الحاجه اللي تبوظ مع الأستخدام في شقه مفروشه علي مين؟

**shaddadfalcon1** · 30-06-2012 01:53 PM

السلام عليكم

انا قاعد في شقه مفروشه في مدينة نصر والتكييف دلوقتي بيسقط مياه في مدخل العماره ومغرق الدنيا مع ان ليه فايظ بس لما بصيت عليه لقيته بيسقط مياه من الجنب بس الخرطوم مش نازل عمودي ده نازل بجنب كده ومتني جامد مش عارف بقي هو ده اللي سده فبيرد المياه وعشاان كده بتسقط ولا ايه

المهم دلوقتي مين اللي المفروض يصلح حاجه زي دي ؟ انا ولا صاحب الشقه ؟
علما باني مكنتش بشغله خالص ومع الحر بقيت اشلغه كتيير عشان الشقه قبلي وبتبقي نار

الشقه بقالها شههرين معايا

ياريت تدولني قبل ماتصل بصاحبة الشقه

**Screenplays** · 30-06-2012 02:37 PM

طالما مستلم الحاجه سليمه و باظت في ايدك يبقي انت ملزم تصلحها

و ربنا يكرمك و تشتري شقه تمليك قريب

و ادي اخره اللي يتجوز هههههههههههههههههههه

**shaddadfalcon1** · 30-06-2012 02:43 PM

ازاي يعني ؟ انا مشغلتش التكييف لما استملت الشقه ولما شغلته بعدها بشهر كنت بشغله دقايق وخلاص لكن دلوقتي بشغله ساعات متواصله عشان كده بيطلع مياه يبقي المفروض من الأول انه كان بايظ

وبعدين مش دي اساسيات شقه ازاي بقي انا اللي اصلحها؟
يعني ينفع اجر عربيه لحد والفلاتر بقالها كتير متغيرتش ولما الراجل ياخدها يبقي هو ملزم يغيرها ؟ مش دي شقتها ولازم تعملها صيانه

لو الكلام دي صحيح يبقي الراجل السمسار ليه حق يدفعني فلوس التامين كلها عشانن كان مسلمني الشقه حاجات كلها متلصمه وكل ماامسك حاجه تبوظ ويدفعهاني ويقوليي انا مسلمهالك شغاله

**HeMa_LanCeR** · 30-06-2012 02:51 PM

طيب اعدل الخرطوم
لأن طول ما هو متني مش هينزل مياه وبيرجعها جوه التكييف

**Screenplays** · 30-06-2012 03:09 PM

المشاركة الأصلية كتبت بواسطة shaddadfalcon1

ازاي يعني ؟ انا مشغلتش التكييف لما استملت الشقه ولما شغلته بعدها بشهر كنت بشغله دقايق وخلاص لكن دلوقتي بشغله ساعات متواصله عشان كده بيطلع مياه يبقي المفروض من الأول انه كان بايظ

وبعدين مش دي اساسيات شقه ازاي بقي انا اللي اصلحها؟
يعني ينفع اجر عربيه لحد والفلاتر بقالها كتير متغيرتش ولما الراجل ياخدها يبقي هو ملزم يغيرها ؟ مش دي شقتها ولازم تعملها صيانه

لو الكلام دي صحيح يبقي الراجل السمسار ليه حق يدفعني فلوس التامين كلها عشانن كان مسلمني الشقه حاجات كلها متلصمه وكل ماامسك حاجه تبوظ ويدفعهاني ويقوليي انا مسلمهالك شغاله

و الله انا قولتلك الكلام اللي هيتقالك من السمسار و من صاحب الشقه

**shaddadfalcon1** · 30-06-2012 03:14 PM

المشاركة الأصلية كتبت بواسطة hema_lancer

طيب اعدل الخرطوم
لأن طول ما هو متني مش هينزل مياه وبيرجعها جوه التكييف

هجرب اعدله بس المشكله اني خايف احسن الخرطوم يقع لانه متاخد من تحت التكييف علي طول ومعدي من علي ماسوره حديد متثبته في الحيطه عشان ميبقاش الخرطوم محمل علي التكييف

