الموضوع: عاجيانى سيينا و معرفش حاجه عنها

المشاركة الأصلية كتبت بواسطة misoalex

هيثم باشا اخبارك ايه :) انا عمال اقول الاسم ده مش غريب عليا مش غريب عليا لحد مخدت بالى من الفليشيا :)


بص التوكيل بتاعها اوماترا او الطارق بتاع شارع النصر فى المنشيه واوماترا على طريق العامريه قبل ماكدونالز بشويه
وعندك كمان مركز صيانه بتاع احمد لانشيا متخصص فيات وبيشتغل فى السيينا دى وعنده بعض قطع الغيار ليها

بس قبل ما تشتريها انزل اسأل على قطع غيارها لان 2006 مش عارف ليها قطع غيار متوفره بره التوكيل ولالا
لان التوكيل بيستهبل استهبال رسمى وممكن يدفعك نص تمن العربيه فى 3 او 4 مرات صيانه ده غير اغلب قطع الغيار مش متوفره عنده خاااااااالص بصراحه هو اسوأ توكيل فى نظرى

هى موتورها 1500 ولا 1600 لان ال 1500 دى كانت تقفيل صينى او برازيلى على فكره

ميسو حبيبى :)
عامل ايه يا باشا ؟ للأسف اتباعت يا ميسو و دى كانت 1300 سى سى مفيش قدامك فيرنا او كليو اتوماتيك بس تكون حاجه كويسه

المشاركة الأصلية كتبت بواسطة karimalaa

اه روح اكشف عليها و العربية جميلة الحمد لله نفس عربيتي بالظبط و نفس الموتور بس سيدان... قطع الغيار متوفرة بره التوكيل و سعرها معقول ... توكيل اوماترا بعد كوبري مرغم حتلاقي بنزينة اويل ليبيا بعدها في وي ترعة كده ... حاتخش من الشارع اللي بعد الترعة على طول ...العيب الوحيد في العربية هو اسطوانة الدبرياچ لو رجلك تقيلة عليها حاتشيع بدري ولو ماشي فترة أول و تاني في زحمة و بتستعمل الدبرياچ كتير حتقرفك شوية لما السكة تفتح لحد ما الاسطوانة تبرد شوية... غير كده العربية جميلة ما شاء الله ناعمة جداً و ثباتها حلو جداً لا يقارن بفئتها خالص (فكك من لانوس و فيرنا و أفيو و نيو اكسنت و ريو و الكلام الفاضي ده) و تحفة في الcity manœuvering
و ان شاء الله لو مهتم لما تجيبها احكيلك ازاي العربية بتشتغل (عشان هي كلها كهرباء مافيهاش حاجة مانيوال زي عربيات زمان أو العربيات الكوري أو معظم الياباني بتاع دلوقتي)

لو لاقيت حاجه تانيه بقى :( علشان دى اتباعت خلاص