ارجو المساعده فى شراء سياره مستعمله : ميجان 2006 ولا لانسر 2008 ولا بيرسونا 2010

**hamada200982** · 29-06-2012 12:47 PM

ياجماعه انا فى حيره بقالى فتره وعايز اشترى عربيه اتوماتك فى اسرع وقت فى حدود 60 الف فوق وتحت 5000 ومحتار بين كذا نوع
لانسر 2008 فول ابشنز
ميجان 2006 فول
بروتون بيرسونا او جين تو 2010
ياريت حد يساعدنى فى الاختيار من اهل الخبره

**hamada200982** · 01-07-2012 01:00 AM

ايه محدش عايز يساعد ولا ايه
طيب اسمحوا لى اوضح اسباب حيرتى انا يمكن ده يشجع حد يرد عليا
اللانسر طبعا هيبقى سهل البيع وقطع الغيار بس هتنازل عن الرفاهيه والاوبشنز اللى موجوده فى الباقى
بالنسبه للميجان والبيرسونا بيتفقوا فى الاوبشنز والتكنولوجيا الموجوده فيهم بسر الاختلاف هيبقى فى سنة الموديل يعنى واحده 2006 والتانيه 2010
وبالنسبه للاسعا الموجوده هى كالتالى
بيرسونا 2010 حوالى 63 الف
ميجان 2006 حوالى 60 الف
لانسر 2008 بحوالى 70 الف
ياريت حد يخرجنى من الحيره دى لانى كنت مسافر ومعرفشى سوق العربيات هنا عامل ازاى ولا اماكن الصيانه

**mode_dode90** · 02-07-2012 01:37 AM

بيرسونا 2010 حوالى 63 الف
حقيقي معرفش عنها حاجة بس اللي سمعتة الناس بتبعد عنها
ميجان 2006 حوالى 60 الف
2006 بي 60!!! كدة غالية لان اسعارها في البيع بيتقع دي حاجة تاني حاجة الميجان جهنم في قطع الغيار و الصيانة ربنا لا يوريك وجعتها جمدة اووووووووووووووووووووي لان شوفتها مع ابن خالي و صارف عليها تقريبا 40 الف و العربية برضة مش بي ادئها تقيله في بعها و ديما بي خسارة لو عربيه مش هتبعها و مش هتغيرها مثلا بعد فترة حلوة بس استحمل قطع غيرها و صيانتها
لانسر 2008 بحوالى 70 الف
لانسر حلوة قطع غيار متوفرة منها 1500 و 1600 طبعا في البيع مش هتخسر اووي لو جيت تبيع بعديها بي فترة

امان : الميجان و لانسر بالنسبة للفئة دي من السيارات )) ياباني و فرنساوي
ثبات: الميجان (( لانسر في حاله الجنوط ))
________________________________
نيجي بقي للفئات الاخر عندك
BMW (( من 92 لحد 98 )) طبعا متقوليش موديل قديم و الكلام دا انا مدمن الماني BMW or Opel
Opel: نصيحة خليك في الفكترا ثبات امان طبعا فوق الوصف مكنة حلوة و تقيله من اول موديل 2004 لحد 2007 في نفس الرينج اللانسر و الميجان

و ربنا يكرمك و تلاقي حاجة حلوة

**mode_dode90** · 02-07-2012 01:42 AM

جين 2 لاااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا اااااااااااااااا
متور فوت بعد 3 شهور بس

**mhoreya** · 02-07-2012 04:40 AM

بيرسونا ومش هتندم

**wael2sh** · 02-07-2012 01:14 PM

أنا معايا لانسر 2006 وميجان 2006 الفرق في قطع الغيار مش كبير بالعكس أنا بفضل اركب الميجان في الركوب والسفر بالذات ,,دي ليها مميزات ودي ليها مميزات يعني التكيف اللنسر يكسب الامان و الأوبشنز الميجان تكسب استهلاك البنزين تقريبا واحد و لو أي سؤال في التفاصيل اسأل وانا هجاوبك

**hamada200982** · 03-07-2012 02:50 PM

@ mode_dode90 شكرا على المقارنه
بس انت فى مقارنتك قولت ان قطع غيار ميجان غاليه وهتكلف كتير فى حين ان الاخ wael2sh مشكورا بيقول ان عنده الاتنين وبيقول قطع الغيار فى نفس الرينج تقريبا
وبالنسبه لل بى ام الاوبل المفروض الالمانى قطع غياره غاليه
انا كان معايا مازدا 3 قبل كده ومع ان قطع الغيار كانت غاليه بس ده كان بيتعوض ف العمر الافتراضى الراحه

**motoxp** · 08-07-2012 08:53 PM

طب ماتشوف الالنترا 2006 عربية ممتازة بكل ما تحمله الكلمه عن تجربة

ثبات فرامل صاج تكييف و قطع غيار رخيصة و متوفرة و حمالة اسية و سهوله اعادة بيع

صدقنى مش هتندم بس المهم الحالة تكون ممتازة

**mode_dode90** · 08-07-2012 09:42 PM

المشاركة الأصلية كتبت بواسطة hamada200982

@ mode_dode90 شكرا على المقارنه
بس انت فى مقارنتك قولت ان قطع غيار ميجان غاليه وهتكلف كتير فى حين ان الاخ wael2sh مشكورا بيقول ان عنده الاتنين وبيقول قطع الغيار فى نفس الرينج تقريبا
وبالنسبه لل بى ام الاوبل المفروض الالمانى قطع غياره غاليه
انا كان معايا مازدا 3 قبل كده ومع ان قطع الغيار كانت غاليه بس ده كان بيتعوض ف العمر الافتراضى الراحه

