كورســــــــــــــأت

**dede_dodo88** · 04-07-2012 01:00 AM

سيبك من كورس البنوك ده لأن الصراحة ولا ليه أي لازمة..
خليك في أي حاجة متخصصة أنت عايزها, Finance, HR, Marketing, Audit...etc

**MohammedAladel** · 04-07-2012 01:18 AM

متهيقلى كمان المعهد المصرفى بيدى دورات للطلبة

**samyyousef** · 04-07-2012 02:14 AM

البلد دية بلد شهادات....بمعنى ستجد الاعلان للوظيفة في بنك أجنبي بيشترط خريج تجارة انجليزي ...و غالبا بيشترط جيد جدا او جيد.....اما البنوك الحكومية قد لا تشترط خريج تجارة انجليزي لكن ربما تشترط الاعلى تقديرا
لا اريد أن اسبب لك احباط ..........لأن في الاخر كل شيئ نصيب...........و ممكن تتعين في مكان افضل
لذلك أنصحك بأن تتميز و تختلف عن غيرك.......فهناك خريج تجارة انجليزي ...و خريج تجارة فرنسي
لماذا لا تتقن أنت الايطالية.........فربما تجد وظيفة تتطلب اتقانها فتكون أنت احد المنافسين
يقال ان البنوك التركية تسعى للعمل في مصر............لماذا لا تتعلم التركية
ارجو الا تأخذ نصيحتي بسخرية ......فكر فيها بتأني
و تمنياتي لك بالتوفيق

**Screenplays** · 04-07-2012 02:45 AM

قبل الكورسات لازم واسطه يا صديقي

عموما خد اي سي دي ال و توفيل و سي ام ايه

**MohammedAladel** · 04-07-2012 03:15 AM

من غير واسطة لا للفساد

**Abo.Omar** · 04-07-2012 03:33 PM

يعنى انتو شايفين يا جماعه ان ال cma مناسب لواحد خريج ومش هيكون بدرى عليا ولا حاجه .. لانى سمعت ان دا بيحتاج كورسات قبله عشان اوصله... وهل فى حد خده ؟؟

**Abo.Omar** · 05-07-2012 07:35 PM

يا جماعه حد جرب مركز iba ده ؟؟؟

دا اللينك الخاص بيه

http://www.ipaorg.com/

لو سمحتو يا جماعه اللى عنده فكره كويسه جدا عن مجال البنوك والكورسات المطلوبه فيه للمبتدئين يا ريت يرد لان الوقت بيمر ولا مجال لردود المجامله او الغير مجديه

**dede_dodo88** · 06-07-2012 01:07 AM

المشاركة الأصلية كتبت بواسطة Abo.Omar

لو سمحتو يا جماعه اللى عنده فكره كويسه جدا عن مجال البنوك والكورسات المطلوبه فيه للمبتدئين يا ريت يرد لان الوقت بيمر ولا مجال لردود المجامله او الغير مجديه

مش ضروري خالص تاخد كورس عشان تتعلم أي حاجة في البنوك لأنك كده كده لو ليك نصيب و أشتغلت في بنك فالبنك هيدربك على كل حاجة تخص شغلانتك..
يبقى خليك في كورسات تنمي مهاراتك الشخصية بحث تتميز عن غيرك فيكون ليك فرصة أفضل, كمثال كورسات أنجليزي, كمبيوتر, soft skills و هكذا..
أو لو حابب بقى يبقى كورسات في مجالات متخصصة. و كمثال Finance, HR.. الخ..

**Abo.Omar** · 06-07-2012 01:14 AM

يا باشا ماهو اكيد مش هروح اقدم لوظايف وانا معايا يا دوب انجليزى و icdl وكمان كورس hr

دا غييير انى متأكد ان النتيجه هتكون مقبول وصافى على احسن احتمال

انا حابب اكون متميز شويه وانا بقدم ال cv عشان يتبصله اثناء التقديمات وانا كمان بصراحه مبحبش الوساطه

**dede_dodo88** · 06-07-2012 01:23 AM

المشاركة الأصلية كتبت بواسطة Abo.Omar

يا باشا ماهو اكيد مش هروح اقدم لوظايف وانا معايا يا دو انجليزى و icdl وكمان كورس hr

دا غييير انى متأكد ان النتيجه هتكون مقبول وصافى على احسن احتمال

انا حابب اكون متميز شويه وانا بقدم ال cv عشان يتبصله اثناء التقديمات وانا كمان بصراحه مبحبش الوساطه

بص, عشان أكون صريح معاك..
الطبيعي يعني لو مفيش واسطة فهي البنوك مبتقبلش تقدير جامعة لحديثي التخرج أقل من جيد, و في بعض الوظايف بتبقى جيد جداً كمان.
و عادي جداً على فكرة يكون معاك أنجليزي و icdl بس. بس بشرط يكون تقدير جيد عشان الـC.V يتبص عليه..
أنا مش عايز أحبطك.. فخلاص طالما أنت حابب تاخد كورس بنوك و شايف أنه هيزود فرصتك فتوكل على الله..
لكن رأيي الشخصي أنك تكمل دراستك في مجال متخصص زي اللي قلتلك عليهم, بحيث يكون فرصتك أكبر, إن ماكنش في بنك فيبقى في شركة كويسة..