مشكلتين مره واحده ف ميجى .. ربنا يستر

**MidoEmam** · 28-06-2012 11:18 AM

السلام عليكم ..
انا معايا ميجان 2006 سيدان
حصلى مشكلتين بقى انا عارف تشخيصهم بس عايز اعرف التشخيص دا صحيح ولا لا
1- من كام يوم جيت اطمن على ماية العربيه ف الاربه .. لقيت زى طبقه دهنيه كده ع المايه اول ما فتحت الاربه .. المهم اللى اتقالى ف الحرفيين ان دا بسبب جوان بتاع كوعة المايه .. وان دا تمنه 125 جنيه وبيتغير عادى جدا ومفيش مشكله .. المهم بعد ما لاحظت كده بكام يوم ومكنتش لسه عملت الجوان دا .. لقيت الكمبيوتر كاتبلى change oil soon .. بصراحة قلققت لانى لسه مغير زيت من 2500 كيلو بس وحاططلها زيت 5000 يعنى لسه قدامها مثلا 1500 كيلو عشان اغير زيت تانى وانا المفروض هعمل الكلام دا كله مع صيانة ال 100 الف ... المهم رحت راكن العربيه بقالها اهو 3 ايام ومستنى بس ربنا يفرجها عشان انزل اعمل كل دا ..
سؤالى بقى هل الكلام دا صحيح و زى ما اتقالى كده ولا الموضوع كبير ولا ايه ؟؟

2- وانا قاعد جوا العربيه فى اى وقت صبح او ليل طالما مش مشغل تكييف حاسس ان نار جهنم داخله عليا جوا من تحت عند رجلى كده .. حرارة وسخونيه غرييبه
المهم برضه ف الحرفيين اتقالى ان الموضوع دا بسبب سربنتينة السخن بتسرب !! .. وقالى انه هيلغيلى السخن خالص من العربيه وان الموضوع دا هيختفى بعدها تماما ... انا لسه معملتش اى حاجه من الكلام دا ... بس هل ااكلام دا صحيح و المشكلتين سهلين ولا حوار كبير وصعب ..
حد يرد عليا ربنا يريحكم ويباركلكم ف ميجانهاتكوا يارب :D
واسف للاطاله ..

**mmmi_2005** · 28-06-2012 01:56 PM

أنا من رأيي أن موضوع الزيت ده شيك عليه في التوكيل أضمن وأفضل (الغالي رخيص في الحاجات اللي زي كده)

أما موضوع السخونيه ممكن يكون كلامهم صح و مافيش مشكله انشاء الله

**Mohd_Adel_Amin** · 28-06-2012 01:58 PM

بص حضرتك انا مش عارف موضوع الميه ده , بس فيما يخص موضوع الزيت لو حضرتك بعد ما غيرت الزيت مصفرتش عداد الصيانة , طبيعي جدا انك تلاقي التحذير على الشاشة , لو حضرتك بتعمل صياناتك في التوكيل هما بيصفروه اوتوماتيك وبالمناسبة هما بيغيروا الزيت كمان الا لو انتا طلبت انهم مش يغيروه وممكن تاخد الزيت اللي حضرتك عايزه وتخليهم هما يحطوه في الصيانة ..
بخصوص الحرارة , الموضوع كان حصل عندي في الميجان 99 وفعلا كانت سربنتينة السخن , بس الموضوع ده ليه ثلاث علامات , انك تلاقي ميه تحت الدواسة , وانك تلاقي العربية مشبره من جوه لما تكون قافل الزجاج , وان تلاقي مية القربة بتنقص .
واستنى رأي الوحوش اكيد هيفيدوك اكثر مني ..

**momo10000** · 28-06-2012 02:01 PM

غير جوان الكولر ... واعمل ريست لشاشة بيانات التبلوة

والغي السخن.

**shawkylotfy** · 28-06-2012 02:07 PM

1. الغى السخن اصلا ملوش لزمة
2. فعلا تسريب الزيت من الكوعة بتاعت المية وبيتغير الجوان عادى
3. بالنسبة ل change oil soon حضرتك بتصفر عداد السرفس
وشكرا

**MohammedAladel** · 28-06-2012 04:39 PM

أنا برضه عندى طبقة الزيت بس خفيفة قوى على وش مياه التبريد وكمان القربة بتاعة مياه التبريد الجدار بتاعها غامق حتى مش بشوف المياه غير لما أفتح الغطاء وبالنسبة للزيت صفر عداد الزيت

**MidoEmam** · 29-06-2012 05:08 AM

المشاركة الأصلية كتبت بواسطة mohd_adel_amin

بص حضرتك انا مش عارف موضوع الميه ده , بس فيما يخص موضوع الزيت لو حضرتك بعد ما غيرت الزيت مصفرتش عداد الصيانة , طبيعي جدا انك تلاقي التحذير على الشاشة , لو حضرتك بتعمل صياناتك في التوكيل هما بيصفروه اوتوماتيك وبالمناسبة هما بيغيروا الزيت كمان الا لو انتا طلبت انهم مش يغيروه وممكن تاخد الزيت اللي حضرتك عايزه وتخليهم هما يحطوه في الصيانة ..
بخصوص الحرارة , الموضوع كان حصل عندي في الميجان 99 وفعلا كانت سربنتينة السخن , بس الموضوع ده ليه ثلاث علامات , انك تلاقي ميه تحت الدواسة , وانك تلاقي العربية مشبره من جوه لما تكون قافل الزجاج , وان تلاقي مية القربة بتنقص .
واستنى رأي الوحوش اكيد هيفيدوك اكثر مني ..

شكرا لاهتمامك .. ربنا يخلييك

**MidoEmam** · 29-06-2012 05:10 AM

المشاركة الأصلية كتبت بواسطة momo10000

غير جوان الكولر ... واعمل ريست لشاشة بيانات التبلوة

والغي السخن.

تحس ان فى ثقه ف الكلام :d .. بس شكرا جداا لردك وانت ما شاء الله من الناس المحترمه اللى بسمع عنها هنا وكان نفسى اتكلم معاها.. وانا هعمل كده بازن الله ... وربنا يستر
بس هو جوان الكولر دا اللى هو ب 125 جنيه بس فعلا ولا ايه ؟؟

**MidoEmam** · 29-06-2012 05:12 AM

المشاركة الأصلية كتبت بواسطة shawkylotfy

1. الغى السخن اصلا ملوش لزمة
2. فعلا تسريب الزيت من الكوعة بتاعت المية وبيتغير الجوان عادى
3. بالنسبة ل change oil soon حضرتك بتصفر عداد السرفس
وشكرا

شكرا يا محمد باشا .. ربنا يخليك ليا دايما معايا ف اى مشكله .. :)

**MidoEmam** · 29-06-2012 05:13 AM

المشاركة الأصلية كتبت بواسطة mohammedaladel

أنا برضه عندى طبقة الزيت بس خفيفة قوى على وش مياه التبريد وكمان القربة بتاعة مياه التبريد الجدار بتاعها غامق حتى مش بشوف المياه غير لما أفتح الغطاء وبالنسبة للزيت صفر عداد الزيت

دا بيحصل فعلا معايا ومش بعرف اشوف المايه من الاربه .. تسلم يا باشا :)