علي اية يا باشا احنا اخوات
اولا انا من يوم ماركبت مركبتش غير الماني و يوم ما نزلت نزلت ركبت جين تو علشان شكلها عجبني و فعلا شكلها حلو و اوشبشن حلو بس عيوب جين تو حساس الاير باج لو العربية ريحت علي عربية تانية بتفتح و النتيجة تغير طبلوة كامل و دا كان تقريبا في حدودو 1500 جنية بعد الفصال
المتور فوت معايا بعد 3 شهور بس و دي حاجة غريبة علي عربية زيرو

بس انت فى مقارنتك قولت ان قطع غيار ميجان غاليه وهتكلف كتير فى حين ان الاخ wael2sh مشكورا بيقول ان عنده الاتنين وبيقول قطع الغيار فى نفس الرينج تقريبا

انا اللي شوفتة ان سعر الرينو لو صيانة غالي جدااا لو هنقارنها با اللانسر هتكون اغلي بي كتير و ساعت الحدثة العربية ربنا ميحكمش علي حد خدت ضهر و وش العربية لحد الدقيقة الحالية مش اداء الميجان طبعا و متشتيريهاش زيروووو هتجبها غالية تيجي تبيع تبيع رخيص
لو من النوع اللي بيسبت علي عربية وحدة حلوة كا موفرة للبنزين و وثبات و اوبشن طبعا

وبالنسبه لل بى ام الاوبل المفروض الالمانى قطع غياره غاليه

لالا دي لعبتي بقي انا بقالي تقريبا 10 سنين بركب بي ام و اوبل و مرسيديس وازيد
اكيد لو موديلات فوق 2005 هتبقي نار بس ليها حلول كتيرة
يعني شباب برضة و بنمشي حلنا زي بعض لو فنوس و الكلام دا اكيد غالي لو هتجيبة توكيل و الكلام دا
طبعا انا مشمتش ريحية التوكيل في حياتي غير بي عربية الحج عربيتي انا متشوفش توكيل اساسا و لو شفيتة و عيطيتت حتي مش هتدخله لان هتنفخ و اخرج فا في ميكانيكية برا قطع الغيار بقي شارع BMW في الحرفيين انزل و اختار و فاصل الحاجة اللي بيقول عليها ب 100 بقوله 50 و طبعا استيراد هنا فس مصر متجبش حاجة غير استيراد
و طبعا قطع الغيار معمرة جدااااااااااااااااااااااا اااااااااااااااااا عن ثقة في كلامي
غير كدة ثبات اداء جري افحت اردم برحتك بيها انت عارف الالماني و استحماله و معتقدش في حد بيعمل اللي بعمله في العربية
دا كا بي ام

نيجي للاوبل
الفكترا الجديدة فووووووووووق الروعه بس قطع غيرها حراقة اوووووووي بس عربية قوية قوة السنين و هترتاح فيها
مش عيزين قطع غيار حراقة تعالي نقول من موديل 97 لحد 2007
و دي اقدر اقولك كل حاجة عنها لان دي كانت العربية اللي فاتت معايا و باسعرها
صيانة طبعا عرفنا بقي مش بنروح توكيل
فا كان معايا ميكانيكي اوبل في المعادي الصيانة كنت بعملها ب 100 جنية لو حطيتها كمبيوتر و تنضيف رشاشات و الكلام دا
علي فكرة انا مفيش عربية ركبتها مدقتش طعم البنزين ال80
فا اللي انا بنفخ اي عربية و بتستحمل معايا
طبعا انا بوضحلك بس الصورة و انت تختار مش بقنعك بحاجة معينة
و ربنا يوفقك للخير يارب

تنبيه بمخالفة القاعدة رقم 6 بند أ
ممنوع الكتابة باللون الأحمر حيث أنه مخصص للمداخلات الإدارية.
الرجاء مراجعة قوانين المنتدى.
م ع 3

**mode_dode90** · 08-07-2012 09:55 PM

المشاركة الأصلية كتبت بواسطة motoxp

طب ماتشوف الالنترا 2006 عربية ممتازة بكل ما تحمله الكلمه عن تجربة

ثبات فرامل صاج تكييف و قطع غيار رخيصة و متوفرة و حمالة اسية و سهوله اعادة بيع

صدقنى مش هتندم بس المهم الحالة تكون ممتازة

انا معاك في كلامك عايز قطع غيار مش غالية اووووي ثبات فرامل تكيف طبعا دي اكيدة بتستحمل وسهوله بيع يبقي النترا

مشاهدة نتائج الإستطلاع: ايهما افضل

الموضوع: ارجو المساعده فى شراء سياره مستعمله : ميجان 2006 ولا لانسر 2008 ولا بيرسونا 2010

LinkBack

أدوات الموضوع

عرض

-

-

-

-

-

المواضيع المتشابهه

ارجو المساعده فى شراء سياره مستعمله : ميجان 2006 ولا لانسر 2008 ولا بيرسونا 2010

المساعده من مالكى الكورولا فى شراء عربيه مستعمله موديل 2006 2007

المساعده قبل شراء سياره مستعمله فى حدود 90 100 الف

ارجو الافاده فى شراء سياره مستعمله

ارجو المساعده فى شراء سياره مستعمله

الكلمات الدلالية لهذا الموضوع

المفضلات

المفضلات

ضوابط المشاركة