شكرا أستاذ محمد هذه فعلا العربية التى أتمناها بس غالبه عليه شوية خصوصا أنى عاوز الأوتوماتك
عرض للطباعة
طيب شوف الرينو ميجان عربية ممتازة جدا جدا
هية بس طالع عليها اشاعات بالهبل بس والله مفيهاش الهوا عربية زى الفل و اسأل مالكيها عنها بجد عربية ممتازة جدا
التابلوة شيك جدا و العربية فخمة من الداخل
شكل خارجى ممتاز جدا و انسيابى و برستيج عالى
اكتر كماليات فى الفئة بتاعتها + انها 5 نجوم فى الأمان و من السيارات القليلة فى مصر الى بتنزل ب 6 ايرباجز و Abs و Ebd كل دة ستاندرد فى كل الفئات حتى المانيوال و كمان فيها كمبيوتر اعطال بيطلعلك لو فية اى مشكلة هية فين
مريحة جدا و ثابتة جدا على الأرض
توكيل محترم جدا جدا بجد بدون مبالغة و بشهادة كل مالكيها
سعرها بالنسبة لأمكانياتها ممتاز جدا
فتيس اوتوماتيك ستيبترونيك مفيهوش اى مشاكل
ضمان 3 سنين او 100 الف كم
مادام مش حتبيع قريب ان شاء الله يبقى مش فارقة اعادة البيع
يعيبها فقط ان قطع الغيار الى حد ما غالية زى ما الناس بتقول بس انا عن نفسى مش شايفها غالية فى فئتها يعنى سعرها عادى جدا جدا !
و لو قلت لأى حد بيفتى حيقعد يطلعلك فيها اى مشاكل و كلام فاضى انت اسمع من مالكيها فقط
و لو عندك اى استفسار عنها انا موجود هى سعرها من 117 للمانيوال السيدان ل 150 اعلى حاجة فى السيدان ل 160 اعلى حاجة فى الأستيت ( ستيشن )
انا رأى لو انت عاوزها عائلية بجد بص على الستيشن تحفة غير العربيات الستيشن العادية انا شايف انها من احلى العربيات الستيشن هية و ال 307 SW
و لو عاوز تشوف الصور اتفضل اللينك دة
http://www.nilemotors.net/Nile/showthread.php?t=24959
كلام حضرتك مظبوط العربيه دى مع واحد صاحبى من سنتين و بيشكر فيها جدا و اللى خلانى متردد الكلام اللى قرأته عن بعض مشاكلها فى بعض المنتديات و الغريبة أن فيه ناس بتحبها جدا و ناس بتقول أبعد عن كل الفرنسى بشكل عام لكن طبعا أنا غير مقتنع بالتعميم, لكن هل رأى حضرتك أنها أفضل من العربيات اللى ذكرتها و لا على نفس المستوى.
بصراحة لو العربية مكانتش معيوبة تبقى الميجان احسن واحدة بدون كلام بس انا مصدق جدا انها معيوبة و ملاكها هنا 8 بس فدا مش دليل على حاجة.
بس الصراحة لازم تتاكد مليار فى المية انها مش معيوبة و الكلام مجرد اشاعة .
روح التوكيل مرة او اتنين او تلاتة و قابل ملاكها بنفسك!!!
و كمان خلى بالك من حاجتين , سعر اعادة البيع فى الضياع و فى شكل جديد نازل بعد سنة ان شاء الله .
اما البدائل فانا رايى ليك اللانسر احسن اختيار , الa4 شكل قديم و وحش اوى من بره و جوه بالذات , التيوتا طالما طلعت معيوبة يبقى ابعد عنها نهائيا , السيفيك شبابى اوى و كماليتها قليلة.
احسن اللانسر , شكلها كويس , هتاخد امكانيات كويسة , عربية معروفة و محبوبة فى مصر عيبها الوحيد الموتور طبعا يعنى كلهم 1600 ماعدا هى و طبعا السعر المبالغ فى جدا.
بص تعالى نخلينا فى الميتسوبيشى نفسها
الشكل القديم
الموتور ال 1600 القديم
كان 106 حصان
الشكل الجديد 1500 سى سى
يعنى فرق 100 حصان اقل عامل 109 حصان
ودة بيرجع للتكنولوجى العالية اللى فى الموتور الجديد ال MIVEC مع نسبة استهلاك للبنزين اقل
فالحقيقة انا شايفها نقطة قوية جداً +قطع الغيار تقرياً اقل +توكيل جيد جداً + مطلوبة فى السوق وسعر اعادة بيع عالى
-بالنسبة للثبات فهو جيد لكن عند المنحنيات او المناورات على سرعة فى شوية
body roll يعنى صعوبة تحكم بسيطة نظراً لآبعاد العربية و طولها
غير كدة فى الاتجاهات المستقيمة السريعة جيدة جداً
- العزل ممتاز
-فى منها خليجى لكن بمواصفات كماليات إلا حد ما اقل وبنفس سعر التوكيل تقريباً و مش هاتبقى تبع التوكيل فى الصيانة
فا اللى من التزكيل اضمن و احسن
كل الكلام اللى انا سمعته متناقل مش من صاحب عربية مباشرة ماعدا واحد بس غير الفتيس كلملا فى الضمان و دا الكلام من صاحب العربية مباشرة و انا معرفوش شخصيا بس اعرفه عن طريق واحد صاحبى!اقتباس:
حضرتك تقصد ايه أنها معيوبه وليه مصدق أنها معيوبه؟؟ هل تعرف حد اشتكى منها؟
و بعدين الكلام دا باين من سعر اعادة البيع و اكيد مش هيطلع كل الكلام اشاعة يعنى مش معقول , بعدين لو كنت اشاعة معتقدش سعر اعادة البيع يوصل كدا!
عموما علشان انا كمان مبقاش بتناقل اشاعة يا ريت حضرتك تسال و تتاكد بنفسك و بنت عمتى كنت خلاص هتشتريها بس من كتر اللى سمعته مجبتهاش و جابت هوندا.
انا بس بقولك خليك حذر مش اكتر
حضرتك لو بتفكر فى الميجان و قلقان منها
احسن حاجة انك تشوف الموضوع دة
أعطـــــــال الميـــــجان II من مـــلاكهـــا و إصلاحــــها
دة من اصحاب العربية نفسهم على الاقل اللى فى المنتدى
ومش كل الاشعات احياناً بتبقى صادقة