على فكره يا صديقى.....مينفعش تقوللى روح وإسأل وقوللى.....يمكن دى طريقتك فى الكلام لكن خللى بالك انى معرفش حضرتك ومعرفش قصدك...واحنا فى مجتمع افتراضى.....يعنى ولا انا شايفك ولا انت شايفنى عشان اعرف من لهجتك وتعبيراتك قصدك......خللى بالك عشان محدش يزعل منك....وترجع تقول انها شخصنه...وانك هتسيب المنتدى...!!...منقدرش نزعللك...!!!
حاجه تانيه طالما اختصرت مشاركتى فى الثلاث نقاط دول....
أنا حاليا مش فى مصر أصلا ومش من كتير.....من شهر و 11 يوم بالظبط.....يعنى مش هسأل وأقولك...أنا بالفعل سافرت واشتغلت والحمد لله..وناس كتير معانا فى المنتدى سافرت فى الفتره اللى فاتت....لو الرزق ضاق عليك فى مصر شوف مؤهلاتك وامكانياتك وربنا يوفقك فى مكان تانى..لأن الرزاق واحد فى كل مكان....والرزق واحد فى كل مكان....ومن مشاركاتك انا حاسس انك قاعد ال 24 ساعه قدام النت...يمكن شغللك مرتبط بالنت؟
يمكن بتدور على فرصه؟
عموما ربنا يوفقك...!!
تانى نقطه...
انا متفق معاك فى ان المشكله مش فى مصر..المشكله فينا احنا...غير فى نفسك...وإبدأ بنفسك...وبعدين أثر فى اللى حوالييك...يمكن تكون سبب اننا نتغير للأحسن....
على فكره احنا مش وحشين قوى ونستاهل الحرق زى ما حضرتك شايف....ومش بهايم يتتساق بالعصايه......ومش همج ميعرفوش النظام...إحنا لسه بنتعلم ازاى نلتزم.....وإن شاء الله هنبقى حاجه بس اللى بيتفلسف يبطل فلسفه وإحباط فينا....!!
خليك لابس نظاره الواقعيه.....ورجليك على الأرض....اوعى تحلم....!!
لحسن الحلم يتحقق وتبقى مصيبه.......اوعى تفكر ان الوضع هيبقى احسن......!!!
سيب المنتدى الوحش اللى بينفسنوا عليك فيه ده...!!
سيب البلد الوحشه اللى هتضيع وقتك ومستقبلك دى..!!
أوعى تواجه....أوعى تقول أسعى وأتعب...هيا ناقصه بهدله!!!
طب الكلام ده انت يرضيك؟؟!!!!!!!!
فكر تانى....وتالت......وقبل ما ترد....فكر رابع.....!!
المفضلات