فيات 500 ... تتحول إلى ميني سوبر كار

**Nader** · 26-06-2012 11:40 AM

نايل موتورز
كتب نادر الطرابيشي

فيات 550 إيطاليا - NileMotors

سيارة صغيرة تمتلك 550 حصانًا ليست بالشيء المألوف!

هذا ما طورته بالفعل شركة التعديل الإيطالية “لازاريني” مستخدمة ايقونة فيات “فيات 500″ لتحول تلك الصغيرة إلى وحش كاسر وسريع للغاية.

قامت شركة التعديل بعمل عدة تعديلات جوهرية للسيارة فقد تم تعريض جسم السيارة وتنفيخ الرفارف الجانبية للسيارة، كما قامت بتدعيم شاسيه السيارة ليتحمل وزن المحرك الجديد ثماني الأسطوانات الذي تم استخلاصه من سيارة فيراري إيطاليا 458 والذي تم تركيبه في الخلف وليتحمل السرعات الجديدة التي يمكن لتلك الصغيرة الوصول إليها.

عدلت الشركة السيارة لتكون أكثر ديناميكية في مواجهة الهواء فقد تم تركيب جناح خلفي “سبويلر” عملاق لتمنح السيارة إمكانية الوصول إلى سرعات أعلى في.....|شاهد باقي الصور والخبر على موقع نايل موتورز|

**mohamed_rhem** · 26-06-2012 12:14 PM

ياتري ده ممكن تعمل ايه مع السيريون بتاعتي 1000 سي سي ذات ال 68 حصان

**Elawany13** · 26-06-2012 12:21 PM

مفيش حل للصور المفلطحة اللى فى موقع نايل موتورز !!!!
شكلها مش مستساغ ومبوظة المنظر

**shaddadfalcon1** · 28-06-2012 03:32 PM

مش عارف بس ملهاش اي معني اني اجيب عربيه 1600 سي سي او اكتر او اقل شويه واحط فيها موتور 8 سيلندر
كده ملهاش معني

وبعدين الفيراري ايطاليا 570 حصان مش 550

**Formulator** · 30-06-2012 01:28 PM

المشاركة الأصلية كتبت بواسطة shaddadfalcon1

مش عارف بس ملهاش اي معني اني اجيب عربيه 1600 سي سي او اكتر او اقل شويه واحط فيها موتور 8 سيلندر
كده ملهاش معني

هى مش 1600، وفيات معندهاش دلوقتى مواتير 1600 بنزين (إستبدلوها بـ1400 تربو)..؟!!
- الـ500 بتنزل مواتير 1300، 1400 Fire و 900cc ملتى-أير. و بتنزل تربو فـ نسخ الأبارث 135-160 لحد 180-205 حصان (كلهم 1.4 Turbo).

بالنسبة لجزئية ليها معنى.. لأ هى Pocket Rocket بمفهوم الـTuners طبعا..!!

وبعدين الفيراري ايطاليا 570 حصان مش 550

ما هما عملوا De-tune لموتور الـ458 من 563 حصان لـ 543 حصان (قللوا قوته 20 حصان فقط)،
قالك عشان مايفرتكش العربية؟؟!!! ههههههههههههههههههههه يعنى جت عـ الـ20 حصان؟!!

بس الحقيقة هى أفورة برضه من Lazzarini..؟؟!!!
- يعنى Hamann عامل نسخة 265 حصان.. محرك أمامى ودفع أمامى
- و Lucarelli Monzaعامل نسخة 280 حصان.. محرك خلفى ودفع خلفى؟؟؟!!
(بنفس موتورها الـ1.4 T-JET بتاع فيات)

والأخيرة دى Motore Centrale تسارعها وهمى: من 0-100 فـ 3.7 ثانية (يعنى زى الفيررارى والبورشه وسوبر-كارز كتير)؟؟!!!

RWD Abarth 500 Test Drive in Monaco streets! - YouTube

أيــــــــــــــه بقى اللى هتعمله نسخة الـLazzarini بالـ550 حصان دول؟؟ إلا إذا كانت هتطلع لحد 100 فـ ثانيتين ولا حاجة (كده بقت هيبر-كار زى اللامبو والبوجاتى).

- هو طبعا مجرد تعديل شاسيه العربية لـRWD مع باور كده ووزن خفيف.. أكيد بتبقى صاروخ، بس أيه يعنى؟؟!!!

Rgds،