الموضوع: سلسلة سلوكيات القيادة الأمنة - الحلقة السادسة (القيادة الليلية)

المشاركة الأصلية كتبت بواسطة me_medoo

موضوع رائع ياسيد باشا ... بس انا عندي تعقيب صغيـــــر
مع الاسف القيادة في مصر فن وزوق وأخلاق الا في وطننا الغالي مصــــــــــر .

انا مثلاً بشغل النور الوسط ... لأن خير الامور الوسط لكن بتفاجئ اني بخش في شارع ظلمة والاقي الي في وشي ... بيبرشلي عاوزني اطفي النور ... طيب انا هطفي النور وهو يطفي النور أومال هنسوق أزاي ... أطلع أيدي من الشباك واحسس على الاسفلت ولا اعتمد على نور القمر ههههههههههههههههه

النقطة الثانيـة :

أخر مرة كنت في الاسكندرية أتنرفزت جداً من الاسكندرانية
ماشين وراك بالعربية وقاعدين يرعشو ويقلبوا نور عمال على بطال ... والشارع فاضي بس تلاقيهم طافين لمضهم وبيبرشوو باللمض بتاعتهم وخلاص ... مما يغيظ وينرفز السواق الي قدامهم ... يعني لا عاوزين يعدو ولا عاوزين يهمدو فقلت يمكن تكون عادة أسكندرانية غريبة .

النقطة الثالثة :

على الطريق الصحراوي بالليل .
تيجي ماشي على 120 او 140 وتلاقي واحد ياعيني غلبان ماشي على 80 او 100 فأنتا بتعدي من جمبوا ناحية الشمال بعد ما تعدي تكتشف انو مش بس ماشي على مهلو لا وضارب العالي ومشغل الشبورة كمان وتبقى سابقو بكيلو أو أتنين كيلو وتبقى عاوز ترجعلوا وتقلوا يا أبن الذينة أمانوا طف نورك شوية عمتني .... الله يوصلك بالسلامة

@@@@@@@@@

وكزا مره أطلع أيدي وأشاور الي ورايا أنو يطفي نوروا ومفيش فايدة ولمن أهدي وأقول خليه يمشي قدامي وأعرفوا شغلوا ... وأفهموا يعني أيه النور العالي أبص الاقيه ياعني راجل كبير في السن أو وحده سـت وماشيه ومكلبشة في الدريكسيون ومولعه النور العالي .

أجي أكلمها تقوم خايفه مني تفتكرني من عصابة العربيات بتوع اليومين دول ... أو أكون بعاكسها ...

بقيت نفسي أركب كشفات في أكصدام العربية الخلفي
وأي واحد يكون ناسي العالي أولع النور في وش مامتوا وأعمي (ولدتوا ) ههههههههه .

ورغم أني مركب ستـارة ورى في العربية
الا أني ببص الي راكب معايا يقولي ياه ده أنتا صلعتك وسعت قووي يا محمد ... وأبص كده في المرايا الي في النص
الاقي مش بس قرعتي الي منوره لا وقفايا وقفا كل واحد راكب معايا والصالون كلوا منوووووووووور

@@@@@@@@

فأيه الحل يا سيد باشا
وتحياتي

المشاركة الأصلية كتبت بواسطة me_medoo

أه صحيح أنا فكرت

لحل حلو قوي لو الي وراك مشغل النور العالي
ومدايقك ومش راضي يطفيه
أنك تروح تجيب بجنيه مسامير من عند أي موان
وتخليه جمبك في العربية ولو الي وراك دايقك خدلك كوبشة كده وأرميلو شوية بس متكترش علشان حرام
ههههههههههههههههه

في حل تاني

خلي جمبك صندوق بيض
في العربية

أو كوبايت حاجة ساقعه

بس خلي بالك وانتا بتحدفها علي وراك
لحــــــــسن تطرطش على العربية بتاعتك
ههههههههههههههههه

أعمل أيه بس ياربي في الناس الي بتبقى ماشية وناسيه
النور العالي بتعها قايد ولا بيحسوش بالي قدامهم

والله يا أخ ميدو الموضوع معقد جداً مابين اخلاقيات الناس وبين عادات وسلوكيات وبين ضعف ابصار وبين عدم ضبط للفوانيس

انا كمان بيحصل معايا كدة وبفضل اطلع ايدي واشوح والحل النهائي اني بعدي الي ورايا واشغله النور العالي عشان يشرب من نفس الكاس

والأعجب انك لما تعدي من واحد لازم يقلبلك او يسنتر العالي في عينيك - ليه مش عارف

شكرا يا ميدو علي ردك وحلولك بصراحة في قمة الأذي
هههههههههه

اما بالنسبة لأسكندرية فانا لاحظت انهم بيتعمدوا مضايقة القاهريين اول لما يلاقي عربيتك ملاكي قاهرة او جيزة
ربنا يهدي النفوس

والله المستعان
،
،