع مني بال 200 جنيه الزيادة اللي هيضربهم في جيبه من ورا منصور .. وقفت فوق دماغه هو والواد اللي معاه ويقولي روح هات كذا وانا اقوله لا ابعت عيل يروح .. المهم خنقته وعملي الشغلانه بتاعتي واديته كله اول عن اخر 70 جنيه وقالي ايه ده انا بشرب بيهم سجاير في اليوم .. قولتله خلاص يا عم ربنا يديك الصحة انت بتشربلك ست علب في اليوم ولا حاجة .. قولتله ده اخري ومش دفع فلوس تاني هتاخدهم ولا بلاش منه خالص .. لما بدأ صوتي يعلا بقه وهعمله شبوره اتلم والواد اللي ماه قاله خلاص بقه يا اسطى مش هنعمل مشكلة وبتاع .. قلق برد\ه العربية كانت فاميه ونمر سودة والنسر كان على النمر .. كان قبل الثورة القصة دي .. قالك ظابط وهيعملنا حوار .. خدعه بتدخل على الصنايعيه من غير ما تفتح بقك .. ودي كانت تجربتي مع منصور .. ولا انصح بيه تماما في اي صيانه .. الا حالة واحده منصور بيقف عليها بنفسه .. تسقيط المواتير ودي اكتر حاجة شاطر فيها .. وبالنسبة للكهربا عندكوعصام منصورة ورا مجدي البيومي بتاع الاوربي الاستيراد

---

كلأمك ده بيأكد نفس كلأمى بخصوص النهب بتاع الصنايعية اللى عنده ,,والله ما بيسبوش فرصة الأ لما بيسحبوا منها فلوس وللأسف ما بيشبعوش أبداً وطريقتهم مكشوفة أوى ورخمة

والله كل الكلام ده بيأكدلى ان الشيخ طارق بالفعل يعتبر رحمه وافضل الموجودين

راجل بسيط وايده ف الشغل على طول وعنده صبر

انا معاه حاليا فى مشكله تافهه ولما نجيب القطعه اللى مطلوبه والمشكله تتحل هاحكى عنها هنا بالتفصيل للفايده

اقتباس:

---

المشاركة الأصلية كتبت بواسطة maskeen

والله كل الكلام ده بيأكدلى ان الشيخ طارق بالفعل يعتبر رحمه وافضل الموجودين

راجل بسيط وايده ف الشغل على طول وعنده صبر

انا معاه حاليا فى مشكله تافهه ولما نجيب القطعه اللى مطلوبه والمشكله تتحل هاحكى عنها هنا بالتفصيل للفايده

---

ليه فى التكييف؟

لا طبعا
ده ميكانيكى..يعنى مش بتاع تكييف ولا سمكره ولا كهربا