الموضوع: عايز تقرير عن الفيرنا

المشاركة الأصلية كتبت بواسطة ahm128

لوسمحتوا ياجماعة كنت عايز تقرير كامل عن الفيرنا ياريت التقرير يشمل استهلاك البنزين و الاداء والرأى فيها بشكل عام لانى ناوى اشترى إن شاء الله

عزيزي انا في البداية ماعنديش فيرنا لكن ركبنها وسوقتها كتير أنا شايف حماس الناس للتعليق عليها مش كتير يمكن علشان قتلت بحثا يمكن ده شجعني اقولك رأيي وطبعا انا متابع معاك راي ملاكها الي اقرب الى الحقيقة
رأيي الشخصي الفيرنا أفضل اختيار في فئتها
موتورها قوي ودي لها ميزتان الأولى مابيأثرش التكييف على سحبها بصورة ملحوظة والتانية بعد عمر ان شاء الله هيفضل الموتور بخيره ان شاء الله ده طبعا بجانب سحبها المتميز خاصة في الطلعة
ثانيا قطع غيارها متوفرة عند البقال الي تحتيك وبسعر خيالي خاصة بعد انتشارها كتاكسي رخص عن الأول كتير
ثالثا الميكانيكية بيفهموا فيها كويس يعني لو استغليت التوكيل او زهقت منه مش هتتخنق
رابعا تكييفها ثلاجة اقوى من تكييف السيراتو صدقني وعن تجارب مش تجربة
خامسا سعر اعادة البيع كويس اوي

طب عيوبها ايه
فراملها مش اوي رغم انها احسن من اللانوس
ثباتها فوق المية كيلو بيضيع تدريجيا وعلى 120 انسى يعني ماتنفعش واحد عاوز يجري
صالونها ضيق نسبيا عن اللانوس والاسبرانزا واللوجان وهما الخيارات البديلة
واطية وممكن تحك في المطبات لو هتجيب المانيول علشان عجلها 13 الاوتوماتيك 14 وممكن لو غيرت المانيول ل 14 تحل المشكلة دي ياما تاخد المطبات بزاوية علشان ماينزلش العجلتين معا من المطب وتخبط

ارجع واكرر اني افضلها عن مثيلاتها ليه علشان موتور قوي وسحب كويس وتكييف تلاجة لا يؤثر على سحبها وسعر اعادة بيع كويس واحسن من اللانوس الجديدة الشيفورليه مش الديو

وفقكم الله فيما فيه الخير لكم