برجاء الاهتمام من كل الناس الرينوهاويه

**ESO_POP** · 22-06-2008 01:02 AM

يا جماعه انا معروض عليا عربيه رينو 19 موديل 94
فبريكه بره وجوه تكييف باور سنتر زجاج كهربا
انا بصراحه العربيه عجبانى اوى وحاسس انها محترمه بس
كل الناس مقلقينى من اسعار قطع الغيار ومخوفنى انى كمان ممكن ملاقيهاش
والمشكله التانيه ان معظم الميكانيكيه بيقولولى ابعد عن الرينو(مع انى بصراحه بحترم النوع ده) الا ان الناس بيقولولى ابعد لاعنه ولا كأنها عربيات صينى مدمره
انا مش عايز اخد قرار انى اشترى العربيه ولا لا من غير ما اخد رأى كل الناس اللى معانا هنا
بالمناسبه
العربيه متجرحه شويه خفيف(طبعا انا مسامح فى ده لانها فابريكه وموديل 94 يعنى طبيعى)
الفانوس اللى ورا فيه شرخ خفيف يعنى يمشى مش مشكله كبيره
المشكله بقى الزجاج الامامى(البربريز)فيه شرخ صغير من تحت يعنى اكيد محتاج يتغير
العربيه دى مطلوب فيها 36 الف
تفتكروا هى حالتها تستاهل ويا ترا حد يعرف اسعار قطع غيارها ايه اخبارها؟؟
ملحوظه صاحبها لسه مغيرلها اربع مساعدين وفردتين كاوتش فى فردتين تانيين يعنى يعتبر كاوتش جديد
والف شكر لكل اللى هيساعدونى

**ESO_POP** · 22-06-2008 11:21 AM

ايه يا رجاله 23 مشاهده ومفيش اى رد هو مفيش حد ليه فى العربيه دى ولا ايه؟؟؟

**ESO_POP** · 23-06-2008 01:22 AM

37 انسان ومحدش عبرنى بكلمه الف شكر ليكوا يا شباب
هى دى الاستجابه اللى الواحد ينتظرها منكوا
شكرا

**medohai510** · 23-06-2008 11:06 AM

معلش يا باشا يمكن محدش خد بالة، الرينو الــ19 أو الريمبو عربية محترمة جداً وحمالة أسية فعلاً أنا واحد صاحبي شاري واحدة موديل 99 بــ40000 جم بحالة ممتازة فقط محتاجة كاوتش وسمكرة من الخارج بسيطة جداً فانا شايف أن العربية دة سعرها عالي شوية أما أنها فعلاً تستاهل، علي العموم ممكن تفحصها عند أي ميكانيكي متخصص في الرينو (أسماء وعناوين وتليفونات الميكانيكية موجودة في منتدي الرينو تحت موضوع ميكانيكي رينو).

**ESO_POP** · 24-06-2008 01:28 AM

الف الف شكر ليك اخى الكريم بس مع الاسف انا مش فاهم هو حضرتك تقصد ان 35 الف كتير على الفرنساوى الكامله؟؟؟
ارجو التوضيح لوجهه نظرك

**medohai510** · 26-06-2008 01:37 PM

العفو يا باشا أحنا هنا لمساعدة بعض وبما يرضي الله، أنا سألت علي رينج العربية الــ19 موديل 1994 وعرفت أنها فرنساوي كلها ونزل منها كتير فول أوبشن مانيوال وتعمل من 32000 وحتي 37000 حسب الحالة.
أهم حاجة:
الدواخل فابريقة بالكامل.
الأرضية مفيهاش بارومه.
الموتور بحاله 70 %.
العفشة معقولة.
الفرش والكراسي مش متبهدلة.
الكاوتش معقول.
الشكل العام كويسة (مسئلة شخصية).
وبالنسبة لقطع الغيار فهي متاحة في كل حتة في مصر ورخيصة جداً بالمقارنة بالكليو والميجان وأيضاً بمثيلاتها الياباني والألماني، تكاد تكون مثل الكوري وأرخص في بعض الأشياء. والله الموفق