**me_medoo** · 30-06-2012 03:15 PM

انتا عاوز الحق ولا ابن عمـــــــــــــــو ...
الحق والحقيقة والحق مع الاسـف أنك لا هتلجء للحق ولا لأبن عمو ولكن هنلجء لأبن خال الحـــــــــــق ههههههههههههه

@@@@@@@@@ بمعنى @@@@@@@@

قانوناً أنتا ماضي على قيمــــــــــــة أنك أسلمت الحاجة صالحة للأستخدام وبحالة جيدة ، وأنك قد عاينة كل شيء المعاينــــــــــة التامـــــــة والنافية للجاهلة ... يعني مفيش حاجة أسمها مكنتش أعـرف .
فهيا في ذمتك وفي عهـــدتك ... لكن أبن خال الحـق ... أنك تكلم صاحب الشقة ... وتقلوا الموضوع كذا كذا فأيه الحل .... يمكن يصلحلهالك ويمكن يقلك صلحها وأخصم تمن التصليح من الايجار ... ولو قلك أتصـرف أنتا يبقى برضو الراجل على حـق ...

@@@@@@@@@@@@@@@@@@@
فشفت مع الأسـف ... أن للحق وجوه كـــثيــــرة .

**abogogo** · 30-06-2012 03:26 PM

انا عندي شقتين بأجرهم جديد لما بسلمهم او بستلمهم اي مسمار ناقص بحسبه علي الساكن وده القانوني انت استلمت شيئ ترجعه كما استلمته ... وتقبل تحياتي

**FunnyMickey** · 30-06-2012 03:55 PM

مش انتا شغلت التكييف كتير ؟
ومكنش بيحصل حاجه

وبعدين حصل
يعني التكييف باظ منك
ولا انتا اول ما شغلته عمل كده

**Screenplays** · 30-06-2012 03:57 PM

المشاركة الأصلية كتبت بواسطة me_medoo

انتا عاوز الحق ولا ابن عمـــــــــــــــو ...
الحق والحقيقة والحق مع الاسـف أنك لا هتلجء للحق ولا لأبن عمو ولكن هنلجء لأبن خال الحـــــــــــق ههههههههههههه

@@@@@@@@@ بمعنى @@@@@@@@

قانوناً أنتا ماضي على قيمــــــــــــة أنك أسلمت الحاجة صالحة للأستخدام وبحالة جيدة ، وأنك قد عاينة كل شيء المعاينــــــــــة التامـــــــة والنافية للجاهلة ... يعني مفيش حاجة أسمها مكنتش أعـرف .
فهيا في ذمتك وفي عهـــدتك ... لكن أبن خال الحـق ... أنك تكلم صاحب الشقة ... وتقلوا الموضوع كذا كذا فأيه الحل .... يمكن يصلحلهالك ويمكن يقلك صلحها وأخصم تمن التصليح من الايجار ... ولو قلك أتصـرف أنتا يبقى برضو الراجل على حـق ...

@@@@@@@@@@@@@@@@@@@
فشفت مع الأسـف ... أن للحق وجوه كـــثيــــرة .

المشاركة الأصلية كتبت بواسطة abogogo

انا عندي شقتين بأجرهم جديد لما بسلمهم او بستلمهم اي مسمار ناقص بحسبه علي الساكن وده القانوني انت استلمت شيئ ترجعه كما استلمته ... وتقبل تحياتي

+1

الموضوع: الحاجه اللي تبوظ مع الأستخدام في شقه مفروشه علي مين؟

LinkBack

أدوات الموضوع

عرض

-

-

-

المواضيع المتشابهه

حد غير الحاجه دي

فوائد الأستخدام قطع الغيار الأصلية الجديدة

بيقوللي سياسه الأستخدام العادل !!

قراءة دليل الأستخدام ؟؟!!

ايه الحاجه الغريبه اللي في الكشافات دي

الكلمات الدلالية لهذا الموضوع

المفضلات

المفضلات

ضوابط المشاركة