استفسار عن اوكتافيا اليجانس 2012 ضرورى

**عمرو يحيى** · 27-06-2012 01:07 AM

up
up
up

**szaalouk** · 27-06-2012 12:40 PM

ربنا يوفقك في الشراء بأذن الله

**zaza2020** · 27-06-2012 01:49 PM

السلام عليكم

ربنا يوفقك فى اختيار ماتريد .. ولكن عندى رأى فى التوب لاين ده .. اللى واصلت معاك لحد 207 .. اتفرج على فوكلس جيتا الجديده .. جميله جدا جدا .. وحاجه تقفيل المانى على ابوها .. مش بقول ان الاسكودا وحشه .. لا طبعا .. دى عربتى وبحبها جدا والحمد لله ..بس نصيحه اتفرج على جيتا الجديده .. وسعرها 205 .. و 1400 سى سى .. يعنى توفير بنزين .. مش هتخسر حاجه

تمنياتى لك بحسن الاختيار

اخوك احمد

**عمرو يحيى** · 27-06-2012 05:11 PM

انا فكرت فى الجيتا
بس اولا 1400 سى سى الأوكتافيا احسن
وسعرها 225 الهاى لاين او اقل حاجة بسيطة
فيها حاجات كتير ناقصة عن الاوكتافيا
بجانب ان انا شوفت كتير من الاعضاء عمل مقارنة بين الأتنين والاوكتافيا هى اللى كسبت
بارك اللى فيك يا استاذ محمد على النصيحة

محدش برده رد عليا الـ 207 دى كتير ولا كويس عشان انا كنت عارف انها عامله 203 لحد 205 اخرها

**luckyman** · 29-06-2012 10:08 AM

انا برضة ان شاء الله كنت نويت انى اجيب اوكتافيا بس كنت مش عارف التوكيل المصرى هل بيقلل فى مواصفات المنتج
بالذات عندى استفسار بالنسبة للتكييف هل الخليجى زى المصرى من حيث اداء التكييف؟

**mazher_m** · 29-06-2012 02:34 PM

المشاركة الأصلية كتبت بواسطة luckyman

انا برضة ان شاء الله كنت نويت انى اجيب اوكتافيا بس كنت مش عارف التوكيل المصرى هل بيقلل فى مواصفات المنتج
بالذات عندى استفسار بالنسبة للتكييف هل الخليجى زى المصرى من حيث اداء التكييف؟

تكيف الفانتازيا وكيل تحفه لا غبار عليه
عن تجربه افضل من نيسان صني وتويوتا يارس

**عمرو يحيى** · 29-06-2012 04:43 PM

ياجماعة انا عاوز حد يجيبى من الاخر انهى احسن
الخليجى ولا التوكيل
بغض النظر عن الضمان

**mazher_m** · 29-06-2012 05:49 PM

المشاركة الأصلية كتبت بواسطة عمرو يحيى

ياجماعة انا عاوز حد يجيبى من الاخر انهى احسن
الخليجى ولا التوكيل
بغض النظر عن الضمان

خلاصه القول علشان تريح دماغك
انت نويت علي الهاي لاين ...تمام
في البدايه هتلاقي الاساسيات وعوامل الامان والعفشه والموتور واحد لكن
اعتقد ان الوكيل افضل ......
اولا الجنط 16 وده باجماع الاءراء الانسب للطرق المصريه بخلاف ال17 مبيكملش وتبتدي تظهر البلالين بسبب المطبات
ثانيا الوكيل اعلي في الارتفاع
ثالثا في تصفيح صاج اسفل الموتور في الخليجي فبر
رابعا الوكيل نازله خصيصا لمصر
خامسا اي مشكله او عيب في التصنيع الوكيل موجود فالحل سهل ان شاء الله
كده يبقي ميزه الخليجي السنسور الامامي واعتقد انه مش بيفرق كتير المهم الخلفي عشان الركنه
نيجي لفرق السعر طالما انك هاتجيب الهاي لاين يبقي مش هتفرق ال 10 تلاف الزياده في مقابل الميزات دي وفي سعر اعاده البيع الهاي لاين سواء خليجي او وكيل بيتباع تقريبا بنفس سعر الاسبورت او بزياده بسيطه
لا تنس الاستخاره

**EngAhmedSayed** · 29-06-2012 06:16 PM

المشاركة الأصلية كتبت بواسطة عمرو يحيى

بسم الله الرحمن الرحيم

ان شاء المولى

نويت اشترى اوكتافيا 2012 اليجانس

وكنت عاوز من المتخصصين بالمنتدى افادتى

ان تكرمتم كنت عاوز اعرف رأيك فى العربية بمنتهى الصراحة

وهل هى الافضل فى فئتها مقارنه بالباقى التى فى نفس الفئة والثمن

وهل هى تستاهل تمنها

ولو كانت الاجابة بأيوة

ماهو الفرق بين الوكيل والخليجى فى العربية دى "مواصفات واسعار "

وتنصحونى بأيه عشان محتار شوية:n_no[1]: .. انا سألت بس احب اتأكد منكم لانى بطمئن لأرئكم

واخيرا حتة الارتفاع عن الأرض .. مناسب ولا ايه نظامها .. ولو 4 او 5 ركاب وضعها ايه

ولو امكن اللون الأفضل عليها

ارجو سرعة الرد لو تكرمتم للضرورة
وجزاكم الله كل خير

السلام عليكم
اهلا بيك يا صديقى هنا فى قسمنا
و اتمنى يكون الاخوة و الاصدقاء افادو سياتك بالرد المناسب
الرجاء من سياتك عدم الكتابة باللون الاحمر لانه مخصص للمدخلات الادارية
حتى لا تتعرض للانذار او الايقاف
و اهلا بيك مرة اخرى و نتمنى منك المزيد
بالتوفيق ان شاء الله