هى ايه عيوب اللانسر 1300

**mmatouk** · 22-06-2008 09:00 AM

السلام عليكم ورحمة الله
كل ما أسأل حد أجيب لانسر ولا ياريس يقولى لو هتجيب لانسر 1600 اوك لكن لو 1300 يبقى ابعد عن لانسر و هات حاجه تانيه. هل فعلا فى عيوب فى لانسر 1300 تستاهل الكلام ده و هل ياريس 1300 احسن من لانسر 1300
شكرا

**مصراوي جدا** · 22-06-2008 09:14 AM

لانسر 1300 مفيهاش عيوب ولا حاجه

طول عمر اللانسر في مصر من اوائل التسعينات الى 2004 وهي 1300 سي سي سواء مانوال أو أوتوماتيك أو رياضية سبور ومكانش فيه اي مشاكل

انما مع تعديل قرارات الجمارك والسماح باستيراد المحرك 1600 بجمارك معقولة مع اواخر عام 2004 وبدأت اللانسر 1600 تنزل مصر طبعا الناس حست بفرق بين المحرك 1300 و 1600 في اللانسر وبالذات في الاوتوماتيك

واصبح الشائع مقولة لو عايز لانسر اوتوماتيك هات 1600 وده لأن ال1300 اوتوماتيك سحبه مش شديد خاصة مع التكييف

فمن الآخر لو لانسر 1300 مانوال يبقى مفيهاش اي مشكلة

ولو لانسر 1300 اوتوماتيك يبقى العربية مناسبة للي مش غاوي شد وجري يعني مشي عادي انما لو عاوز شد وجري وكيك داون وسقط نقلة مع الاوتوماتيك يبقى 1600 طبعا انما ده لا يعني ان اللانسر 1300 فيها عيب

**casper1500** · 24-06-2008 03:25 AM

انا ناوى ان شاء الله على مانيوال

يبقى هات لانسر 1300 مانيوال , سحبها معقول
اليارس احسن من ناحية السحب و التكييف و العزل
انما اللانسر احسن من ناحية الثبات و قطع الغيار و اكيد الشكل و الوسع
ولاحظ ان اليارس لو عملت اي خبطة صغيرة لا قدر الله صعب اوى ترجع متسمكرة كويس بسبب شكلها العجيب و كمان الصاج و الاكصدام ضعيف زيادة عن اللازم ورق يعني و ابعادها في السواقة متعبة