عرض للطباعة
بسم الله الرحمن الرحيم
انا جايب العربية الماروتى بتاعتى من شهر 2 اللى فات
و من ساعتها و هيا نفس قعدة الكورسى و نفسى كل حاجة
الاسبوع اللى فات و النهاردة لما اجى اسوق رقبتى بتوجعنى و انا من ساعتها متكدر جدااا
هل ده من النوم تحت التكييف ؟؟؟؟
هل من قعدة العربية و لانى بحمل على رقبتى ؟؟؟ مع العلم ان ده نفس القعده من زمان جدااا
ارجو الافادة سريعا
هذا يعتمد على عدة امور منها العمر ونوعية العمل وعدد ساعات القيادة فقد يكون الامر سهلا ان شاء الله تعالى من نومة خطأ او برد وقد يكون اجهاد على عضلات الرقبة نتيجة الجلوس لعدد ساعات طويلة امام الكمبيوتر او ماشابه انا اعانى من ذلك ولكن لان عندى مشكلة فى فقرات الرقبة لجلوسى امام الكمبيوتر ساعات طويلة ولسنوات طويلة ولعمرى 49 سنة وانا اقود يوميا لمدة تزيد عن الساعة تقريبا وارتدى الرقبة المرنة معظم فترات القيادة وايضا اقوم بسند رقبتى عن طريق تدعيم الرقبة بواسطة الرقبة التر تركب على كرسى السائق وانصحك بتركيز مياه ساخنة على عضلات الرقبة لمدة عشر دقائق على الاقل وتكون المياة ساخنة فعلا ثم تدهنها بكريم مضاد للالتهابات (فولتارين) وتدفئها وترى النتيجة وان استمر فاعرض نفسك على طبيب عظام او علاج طبيعى و نصيحة منى لا تهمل ابدا ولا تنتظر وعافاك الله وايانا جميعا
الف شكر على ردك
بنسبة كبيرة دى برد و ان شاء الله تتحل قريب ان شاء الله
شكر مرة تانية على ردك
عاوز حل سريع ان شاء الله وهيقعد فتره كبيره معاك وعن تجربة
اعمل حجامة عند حد متخصص وهتلاقي رقبتك ميه ميه
بس برضه ده ميمنعشي انك تغير من يومك يعني قاعدة الكمبوتر وقاعدة العربيه تجيب مخدات صغيرة للرقبة بتركب على الكرسي بتاع العربيه هتريحك شوية
انا بسنبة كبيرة عرفت ايه السبب
تقريبا كده من النوم تحت التكييف
انا امبارح قدعت تحت تكييف فى مكان ما و لما قمت و سوقت علشان اروح لقيت رقبتى رجعت توجعنى تانى مع انى لما كنت سايف علشان اوصل ماكنشى فيه اى حاجة
ما هو انا عاوز افهمك حاجه
المشكلة مش بتبقى حاجه واحده
دي بتبقى اكتر من حاجه مع بعض بيعملوا كده
فلما بترتاح في حاجه منهم العملية بتخف شوية والعكس ايضا لما بتتعب في حاجه منهم بيبان عالطول في اللي بعديها الوجع
الحاجات دي هيا النوم الخاطئ عموما يعني تكييف او مخدة او مرتبه وقاعدة الكمبيوتر اكيد والسواقة بتاعت العربيه وقاعدة كرسيها
كل مايكون الكرسى واطى كل ما الرقبة توجعك
وبالتالى ممكن تستخدم وسادة عشان تخلى مستواك بالنسبة للبربريز فى وضع مستوى
زى بالضبط اكنك قاعد قدام شاشة الكمبيوتر
ادهن ابو فاس او فكس vaporab علي رقبتك مع بلع قرص ديكلوفيناك بوتاسيوم 50مجم مرتين لمدة يوم واحد او حقنة فولتارين بنفس المادة الفعالة ودفي رقبتك ونام شوية حلوين حتقوم بامر الله الشافي المعافي زي الفل وخلي بالك بعد كدة وسلامتك