الموضوع: جين ٢ ولا سيراتو ٢٠١٣ خليجي

المشاركة الأصلية كتبت بواسطة tutankhamoun

يا فندم حضرتك هاتشوفي أنتي عايزة أيه من العربية الأول
آراء الناس هاتختلف حسب الأمزجة الشخصية
فهاتوهيه أكتر ما أنت تايهة.

دي لها مميزات و دي لها مميزات

السيراتو أنتشار رهيب في فترة صغيرة قوي من يوم نزولها و بالتالي توافر أكتر لقطع الغيار - سعر اعادة بيع أفضل - اعادة بيع أسرع.

عيب الأنتشار ...... أن العربية مش مميزة .......... معاكي و أنتي راكباها .

مقارنة سريعة بين الجين 2 و السيراتو

السيراتو أقوى في الموتور .... 124 حصان تقريبا و الجين 2 ..... 110 حصان .
السيراتو الكاملة فيها مفتاح بصمة و فتحة سقف ..... مش موجودين في الجين 2 .
السيراتو الكاملة .......... أغلى من الجين 2 بمبلغ محترم .

الجين 2 أثبت و أفضل في التحكم من السيراتو و عن تجربة .
الخامات الداخلية حسب أي موديل من السيراتو هاتشتريه ......... فيه فئات زي الجين 2 و فئات أعلى من الجين 2 في الخامات.
فموضوع الخامات الداخلية مش مفتوح أن السيراتو أفضل .

النعومة ......... طبعا الجين 2 أفضل ....... السيراتو ناشفة قوي خصوصا أنها بجنط أكبر من الجين 2 (و ياريتها أثبت من الجين 2 مع نشوفية العفشة و كبر الجنط برضه الجين أفضل في الثبات و التحكم ) و في النعومة كمان خصوصا موديلات الجين 2 الجديدة ... أنعم بكتير من القديم مع الأحتفاظ بالثبات و التحكم الهايلين .

شوية عيوب للجين 2 تقابلهم مميزات للسيراتو .
توكيل السيراتو أفضل من توكيل الجين 2 .
توافر قطع الغيار أفضل طبعا لللسيراتو بحكم الأنتشار و بحكم أنها كوري .
توافق قطع غيار في الموتور ما بين السيراتو و الهيونداي النترا يعني برضه قطع غيار متوفرة .
السيراتو حجما أوسع و صالونا أوسع ....... الجين 2 رياضية أكتر في التصميم و خصوصا ميلان السقف من الخلف مخلي الناس الطويلة مش هاتكون مرتاحة بعكس السيراتو علشان الوسع .


في النهاية العربيتين مجملا حلوين جدا ....... و الجين 2 للناس الغاوية في الأساس ....... و كمان فيه فرق سعر جامد ما بين الجين 2 و أعلى فئة في السيراتو (علشان تبقى الكماليات متشابه و يبقى مثلا الخامات الداخلية أفضل للسيراتو )

أقرب سيراتو للجين 2 في السعر ................ الجين 2 تضربها في الكماليات و تشابه في التقفيل الداخلي و الكماليات و نقص عوامل أمان (وسائد هوائية و فرامل مانعة للأنغلاق ) لصالح الجين 2 .

الأهم .......... شوفي أنتي غاوية أيه و عايزة توفري فلوس و تحصلي على كماليات كتيرة ووسائل أمان مقابل سعر كويس.
عايزة سيراتو و مش فارق معاكي سعر أعلى فئة فيها ........... يبقى تدوسي في اللي يريحك في الآخر .

أستاااااااااااذ و رئيس قسم ....
أنا أرشح السيراتو ....

سيراتو عشان الشكل والتقفيل والخامات واعادة البيع وقطع الغيار والتوكيل والصيان

كلام أ. توت قال فيه كل شئ ..
والاقرب من راي الكيا ..